ປິດ 28 ບ້ານທີ່ຍັງມີການລະບາດຢູ່ນະຄອນຫຼວງວຽງຈັນ

ປິດ 28 ບ້ານທີ່ຍັງມີການລະບາດຢູ່ນະຄອນຫຼວງວຽງຈັນ

21st May 2021 0 By Education

3 ສີຈຳແນກເຂດແດນອັນຕະລາຍທີ່ໝາຍເຖິງການລະບາດຂອງພະຍາດໂຄວິດ-19 ເຊື່ອເລີຍໃຜກໍ່ຢາກຢູ່ເຂດຂຽວທີ່ປອດໄພ ແຕ່ກໍ່ຫຼີກບໍໄດ້ເພາະເປັນພະຍາດລະບາດ ຕອນນີ້ນະຄອນຫຼວງວຽງຈັນມີທັງໝົດ 28 ບ້ານ ທີ່ຖືກກຳນົດຢູ່ໃນເຂດແດງ ທີ່ແອັດຢາກໃຫ້ທ່ານຮູ້ວ່າ ວ່ານີ້ຄືເຂດທີ່ມີການລະບາດຢູ່ບໍ່ຈຳເປັນບໍ່ໄປດີສຸດເພາະສ່ຽງ ແລະເພິ່ນກໍ່ຫ້າມຄົນນອກບໍ່ໃຫ້ເຂົ້າຄົນໃນບໍຈຳເປັນຫ້າມອອກຈະດີທີ່ສຸດ.

ບ້ານເຂດແດງ ແມ່ນເປັນບ້ານທີ່ມີຜູ້ຕິດເຊື້ອ 1 ກໍລະນີ ທີ່ບໍ່ຮູ້ແຫຼ່ງທີ່ມາຂອງການຕິດເຊື້ອ ຫຼື ການຕິດເຊື້ອເປັນຈຸ້ມທີ່ມີ 2 ຄົນຂຶ້ນໄປ ໃນໄລຍະ 14 ວັນຜ່ານມາ. ເຊິ່ງຢູ່ນະຄອນຫຼວງວຽງຈັນມາຮອດມື້ນີ້(21 ພຶດສະພາ 2021) ແມ່ນມີທັງໝົດ  28 ບ້ານ ໃນ 6 ເມືອງທີ່ຖືກກຳນົດໃຫ້ເປັນ ເຂດພື້ນທີ່ແດງ ມີການລະບາດໂຄວິດ-19 .

ເມືອງສີສັດຕະນາກປະກອບມີ: ບ້ານສະພານທອງໃຕ້, ບ້ານຈອມເພັດໃຕ້; ເມືອງໄຊທານີ ມີ:  ບ້ານໄຊສະຫວ່າງ, ບໍ່ເຫຼັກ, ໂຄກສີວິໄລ, ບ້ານໜອງພະຍາ, ບ້ານຊ້າງຄູ້, ດອນຕີ້ວ ແລະ ເມືອງຫາດຊາຍຟອງ ມີບ້ານຫາດຊາຍຂາວ.

ບັນດາບ້ານທີ່ຖືກກຳນົດຢູ່ເຂດແດງແມ່ນຕ້ອງໄດ້ປະຕິບັດມາດຕະການປ້ອງກັນ ແລະຄວບຄຸມໂຄວິດ-19 ຢ່າງເຄັ່ງຄັດຄົນໃນຫ້າມອອກຄົນນອກຫ້າມເຂົົ້າ ອະນຸຍາດໃຫ້ເປີດສະເພາະຫ້ອງການບ້ານ, ປກສ ກຸ່ມບ້ານ, ສຸກສາລາ ແລະ ຮ້ານຂາຍຢາ ແຕ່ປະຕິບັດມາດຕະການປ້ອງກັນການຕິດເຊື້ອ ຢ່າງເຂັ້ມງວດ.


ຫ້າມບຸກຄົນອອກຈາກບໍລິເວນເຮືອນ ຍົກເວັ້ນ ຜູ້ທີ່ໄດ້ຮັບອະນຸຍາດຈາກອົງການປົກຄອງທ້ອງຖິ່ນທີ່ກ່ຽວຂ້ອງ ຍ້ອນເຫດຜົນຈໍາເປັນເຊັ່ນ: ຂົນສົ່ງສິນຄ້າ ແລະ ສົ່ງອາຫານ, ໄປໂຮງໝໍ, ໄປຮັບວັກຊີນ ແຕ່ໃຫ້ຂະແໜງສາທາລະນະສຸກ ແລະ ເຈົ້າໜ້າທີ່ກ່ຽວຂ້ອງ ຕັ້ງດ່ານກວດສຸຂະພາບ, ກວດກາເອກະສານ ແລະເກັບກໍາຂໍ້ມູນ ຢ່າງເຂັ້ມງວດ.


ສ່ວນສໍານັກງານຫ້ອງການທີ່ມີຄວາມຈໍາເປັນຕ້ອງມີການເຮັດວຽກຕໍ່ເນື່ອງ ຕ້ອງແຕ່ງຕັ້ງພະນັກງານມາປະຈໍາການ 14 ວັນ ໂດຍບໍ່ມີການຜັດປ່ຽນຜູ້ໃໝ່;