ຂ່າວດີຂອງຊາວແຂວງບໍລິຄໍາໄຊ! ໄດ້ຮັບນະໂຍບາຍຫຼຸດລາຄານໍ້າປະປາ 5% ຕະຫຼອດ 3ເດືອນຕໍ່ຈາກນີ້

ຂ່າວດີຂອງຊາວແຂວງບໍລິຄໍາໄຊ! ໄດ້ຮັບນະໂຍບາຍຫຼຸດລາຄານໍ້າປະປາ 5% ຕະຫຼອດ 3ເດືອນຕໍ່ຈາກນີ້

11th May 2021 0 By Education

ເອີ້ນໄດ້ວ່າເປັນຂ່າວດີປະຈໍາອາທິດນີ້ເລີຍກໍ່ວ່າໄດ້ສໍາລັບຊາວແຂວງບໍລິຄໍາໄຊ ຫຼັງທີ່ລັດວິສາຫະກິດນໍ້າປະປາແຂວງດັ່ງກ່າວອອກແຈ້ງການຫຼຸດຄ່ານໍ້າປະປາ 5% ສຳຫລັບລູກຄ້າ ປະເພດຄົວເຮືອນ ແລະ ທຸລະກິດ ໃນໄລຍະ 3ເດືອນ(ເດືອນ 5,6,7 ປີ 2021).

ອ່າງນໍ້າປະປາ

ອີງຕາມແຈ້ງການສະບັບເລກທີ 855/ນປປ.ບຊ, ລົງວັນທີ 11 ພຶດສະພາ 2021 ໃຫ້ຮູ້ວ່າ: ລັດວະສາຫະກິດນໍ້າປະປາແຂວງບໍລິຄໍາໄຊ ມີຈຸດປະສົງແຈ້ງມາຍັງພໍ່ແມ່ປະຊາຊົນ, ແມ່ຄ້າຊາວຂາຍ, ນັກທຸລະກິດ, ພະນັກງານ, ທະຫານ, ຕໍາຫຼວດ ທີ່ຊົມໃຊ້ນໍ້າປະປາພາຍໃນແຂວງບໍລິຄໍາໄຊ ຊາບທົ່ວເຖິງກັນວ່າ ນັບແຕ່ເດືອນ 5, 6, 7/2021 ໃນໄລຍະ 3ເດືອນນີ້ ທາງລັດວິສາຫິກິດນໍ້າປະປາຈະໄດ້ຫຼຸດຄ່າຊົມໃຊ້ນໍ້າປະປາ ໃຫ້ລູກຄ້າ ປະເພດຄົວເຮືອນ ແລະ ທຸລະກິດລົງ 5% ຂອງມູນຄ່າລາຄານໍ້າຕົວຈິງໃນແຕ່ລະເດືອນ.

ແນວໃດກໍ່ຕາມ ນີ້ຖືເປັນອີກຂ່າວດີ ຢາໃຈໜຶ່ງໃຫ້ກັບພໍ່ແມ່ປະຊາຊົນໃນຍາມວິກິດແບບນີ້.