ຕ້ອງກວດເຊັກເພື່ອຄວາມປອດໄພ ເພິ່ນໄປມາຫຼາຍບ່ອນ

ຕ້ອງກວດເຊັກເພື່ອຄວາມປອດໄພ ເພິ່ນໄປມາຫຼາຍບ່ອນ

22nd May 2021 0 By Education

ມາຮອດມື້ນີ້ຈຳນວນຜູ້ຕິດເຊື້ອໂຄວິດ-19 ເລີ່ມເບົາບາງລົງ ແຕ່ຄະນະສະເພາະກິດລະບຸມື້ນີ້ ການລະບາດໃນຊຸມຊົນຍັງສືບຕໍ່ແຜ່ລາມຍ້ອນພວກກ່ຽວບໍ່ຮູ້ທີ່ມາຂອງການຕິດເຊື້ອ ບໍ່ຮູ້ວ່າມີເຊື້ອພະຍາດ ແລະຍັງອອກໄປນັ້ນນີ້ຫຼາຍບ່ອນຫຼາຍທີ່ລວມເຖິງສະຖານທີ່ໆມີຄົນຫຼາຍເປັນຕົ້ນຕະຫຼາດ ແລະສຳນັກງານຫ້ອງການຕ່າງໆ.

ຕາມລາຍງານຂອງຄະນະສະເພາະກິດໃນວັນທີ 22 ພຶດສະພາ 2021  ໃນນະຄອນຫຼວງວຽງຈັນພົບ 9 ຄົນ
ໃນນັ້ນ ພົບຜູ້ຕິດເຊື້ອຢູ່ບ້ານ ນາສ້າງໄຜ 7 ຄົນ (ເປັນຄອບຄົວ ແລະ ຍາດພີ່ນ້ອງກັນ) ໂດຍມີການພົວພັນ ກັບຜູ້ຕິດເຊື້ອທີ່ມີການຢັ້ງຢືນໃນວັນທີ 20 ແລະ 21 ພຶດສະພາ 2021 ແລະອີກສອງຄົນແມ່ນຢູ່ບ້ານ ທາດຫຼວງເໜືອ ແລະ ບ້ານອາມອນ ແຕ່ບໍ່ມີປະຫວັດການພົວພັນໃກ້ຊິດກັບຜູ້ຕິດເຊື້ອ (ບໍ່ຮູ້ແຫຼ່ງທີ່ມາ) ທາງທີມງານຄະນະສະເພາະກິດຍັງລົງເກັບກຳຂໍ້ມູນຢູ່.

ສິ່ງສຳຄັນຕອນນີ້ຕ້ອງຮູ້ສະຖານທີ່ໆຜູ້ຕິດເຊື້ອໄປ ເພື່ອປ້ອງກັນຕົວທ່ານເອງ ແລະຄອບຄົວບໍ່ໃຫ້ຕົກເປັນເຫຍື່ອຂອງເຊື້ອພະຍາດໂຄວິດ-19.


– 10 ພຶດສະພາ 2021 ໄປຕະຫຼາດໂພນຕ້ອງ
– 12 ພຶດສະພາ 2021 ໄປຮ້ານຂາຍຢາ ບ້ານໄຮ່ຄຳ
– 1-19 ພຶດສະພາ 2021 ໄປຕະຫຼາດຫົວຂົວ
– 1-20 ພຶດສະພາ 2021 ໄປຕະຫຼາດໂນນຄໍ້
– 10-20 ໄປຮ້ານຂາຍເຄື່ອງຍ່ອຍ ບ້ານສົມສະຫງ່າ ແລະ ຮ້ານຂາຍເຄື່ອງຍ່ອຍ ຢູ່ບ້ານ ນາສ້າງໄຜ


– 13-18 ພຶດສະພາ 2021 ຜູ້ກ່ຽວເຮັດວຽກຢູ່ ທະນາຄານ ເອຊີລີດາ ສາຂາທາດຫຼວງ
– 16-19 ພຶດສະພາ 2021 ໄປ ເຄພລາຊາ
– 17-20 ພຶດສະພາ 2021 ໄປສູນການເງິນຈຸລະພາກ ສາຂາ ບ້ານໂນນຄໍ້
– 20 ພຶດສະພາ 2021 ໄປຕະຫຼາດດົງຈອງ
– 20 ພຶກສະພາ 2021 ໄປສະຖາບັນການເງິນ ລາວ-ຍີ່ປຸ່ນ


ນອກຈາກນີ້ຍັງຕ້ອງຕິດຕາມສະຖານທີ່ຜູ້ຕິດເຊື້ອໄດ້ໄປເຮັດວຽກ ດັ່ງນັ້ນຈຶ່ງໃຫ້ຜູ້ຮ່ວມວຽກ ຫຼື ໄດ້ໄປສະຖານທີ່ດັ່ງກ່າວໃຫ້ຮີບຮ້ອນໄປກວດຫາເຊື້ອຢູ່ ມສ ລາວ-ຫວຽດ ເວລາ 09-12:00 ໂມງຂອງທຸກມື້.