ນ້າຄ່ອມໂບກມືລາຄັ້ງສຸດທ້າຍ ກ່ອນຈາກໄປຕະຫຼອດການ

ນ້າຄ່ອມໂບກມືລາຄັ້ງສຸດທ້າຍ ກ່ອນຈາກໄປຕະຫຼອດການ

30th April 2021 0 By Education

ໂຄວິດໂລກຮ້າຍໄດ້ທຳລາຍສຸຂະພາບຂອງຄົນທັ້ງໂລກຫຼາຍຮ້ອຍລ້ານຄົນ ເຮັດໃຫ້ທຸກຄົນທີ່ຍັງບໍ່ຕິດອົກສັ່ນຂັວນຫາຍເບໍ່ເປັນອັນກິນອັນນອນ ແລະຄົນດັງຫຼາຍຄົນຕ້ອງຈາກໄປກ່ອນໄວອັນຄວນ ໜຶ່ງໃນນັ້ນແມ່ນ ນ້າຄ່ອມ ຊວນຊື່ນ ດາວຕະຫຼົກໄທທີ່ທຸກຄົນຮູ້ຈັກດີໄດ້ຈາກທຸກຄົນໄປຕະຫຼອດການ ແລະຈາກໄປຢ່າງບໍ່ມີການຄົບງັນ ລູກເມຍບໍ່ໄດ້ສົ່ງເພິ່ນຂຶ້ນສະຫວັນມີພຽງລູກຊາຍຄົນດຽວ ເນື່ອງຈາກເມຍ ແລະລູກສາວເພິ່ນຍັງນອນປິ່ນປົວໂຄວິດຢູ່ໂຮງໝໍ.

ຢ້ອນຫຼັງກັບໄປເມື່ອວັນທີ 13 ເມສາ 2021 ຄົນໃນຄອບຄົວຂອງນ້າຄ່ອມໄດ້ຖ່າຍຄິບຂອງຕະຫຼົກດັງເອົາໄປ ຂະນະທີ່ກຳລັງເກັບກະເປົາອອກຈາກເຮືອໄປຂຶ້ນລົດໂຮງໝໍ ເພື່ອເຂົ້າສູ່ຂະບວນການປິ່ນປົວຕາມຫຼັກວິຊາການ.

ໂບກມືລາເມຍຮັກກ່ອນຈະບໍໄດ້ພໍ້ກັນອີກຕໍ່ໄປ ຊາດນີ້ໄດ້ແຕ່ເກັບຄວາມຊົງຈຳໄປຊົ່ວນິລັນ

ໃນນັ້ນມີແມ່ເອ ເມຍຂອງນ້າຄ່ອມເອງຍ່າງໄປສົ່ງຮອດລົດ ທາງດ້ານນ້າຄ່ອມໄດ້ໂບກມືລາເມຍສຸດທີ່ຮັກກ່ອນອັດປະຕູລົດ ສ່ວນເມຍຂອງເພິ່ນໄດ້ຮ້ອງເປັນສຽງດັງໆວ່າ ສູ້ໆນະ ດຽວໂທຫາຢ່າລືມເປີດສຽງໂທລະສັບໄວ້ນະ ແລ້ວລົດກໍ່ເຄື່ອນອອກໄປ.

ເວົ້າໄດ້ວ່າຄລິບດັ່ງກ່າວເປັນສິ່ງທີ່ບີບຫົວໃຈຄົນທີ່ເຫັນເປັນທີ່ສຸດ ໃຜຈະຮູ້ການໂບກມືຂອງເພິ່ນຄັ້ງນີ້ຈະເປັນຄັ້ງສຸດທ້າຍ ເປັນຄືກັບວ່າ ໄປຄັ້ງນີ້ຄົງບໍ່ກັບມາອີກແລ້ວຕະຫຼອດການ.

ສຳລັບນ້າຄ່ອມ ຊວນຊື່ນ ເປັນດາວຕາຫຼົກທີ່ສ້າງສຽງຫົວ ແລະຄວາມບັນເທິງແກ່ຜູ້ຊົມໃນທຸກໆເລື່ອງ, ເພິ່ນເກີດເມື່ອວັນທີ 5 ມັງກອນ 1958  ທີ່ຈັງຫວັດພະນະຄອນສີອະຍຸທະຍາ ໄດ້ເສຍຊີວິດລົງໃນຕອນເຊົ້າຂອງວັນທີ 30 ເມສາ ປີ 2021 ດ້ວຍໂພະຍາດໂຄວິດ-19 ເນື່ອງຈາກ ຜູ້ກ່ຽວມີໂລກປະຈຳຕົວນຳ ແພດຈີ່ງບໍ່ສາມາດຍື້ຊີວິດໄດ້ ແລະຈາກໄປໃນໄວ 63 ປີ.