ອາຍບໍ່ຜູ້ທີ່ສວຍໂອກາດຂຶ້ນລາຄາສິນຄ້າ! ໜຸ່ມໂພສຖາມຄົນເຫັນແກ່ຕົວ ຫຼັງໄດ້ໝາກເຜັດຟຣີຈາກແມ່ຄ້າຂາຍຜັກ

ອາຍບໍ່ຜູ້ທີ່ສວຍໂອກາດຂຶ້ນລາຄາສິນຄ້າ! ໜຸ່ມໂພສຖາມຄົນເຫັນແກ່ຕົວ ຫຼັງໄດ້ໝາກເຜັດຟຣີຈາກແມ່ຄ້າຂາຍຜັກ

29th April 2021 0 By Education

ເປັນເລື່ອງລາວມທີ່ໜ້າຊື່ນຊົມຫຼາຍ ເມື່ອມີຜູ້ໃຊ້ເຟສບຸກທ່ານໜຶ່ງ ອອກມາໂພສຂໍ້ຄວາມເຖິງແມ່ຄ້າຂາຍໝາກເຜັດ ເຮັດໃນສິ່ງທີ່ຕົນຄາດບໍ່ເຖິງ ແຕ່ມັນກາຍເປັນກະແສໃນສື່ອອນລາຍ ແລະ ແມ້ຄ້າຄົນນັ້ນຕ່າງກໍ່ໄດ້ຮັບຄວາມຊື່ນຊົມຢ່າງລົ້ນຫຼາມ.

ໃນສະພາບທີ່ປະເທດເຮົາກໍາລັງປະເຊີນຢູ່ນັ້ນ ຄວາມສາມີຄີ ການຊ່ວຍເຫຼືອເຊິ່ງກັນ ແລະ ກັນ, ການມີນໍ້າໃຈຕໍ່ກັນ ເປັນສິ່ງສໍາຄັນທີ່ທຸກຄົນຕ້ອງການຫຼາຍໃນຕອນນີ້.

ແລະແນ່ນອນ ຄົນລາວຄົນມີນໍ້າໃຈ ນະຕອນນີ້ ມີຜູ້ຄົນໃນສັງຄົມຈໍານວນຫຼາຍ ອອກມາໃຫ້ຄວາມຊ່ວຍເຫຼືອປະຊາຊົນ ຊ່ວຍເຫຼືອແພດໝໍ ດ້ວຍການມອບເຂົ້າສານອາຫານແຫ້ງໃຫ້ຜູ້ທີ່ຂາດເຂີນ, ມອບອາຫານການກິນ ສະໜັບສະໜູນເຈົ້າໜ້າທີ່ທີ່ກໍາລັງປະຕິບັດໜ້າທີ່ໃນຕອນນີ້.

ແນວໃດກໍ່ຕາມ ມື້ນີ້ແອັດມິນສຶກສາ-ໄອທີ ກໍ່ມີອີກໜຶ່ງເຫດການທີ່ໜ້າຊື່ນຊົມ ຢາກນໍາມາແບ່ງຕໍ່ໃນມື້ນີ້ ໂດຍມີຜູ້ໃຊ້ເຟສບຸກທ່ານໜຶ່ງ ອອກມາໂພສພາບນໍ້າໃຈຂອງແມ່ຄ້າຂາຍໝາກເຜັດ ທີ່ຕົນໄປຊື້ໝາກເຜັດແຕ່ກໍ່ຕ້ອງພົບກັບເຫດການທີ່ສ້າງຄວາມປື້ມປິຕິເປັນຢ່າງຍິ່ງກໍ່ຄື ແມ່ຄ້າບໍ່ເອົາເງິນນໍາ ແລະ ບອກກັບຕົນວ່າຊ່ວງນີ້ທຸກຄົນລໍາບາກ ຊ່ວຍເຫຼືອກັນໄດ້ກໍ່ຊ່ວຍໄປ.

ທັ້ງນີ້ຂໍ້ຄວາມຈາກຜູ້ໃຊ້ເຟສບຸກທ່ານນີ້ ໄດ້ໂພສໄວ້ວ່າ: (ອາຍບໍ່ສໍາລັບຜູ້ທີ່ສວາຍໂອກາດຂຶ້ນລາຄາສິນຄ້າ); ມື້ນີ້ໄປຕະຫຼາດເດີ່ນທາດ ແລະ ໃນລາຍການມີຊື້ໝາກເຜັດແດ່ ກະເລີຍໄປຊື້ນຳແມ່ຄ້າສອງແມ່ລູກ ຈ່າຍເງິນໃຫ້ເພິ່ນແຕ່ຖືກປະຕິເສດ ເພິ່ນວ່າຊ່ວງນີ້ໃຜກະລຳບາກ ເພິ່ນໃຫ້ມາກິນລ້າບໍ່ເອົາເງິນ.

ຮູບແມ່ຄ້າສອງແມ່ລູກໃຈດີ

ຜູ້ກ່ຽວຈຶ່ງຖາມກັບວ່າ: ແລ້ວແມ່ຄ້າບໍ່ລຳບາກວະຖ້າແຈກຟີແນວນີ້ ເພິ່ນວ່າຄ້າຂາຍມາຫຼາຍປີແລ້ວພໍຮັບມືໄດ້ຢູ່ ຊ່ວງນີ້ຊ່ວຍກັນໄດ້ກະຊ່ວຍກັນໄປກ່ອນ ຂອບໃຈຫຼາຍໆເດີ ໃຫ້ທ່ານພົບແຕ່ຄວາມສຸກ ຄວາມຈະເຈີນເທີ້ນ.