ນ້ຳໃຈເພື່ອຄົນລາວ ໃຫ້ຢູ່ລ້າຫ້ອງແຖວໜອງໄຮ

ນ້ຳໃຈເພື່ອຄົນລາວ ໃຫ້ຢູ່ລ້າຫ້ອງແຖວໜອງໄຮ

3rd May 2021 0 By Education

ດີໃຈແທນຄົນຫ້ອງເຊົ່າ ໂດຍສະເພາະຜູ້ທີ່ເຊົ່າຖືກບ່ອນໃຈດີຫຼຸດເຄິ່ງຄ່າ ຫຼື ໃຫ້ຢູ່ລ້າໃນຊ່ວງທີ່ບໍສາມາດຫາເງິນໄດ້ນີ້ໃຫ້ທຸກຄົນຜ່ານພົ້ນໄປນຳກັນ ໂຄວິດກາຍຄ່ອຍວ່າກັນໃໝ່ ນ້ຳໃຈຄົນລາວບໍເຫືອດແຫ້ງມີເຂົ້າຊ່ວຍເຂົ້າ ມີໝີ່ຊ່ວຍໝີ່ບໍມີຫຍັງກໍ່ຊ່ວຍເປັນພົນລະເມືອງທີ່ດີຂອງຊາດບໍຫາບັນຫາມາໃຫ້ທຸກຄົນແກ້ກໍລ້ວນແມ່ນນ້ຳໃຈ.


ທ່ານ ນາງ ແສງວິໄລ ພົມຮັກສາ ຫຼື ມີນາ ເຈົ້າຂອງຫ້ອງແຖວເຂດບ້ານໜອງໄຮ ເມືອງຫາດຊາຍຟອງ ແຖວເດີ່ນເຕະບານລ້ານຊ້າງ ຫ້ອງແຖວເພິ່ນແມ່ນມີທັງໝົດ 10 ຫ້ອງໃນທຸກໆເດືອນມີນາຈະເກັບຄ່າເຊົ່າເດືອນລະ 650.000 ກີບ ແຕ່ໄະຍະທີ່ເກີດການລະບາດຂອງໂຄວິດ-19 ນີ້ແມ່ນຈະໃຫ້ຢູ່ລ້າໆບໍ່ຕ້ອງຫ່ວງເລື່ອງເງິນຈ່າຍຄ່າຫ້ອງສຳລັບລູກຄ້າເພິ່ນ.


ທ່ານ ນາງ ແສງວິໄລ ພົມຮັກສາເປັນແມ່ຄ້າຂາຍເສື້ອຜ້າແຕ່ມີຫ້ອງແຖວ 10 ຫ້ອງໃຫ້ຄົນທີ່ບໍມີພື້ນຖານຢູ່ນະຄອນຫຼວງໄດ້ເຊົ່າ ປະຈຸບັນທຸກຄົນຕ້ອງໄດ້ກັກຕົວບໍ່ສາມາດອອກໄປຫາເງິນໄດ້ມີນາ ແລະຄອບຄົວຈື່ງຕັດສິນໃຈຍົກເວັ້ນຄ່າເຊົ່າຫ້ອງ ເປັນການຊ່ວຍແບ່ງເບົາຄ່າໃຊ້ຈ່າຍຂອງຜູ້ມາພັກເຊົາ ເພາະສ່ວນໃຫຍ່ທີ່ມາພັກເຊົານຳຈະເປັນນັກສຶກສາທີ່ຍັງບໍທັນມີລາຍຮັບ ບາງຈຳນວນກໍ່ແມ່ກຳມະກອນຜູ້ຫາເຊົ້າກິນຄ່ຳທັງນັ້ນ.

ມີນາບອກວ່າການຊ່ວຍເຫຼືອຄັ້ງນີ້ເຖິງຈະຫຼວງຫຼາຍແຕ່ຢ່າງໜ້ອຍກໍ່ສາມາດບັນເທົາລາຍຈ່າຍໃຫ້ກັບ10 ຄົນ ຫລື ຕໍ່ 10 ຄອບຄົວ ເປັນນ້ຳໃຈທີ່ຄົນລາວເຮົາມອບໃຫ້ກັນ.


ໂອໂຫສ່ຳນີ້ກໍ່ຊື້ງສຸດແລ້ວສາວມີນາເອີຍ ເຈົ້າຂອງຫ້ອງແຖວຫຼາຍບ່ອນຍາມແບບນີ້ແຫ່ງໄປກັນໃຫຍ່ ໂຍະຍານໃຫ້ບໍໄດ້ ແຖມຂື້ນເງິນຕາມເລດເງິນບາດອີກ ສຳລັບມະນຸດຫ້ອງແຖວແລ້ວຫຼຸດ ຫຼຶ ເລື່ອນເວລາຈ່າຍໃຫ້ກໍ່ຊື້ງນ້ຳຕາຊືມແລ້ວ.