ແຈ້ງສະຖານທີ່ໃໝ່ 30 ເມສາ! ໃຜເຄີຍໄປ ຫຼື ໃກ້ຊິດກັບຜູ້ຕິດເຊື້ອໂຄວິດ-19 ໃຫ້ໄປເກັບຕົວຢ່າງກວດດ່ວນ

ແຈ້ງສະຖານທີ່ໃໝ່ 30 ເມສາ! ໃຜເຄີຍໄປ ຫຼື ໃກ້ຊິດກັບຜູ້ຕິດເຊື້ອໂຄວິດ-19 ໃຫ້ໄປເກັບຕົວຢ່າງກວດດ່ວນ

30th April 2021 0 By Education

ໃນວັນທີ 30 ເມສາ 2021 ຄະນະສະເພາະກິດຖະແຫຼ=ຂ່າວສະພາບການລະບາດຂອງພະຍາດໂຄວິດ-19 ໃຫ້ຮູ້ວ່າ ມີຜູ້ຕິດເຊື້ອໂຄວິດ-19ເພີ່ມຈໍານວນ 85ຄົນ ເຮັດຍອດຜູ້ຕິດເຊື້ອສະສົມເປັນ 757ຄົນ.

ທັ້ງນີ້ ນະຄອນຫຼວງວຽງຈັນຍັງດປັນແຂວງທີ່ມີຜູ້ຕິດເຊື້ອໂຄວິດ-19 ເພີ່ມຂຶ້ນສູງລື່ນແຂວງອື່ນເຊັ່ນເຄີຍ ໂດຍຮອບນີ້ພົບເພີ່ມ 69ຄົນ, ບໍ່ແກ້ວ 7ຄົນ, ສະຫວັນນະເຂດ 3ຄົນ, ແຂວງວຽງຈັນ 2ຄົນ, ໄຊຍະບູລີ 2ຄົນ, ຈໍາປາສັກ 1ຄົນ ແລະ ອຸດົມໄຊ 1ຄົນ.

ແນວໃດກໍ່ຕາມ ຜູ້ຕິດເຊື້ອທັງໝົດ ຍັງແມ່ນກຸ່ມຜູ້ສໍາຜັດໃກ້ຊິດກັບຜູ້ຕິດເຊື້ອຜ່ານມາ.

ທີມແພດໝໍກຽມພ້ອມຮັບມືໂຄວິດ-19

ແຕ່ທັງນີ້ທັງນັ້ນ ທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຍັງແຈ້ງໃຫ້ຮູ້ເຖິງສະຖານທີ່ແຫ່ງໃໝ່ ທີ່ຜູ້ຕິດເຊື້ອໃໝ່ໄດ້ໄປພົບພັນ ໂດຍມີ ຮ້ານຄາລາໂອເກະວິກຕໍ ສາມແຍກນາໄຊ, ໄດ້ໄປສົ່ງນໍ້າດື່ມຢູ່ວັດໄຕໃຫຍ່, ວັດໄຕນ້ອຍ, ວັດໂຊກໄຊ, ວັດປ່າໜອງບົວທອງ , ຮ້ານຂາຍເຄື່ອງກິນສຸກຕະຫຼາດໂພນຕ້ອງ ເມືອງຈັນທະບູລີ ນະຄອນຫຼວງວຽງຈັນ, ບໍ່ແຮ່ຄໍາ ບໍລິສັດດາລີ ສສ ຫວຽດນາມ ບ້ານຫ້ວຍຄໍາ ເມືອງສັງທອງ  ແລະ ນອກຈາກນີ້ຜູ້ຕິດເຊື້ອຍັງໄດ້ເດີນທາງໄປໂຮງໝໍມະໂຫສົດ ແລະໂຮງໝໍ 103.

ທັ້ງນີ້ ທ່ານຫົວໜ້າກົມຄວບຄຸມພະຍາດຕິດຕໍ່ແຈ້ງຕື່ມວ່າ ຫາກໃຜໄດ້ໄປສະຖານທີ່ແຫ່ງນີ້ ຫຼື ສໍາຜັດໃກ້ຊິດກັບຜູ້ຕິດເຊື້ອ ແມ່ນໃຫ້ເຂົ້າເກັບຕົວຢ່າງກວດຫາເຊື້ອໂຄວິດ-19 ໂດຍດ່ວນ.