ສຸດຊື້ງ ຂອບໃຈແທນນ້ອງ! ນ້ອງບົ້ງກີ ສາວນ້ອຍຜູ້ລ້ຽງພໍ່ຕາບອດໄດ້ຮັບເຄື່ອງຊ່ວຍເຫຼືອເບື້ອງຕົ້ນແລ້ວ

ສຸດຊື້ງ ຂອບໃຈແທນນ້ອງ! ນ້ອງບົ້ງກີ ສາວນ້ອຍຜູ້ລ້ຽງພໍ່ຕາບອດໄດ້ຮັບເຄື່ອງຊ່ວຍເຫຼືອເບື້ອງຕົ້ນແລ້ວ

9th May 2021 0 By Education

ກ່ອນໜ້ານີ້ບໍ່ດົນ ໄດ້ມີເລື່ອງລາວສຸດທີ່ໜ້າເວທະນາຂອງເດັກຍິງຄົນໜຶ່ງ ທີ່ຊີວິດສຸດລໍາບາກ ແມາເສຍປະ ເຫຼືອພຽງພໍ່ຕາບອດທີ່ຕົນຕ້ອງລ້ຽງດູ ທັ້ງທີນ້ອງຫາກໍ່ອາຍຸ 11ປີ ແຕ່ຕ້ອງກາຍມາເປັນເສົາຫຼັກເບິ່ງແຍງພໍ່ ຍິ່ງໄປກວ່ານັ້ນ ນ້ອງບໍ່ມີໂອກາດໄດ້ຮຽນໜັງສື ເພາະຄອບຄົວທຸກຈົນຫຼາຍ.

ຂໍ້ມູນຈາກໂຊຊຽວໃຫ້ຮູ້ວ່າ: ນ້ອງບົ້ງກີ ອາຍຸ 11 ປີ ລ້ຽງພໍ່ຕາບອດ ນ້ອງບໍ່ໄດ້ຮຽນຫນັງສື, ນ້ອງບໍ່ມີຊີວິດ ແລະອານາຄົດ ທີ່ສວຍງາມຄືຄົນອື່ນ, ນ້ອງບໍ່ມີໃຜ ອານາຄົດເຕັມໄປດວ້ຍຄວາມມືດມົນ, ນ້ອງນອນ ກັບພໍ່ຕາບອດ ທຸກຄືນ ໃນມູ້ງຂາດໆດາງເກົ່າໆ ຊື່ງບາງຄືນ ສອງພໍ່ລູກ ກໍ່ບໍ່ວິດ ການເປັນ ອາຫານຂອງຍູງ.

ຕໍ່ມາກໍ່ມີຊາວເນັດອອກມາແຊເລື່ອງລາວນີ້ ເພື່ອໃຫ້ຜູ້ໃຈບຸນທັງຫຼາຍໄດ້ເຂົ້າໄປຊ່ວຍເຫຼືອນ້ອງ ເຊິ່ງເຄື່ອງຂອງທີ່ຕ້ອງການນັ້ນບໍ່ມີຫຍັງໜັກໜາສາຫັດເລິຍ ແຕ່ເປັນເຄື່ອງໃຊ້ພາຍໃນເຮືອນເປັນຕົ້ນແມ່ນມຸ້ງ, ຜ້າຫົ່ມ, ຖ້ວຍ,  ບ່ວງ, ຈານ, ໝໍ້ ແລະສາດ ແດ່ເຖີ້ນ.

ຫຼ້າສຸດ ບ້ອນແຮງຈາກໂຊຊຽວ ທີ່ມີສ່ວນຮ່ວມຊ່ວຍກັນແຊເລື່ອງລາວນຮີ້ໄປຮອດຫູຜູ້ໃຈບຸນທັງຫຼາຍ ເຮັດໃຫ້ຕອນນີ້ ນ້ອງໄດ້ຮັບເຄື່ອງຊ້ວຍເຫຼືອຈໍານວນໜຶ່ງແລ້ວ ເປັນປະເພດ ບ່ອນນອນ, ໝີ່, ນໍ້າ ແລະ ເຄື່ອງໃຊ້ອື່ນໆຈໍານວນໜຶ່ງ.

ໂດຍຜູ້ໃຊ້ເຟສບຸກຊື່ Tina Vadsana Chanthalungsy ໄດ້ໂພສພາບພ້ອມຂໍ້ຄວາມລະບຸໄວ້ວ່າ: ມາຮອດແລ້ວ ນ້ອງ ບົ້ງກື ອາຍຸ 11 ປີ ແມ່ຕາຍປະ ພໍ່ຕາບອດ ຂໍ້ມູນເບື້ອງຕົ້ນທີ່ພວກເຮົາໄດ້ຮັບແມ່ນນ້ອງອາຍຸ 11 ປີ ລ້ຽງພໍ່ຕາບອດ ນ້ອງບໍ່ໄດ້ຮຽນຫນັງສື, ນ້ອງນອນ ກັບພໍ່ຕາບອດ ທຸກຄືນ ໃນມູ້ງຂາດໆດາງເກົ່າໆ ຊື່ງບາງຄືນ ສອງພໍ່ລູກ ກໍ່ບໍ່ວິດ ການເປັນ ອາຫານຂອງຍູງ.


ທີມງານເຮົາໄດ້ນຳອາຫານ ມຸ້ງ ບ່ອນນອນ ສາດ ແລະ ປັດໃຈເລັກນ້ອຍມາຊ່ອຍເຫລືອໃນເບື້ອງຕົ້ນ ຕາມສະພາບທີ່ເຫັນຄອບຄົວເພິ່ນຖືວ່າລຳບາກອີກຫລີຖ້າໃຜມີໂອກາດກາຍມາກໍມາແວ່ມາຫານ້ອງໄດ້ ຄອບຄົວນີ້ ຢູ້ບ້ານ ແສນດີນ, ເມືອງ ນາຊາຍທອງ, ນະຄອນຫຼວງວຽງຈັນ. ແລະ ໃນຕອນທ້າຍສາວຄົນນີ້ກໍ່ໄດ້ຂອບໃຈນໍ້າໃຈຊ່ວຍເຫຼືອຈໍານວນໜຶ່ງຈາກຜູ້ໃຈບຸນທ່ານອື່ນນໍາ.