ຂໍ້ມູນຊີ້ແຈງທາງການ! ເຫດຜູ້ຕິດເຊື້ອໂຄວິດ-19 ເສຍຊີວິດກໍລະນີທີ 2 ອາການເຂົ້າຂັ້ນປານກາງຈຶ່ງມາຫາແພດ

ຂໍ້ມູນຊີ້ແຈງທາງການ! ເຫດຜູ້ຕິດເຊື້ອໂຄວິດ-19 ເສຍຊີວິດກໍລະນີທີ 2 ອາການເຂົ້າຂັ້ນປານກາງຈຶ່ງມາຫາແພດ

14th May 2021 0 By Education

ເຊື່ອວ່າຫຼາຍທ່ານຈະຮັບຮູ້ມາແລເວບໍ່ໜ້ອຍ ສໍາລັບຂ່າວການເສຍຊີວິດຂອງຜູ້ຕິດເຊື້ອໂຄວິດ-19 ເປັນກໍລະນີທີ 2ຂອງລາວ ເຊິ່ງໃນວັນທີ 13 ພຶດສະພາມາ ເຫດການດັ່ງກ່າວ ກໍ່ກາຍເປັນຂ່າວດັງໃນໂລກໂຊຊຽວ ແລະ ມີຊາວເນັດເຂົ້າມາແຊເລື່ອງລາວນີ້ ພ້ອມວິພາກວິຈານໄປຕ່າງໆ ນາໆ.

ຫຼ້າສຸດ ໃນວັນທີ 14 ພຶດສະພາ 2021 ເຊິ່ງຄະນະສະເພາະກິດໄດ້ມີການຖະແຫຼງຂ່າວກ່ຽ%ກັບສະພາບການລະບາດຂອງພະຍາດໂຄວິດ-19 ໃນລາວເຮົາເປັນປະຈໍາຢູ່ ແລ້ວ ແລະ ມື້ນີ້ ທ່ານ ຮສ ດຣ ບົວເທບ ພູມີນ ກໍ່ໄດ້ໃຫ້ຂໍ້ມູນ ໃຫ້ຮູ້ກ່ຽວກັບກໍລະນີຜູ້ເສບຊີວິດຍ້ອນໂຄວິດ-19 ກໍລະນີທີ 2ຂອງລາວໂດຍ ເພຈຂ່າວ ລາວພັດທະນາສັງລວມໄວ້ໄດ້ວ່າ: ກໍລະນີເສຍຊີວິດຍ້ອນໂຄວິດ-19 ຄົນທີ 2ຢູ່ໃນ ສປປ ລາວ ເປັນເພດຊາຍ ອາຍຸ 29ປີ  ຢູ່ບ້ານວຽງຈະເລີນ ເມືອງໄຊເສດຖາ ນະຄອນຫຼວງວຽງຈັນ.

ຜູ້ກ່ຽວເປັນຄົນຕູ້ຍ ມີປະຫວັດດື່ມເຫຼົ້າ ແລະ ສູບຢາໄຟຟ້າ, ມີພະຍາດປະຈໍາຕົວເປັນເບົາຫວານ ແລະ ຄວາມດັນສູງ, ຜູ້ກ່ຽວເລີ່ມເຂົ້າຮັບການປິ່ນປົວໃນວັນທີ 11 ພຶດສະພາ 2021 ໂດຍມີອາການເບື້ອງຕົ້ນແມ່ນເປັນໄຂ້ ແລະ ຫາຍໃຈຝືດ ຊ່ວງທີ່ເຂົ້າມາໂຮງໝໍແມ່ນອາການປານກາງສູ່ຮຸນແຮງແລ້ວ ແລະ ສຸດທ້າຍກໍ່ເສຍຊີວິດໃນວັນທີ 13 ພຶດສະພາ 2021.

ທັ້ງນີ້ ໃນໄລຍະະທີ່ໄປກວດຫາເຊື້ອໂຄວິດ-19ນັ້ນ ຜູ້ກ່ຽວບໍ່ຊີ້ແຈງປະຫວັດການເຄື່ອນໄຫວ, ຢູ່ໃນອາການປົກກະຕິ ແລະ ບໍ່ບອກວ່າຕົນເອງຢູ່ໃນກຸ່ມສ່ຽງ.

ແນວໃດກໍ່ຕາມ ແອັດຂໍສະແດງຄວາມເສຍໃຈຕໍ່ຄອບຄົວຜູ້ເສຍຊີວິດດ້ວຍ ແລະ ຂໍໃຫ້ເຫດການນີ້ເປັນບົດຮຽນແກ່ຄົນລາວທຸກຄົນ ຢ່າໄດ້ຖືເບົາກັບພະຍາດນີ້ເດັດຂາດ.