ຊີ້ແຈງຕາມນີ້! ກໍລະນີບ່າວຕໍາຫຼວດຕິດເຊື້ອໂຄວິດ-19 ຢູ່ສະຫວັນນະເຂດ ກິນແບ້ໃນສູນປິ່ນປົວ

ຊີ້ແຈງຕາມນີ້! ກໍລະນີບ່າວຕໍາຫຼວດຕິດເຊື້ອໂຄວິດ-19 ຢູ່ສະຫວັນນະເຂດ ກິນແບ້ໃນສູນປິ່ນປົວ

6th May 2021 0 By Education

ແອັດເຊື່ອວ່າຫຼາຍທ່ານ ຈະໄດ້ຮູ້ມາແລ້ວບໍ່ໜ້ອຍ ສໍາລັບຂ່າວເຫດການຜູ້ປ່ວຍຕິດເຊື້ອໂຄວິດ-19 ນໍາເອົາສັດມາປຸງແຕ່ງຢູ່ໃນສູນປິ່ນປົວໂຄວິດ-19 ຢູ່ແຂວງສະຫວັນນະເຂດ ເມື່ອວັນທີ 1 ພຶດສະພາ 2021 ທີ່ຜ່ານມາ.

ທ້າວຕື້

ເຊິ່ງກະແສຂ່າວດັ່ງກ່າວກໍ່ມຸ່ງໄປໃສ່ຕົວທ້າວ ພູໄຊ ສີສະຫວັນ ຫຼື ຕື້ ຕໍາຫຼວດທີ່ຕິດເຊື້ອໂຄວິດ-19 ຢູ່ສະຫວັນນະເຂດ ພ້ອມໝູ່ໃນສູນ ເປັນຜູ້ກະທໍາ ໂດຍນໍາແບ້ມາຄົວ ແລະ ປຸງແຕ່ງໃນສູນປິ່ນປົວແຫ່ງນີ້.

ຫຼ້າສຸດ ທ່ານ ປອ.ດຣ ຕຽງຄໍາ ປ້ອງວົງສາ ຮອງຫົວໜ້າສາທາລະນະສຸກແຂວງສະຫວັນນະເຂດ ໄດ້ອອກມາຊີ້ແຈງກໍລະນີດັ່ງກ່າວແລ້ວ ໂດຍສັງລວມໄດ້ວ່າ: ເຫດການດັ່ງກ່າວແມ່ນມີຄວາມຈິງແທ້, ເປັນແບ້ທີ່ນໍາມາຈາກຂ້າງນອກ ເຊິ່ງຄອບຄົວຜູ້ກ່ຽວນໍາມາສົ່ງ. ທັ້ງນີ້ຜູ້ກ່ຽວໃຫ້ເຫດຜົນວ່າ ຢາກກິນແນວແຊບໆ ເພາະລີ້ນກັບມາຮັບລົດຊາດແລ້ວ.

ແນວໃດກໍ່ຕາມ ເຫດການດັ່ງກ່າວນັ້ນ ແພດໝໍໄດ້ຫ້າມຜູ້ກ່ຽວແລ້ວແຕ່ບໍ່ຟັງ ທີ່ສໍາຄັນ ເຈົ້າໜ້າທີ່ໃນສູນປິ່ນປົວບໍ່ມີສ່ວນກ່ຽວຂ້ອງນໍາ ມີແຕ່ຄົນເຈັບທີ່ຮ່ວມຢູ່ໃນເຫດການຄັ້ງນີ້.

ນະຕອນນີ້ຜູ້ກ່ຽວຖືກຕັກເຕືອນ ແລະ ເຮັດບົດບັນທຶກແລ້ວ, ສ່ວນມາດຕະການດ້ານປັບວິໄນທາງເຈົ້າໜ້າທີ່ ປກສ ແມ່ນຢູ່ໃນຂັ້ນຕອນຕໍ່ໄປ​ພາຍຫລັງປິ່ນປົວດີແລ້ວ.