ຂໍທຸກຄົນຢ່າຟ້າວແຕກຕື່ນ! ຖ້າຟັງຖະແຫຼງຂ່າວທາງການແນ່ນອນທີ່ສຸດ ຢ່າເຊື່ອທຸກຂ່າວອອນລາຍ ຖ້າບໍ່ຢາກເຈັບເສັ້ນ

ຂໍທຸກຄົນຢ່າຟ້າວແຕກຕື່ນ! ຖ້າຟັງຖະແຫຼງຂ່າວທາງການແນ່ນອນທີ່ສຸດ ຢ່າເຊື່ອທຸກຂ່າວອອນລາຍ ຖ້າບໍ່ຢາກເຈັບເສັ້ນ

23rd April 2021 0 By Education

ສະບາຍດີແຟນເພຈທີ່ຮັກແພງ ຕໍ່ກັບສະພາບເຫດການບ້ານເມືອງຂອງພວກເຮົາທີ່ເປັນຢູ່ໃນຕອນນີ້ ກໍ່ຄືການລະລາດຂອງພະຍາດໂຄວິດ-19 ເຊິ່ງມີຕົວເລກຜູ້ຕິດເຊື້ອພະຍາດດັ່ງກ່າວໃນປະເທດເຮົາເພີ່ມຂຶ້ນສູງແບບໜ້າຕົກໃຈ.

ແຕ່ທັ້ງນີ້ທັ້ງນັ້ນ ລັດຖະບານກໍ່ໄດ້ອອກມາດຕະການເດັດຂາດ ເພື່ອຄວບຄຸມ ແລະ ແກ້ໄຂການລະບາດຂອງພະຍາດດັ່ງກ່າວ, ເຊິ່ງແນ່ນອນວ່າທຸກມາດຕະການຈະເປັນຜົນໄດ້ກໍ່ຕໍ່ເມື່ອພວກເຮົາ ປວງຊົນລາວທັງຊາດຮ່ວມແຮງຮ່ວມໃຈກັນປະຕິບັດ ແລະ ຕໍ່ສູ້ໄປພ້ອມກັນ.

ແນວໃດກໍ່ຕາມ ຕໍ່ກັບສະພາບການທີ່ເປັນຢູ່ນັ້ນ ແນ່ນອນວ່າ ທຸກຄົນຕ່າງກໍ່ຢ້ານກົວ ແລະ ເປັນຫ່ວງຄວາມປອດໄພຂອງຕົນເອງ ແອັດຂໍເປັນສຽງໜຶ່ງເຕືອນໃຫ້ທຸກຄົນມິສະຕິ ຢ່າແຕກຕື່ນຕໍ່ທຸກຂ່າວທີ່ສັງຄົມອອນລາຍສ້າງຂື້ນ ໃຫ້ມີສະຕິໃນການບໍລິໂພກຂໍ້ມູນຂ່າວສານ ເລືອກອ່ານຂ່າວຈາກສື່ທາງການເທົ່ານັ້ນ ທັ້ງນີ້ກໍ່ເພື່ອຄວາມຖືກຕ້ອງຊັດເຈນ.

ຕໍ່ກັບບັນດາຂໍ້ຄວາມ ຫຼື ຂ່າວທີ່ເຜີຍແຜ່ໃນສື່ອອນລາຍຈໍານວນຫຼາຍນັ້ນ ກໍ່ຢ່າໄດ້ແຕກຕື່ນ ດັ່ງທີ່ແອັດກ່າວໄປຂ້າງເທິງ ຂໍໃຫ້ບໍລິໂພກຂ່າວຢ່າງມີສະຕິ ແລະ ເລືອກສື່ທາງການເທົ່ານັ້ນ ແຕ່ສິ່ງສໍາຄັນທີ່ທຸກຄົນຕ້ອງຄໍານຶງ ແລະ ປະຕິບັດໃນຕອນນີ້ຄື ພ້ອມໃຈກັນ ປະຕິບັດຄໍາສັ່ງ ແລະ ມາດຕະການທີ່ລັດຖະບານວາງອອກ ໃຫ້ເຂັ້ມງວດ ເພື່ອຄວາມປອດໄພຂອງຕົວທ່ານເອງ.

ຂໍທຸກຄົນຢ່າຟ້າວແຕກຕື່ນ ແຕ່ກໍ່ຕ້ອງລະວັງໂຕ ປ້ອງກັນໂຕເອງໃຫ້ດີ