ກຽມເຄື່ອງໄປມອບໃຫ້ ແຕ່ຄົນຫຼາຍເກີນໄປຂໍໂທດເດີ້ ໃຫ້ທາງ ມຊ ມອບຕໍ່

ກຽມເຄື່ອງໄປມອບໃຫ້ ແຕ່ຄົນຫຼາຍເກີນໄປຂໍໂທດເດີ້ ໃຫ້ທາງ ມຊ ມອບຕໍ່

7th May 2021 0 By Education

ມື້ວານນີ້ມີຫຼາຍເຈົ້າໂພສລົງເຟສບຸກຈະໄປບໍລິຈາກເຂົ້າສານອາຫານແຫ້ງຢູ່ເຂດດົງໂດກ ບໍລິເວນຫໍພັກ ມຊ ຫຼັກໆແມ່ນຢາກຊ່ວຍເຫຼືອນັກສືກສາຜູ້ທີ່ຕົກຄ້າງຢູ່ຫໍພັກບໍ່ມີແນວຢູ່ແນວກິນ ເນື່ອງຈາກການລັອກດາວຂອງທົ່ວປະເທດ ແລະເຮັດໃຫ້ພໍ່ແມ່ທາງບ້ານບໍ່ສາມາດສົ່ງມາໃຫ້ ແຕ່ປະກົດວ່າຄົນຫຼາຍເກີນໄປ ເຮັດໃຫ້ຕ້ອງປ່ຽນວິທີໃໝ່່.

ບາງຄົນກໍ່ຈະເຫັນແລ້ວພາບບັນຍາກາດຄົນຖ້າໄປຮັບເຄື່ອງຊ່ວຍເຫລືອຢູ່​ແຖວວິທະຍາເຂດດົງໂດກ ນະຄອນຫລວງວຽງຈັນ ເຫັນວ່າມີຈຳນວນຫຼາຍເກີນຄາດໄວ້  ອັນສໍາຄັນສຸດ ເປັນຫ່ວງຈະບໍ່ສາມາດເວັ້ນໄລຍະຫ່າງ ເຊິ່ງສ່ຽງຕໍ່ການຕິດເຊື້ອບາງເຈົ້າຈິ່ງຂໍປ່ຽນຊ່ອງທາງບໍລິຈາກ.

ທາງໜຸ່ມຫຼໍ່ ສຸວິນ ໄດ້ໂພສລົງໃນເຟສບຸກສ່ວນຕົວລະບຸວ່າ: ຂ້າພະເຈົ້າ ຂໍຕາງໜ້າ ທີມງານ ນັກຮ້ອງ, ສິນລະປິນມົ້ງ ຊ່າງພາບຕ່າງໆ, ຂໍຊີ້ແຈງກ່ຽວກັບການແຈກອາຫານ ແລະ ເຂົ້າສານໃຫ້ກັບນ້ອງນັກຮຽນ ນັກສຶກ ມຊ ແລະ ພໍ່ແມ່ປະຊາຊົນເຂດໃກ້ຄຽງຊາບດັ່ງນີ້:

ພວກຂ້າພະເຈົ້າຕ້ອງຂໍໂທດ ແລະ ຂໍອະໄພ ຫຼາຍໆ ທີ່ບໍ່ສາມາດແຈກໄດ້ຕາມທີ່ແຈ້ງການອອກໄປນັ້ນ, ເນື່ອງຈາກວ່າ ຈຳນວນຄົນທີ່ມາຮັບເຄື່ອງແມ່ນຫຼາຍເກີນຄາດ ເຊິ່ງ ເຮັດໃຫ້ສະຖານະການແອອັດ ແລະ ອາດຈະມີຄວາມສ່ຽງໃນການແຜ່ເຊື້ອຂອງພະຍາດລະບາດຂອງ Covid19.

ສະນັ້ນ, ເພື່ອຮັບປະກັນຄວາມປອດໄພຂອງພໍ່ແມ່ປະຊາຊົນກໍ່ຄືພວກຂ້າພະເຈົ້າທາງທີມງານ ຄືກັນ ເພື່ອບໍ່ໃຫ້ເປັນພາລະຂອງພາກລັດໃນການແກ້ໄຂບັນຫາໂລກລະບາດດັ່ງກ່າວ. ດັ່ງນັ້ນ, ພວກຂ້າພະເຈົ້າຈິ່ງໄດ້ມອບເຄື່ອງຂອງດັ່ງກ່າວໃຫ້ກັບ ທາງ ຄະນະອະທິການບໍດີ ມະຫາວິທະຍາໄລແຫ່ງຊາດ ເປັນຜູ້ມອບໃຫ້ນ້ອງນັກສຶກສາ (ອີກເທື່ອໜຶ່ງຕ້ອງຂໍອະໄພນຳອ້າຍເອື້ອຍນ້ອງ, ນັກຮຽນນັກສຶກສາ ແລະ ພໍ່ແມ່ປະຊາຊົນທີ່ເສຍເວລາໃນການມາຖ້າຮັບເຄື່ອງເປັນເວລາດົນ 🙏🙏🙏)

ບ່າວສາວຄົນບັນເທິງຊາວມົ້ງຜູ້ບໍລິຈາກຊ່ວຍນັກສຶກສາ