ໃຈເກີນຮ້າຍ ຂໍນັບຖືຜູ້ຊາຍຄົນນີ້ໃຊ້ກະຕຸກຊູຮ່າງກາຍລອຍທະເລຂ້າມປະເທດ

ໃຈເກີນຮ້າຍ ຂໍນັບຖືຜູ້ຊາຍຄົນນີ້ໃຊ້ກະຕຸກຊູຮ່າງກາຍລອຍທະເລຂ້າມປະເທດ

26th May 2021 0 By Education

ກາຍເປັນຂ່າວດັງທົ່ວໂລກ ຫຼັງຈາກທີ່ຊາຍໜຸ່ມຄົນໜຶ່ງຈາກ ໂມຣັອກໂກໄດ້ໃຊ້ຂວດປລາສສະຕິກຊ່ວຍຊູໃຫ້ຮ່າງກາຍໃຫ້ຟູຊ່ວຍເປັນກຳລັງແຮງໃຫ້ຕົນເອງສາມາດລອຍຄໍໄປຮອດຈຸດໝາຍປາຍທາງທີ່ປະເທດສະເປນໃນນາມອົບພະຍົບຄົນໜຶ່ງ.

ຊາຍຄົນດັ່ງກ່າວໄດ້ພະຍາຍາມລອຍຂ້າມຊາຍແດນຈາກໂມຣັອກໂກໄປຍັງສະເປນ ແລະຖືກທະຫານພົບເຫັນຢູ່ຊາຍຫາດເມືອງເຊວຕາ ເຂດປົກຄອງພິເສດຂອງສະເປນທີ່ຕັ້ງຢູ່ຕອນເໜືອຂອງອາຟຣິກາ.

ຊາຍອົບພະຍົບຄົນນີ້ໄດ້ອາໄສຂວດພລາສະຕິກຫຼາຍອັນຕິດກັນເພື່ອລອຍໄປຍັງຈຸດໝາຍ ເມື່ອລອຍໄປເຖິງຝັ່ງກັບໄດ້ພົບກັບທະຫານສະເປນທີ່ມາເວນຍາມຕາມລະບຽບການ ແຕ່ລາວກໍ່ບໍ່ຢ້ານບໍ່ສະທົກສະທ້ານແຖມຮ້ອງຂໍຊີວິດນຳທະຫານທີ່ເຝົ້າຍາມຢູ່ຈົ່ງຢ່າສົ່ງກັບເລີຍ ຖ້າແນວໃດຈະສົ່ງກັບຂໍຈົບຊີວິດທີ່ນີ້ດີກວ່າ.


ຊາຍອົບພະຍົບຄົນທີ່ເປັນຂ່າວນັ້ນບອກວ່າທີ່ຕ້ອງດັ້ນດົ້ນມາຮອດສະເປນກໍ່ເພື່ອຢາກມາຢູ່ທີ່ນີ້ ຢູ່ໂມຣັອກໂກຕົນບໍ່ມີຄອບຄົວຈິ່ງຕັດສິນໃຈລອຍຄໍມາໂດຍບໍ່ຫ່ວງຊີວິດດີກວ່າກັບໄປໂມຣັອກໂກ ຄຳເວົ້າຂອງຊາຍໜຸ່ມຄົນນັ້ນເຮັດໃຫ້ທະຫານສົງສານ ແລະພາຜູ້ກ່ຽວໄປຢູ່ນຳຜູ້ອົບພະຍົບຄົນອື່ນໆ ເພື່ອພິຈາລະນາຕໍ່ໄປ.

ໂດຍຊາຍໜຸ່ມຄົນດັ່ງກ່າວແມ່ນໜຶ່ງໃນ 8000 ຄົນທີ່ລອຍນ້ຳມາຈາກໂມຣັອກໂກຜ່ານທາງເກາພເຊວຕາແລ້ວປິນຮົ້ວເຂົ້າມາໃນເຂດແດນຂອງສະເປນຈົນທາງການຕ້ອງສົ່ງທະຫານໄປເຝົ້າຍາມຢ່າງໃກ້ຊິດ ບໍ່ໃຫ້ມີການລັກລອບເຂົ້າມາອີກ.