ໄຟຟ້າເປັນແບບຢ່າງນຳໜ້າ ໃຊ້ລົດໄຟຟ້າເຕີມພະລັງງານທີ່ມີ

ໄຟຟ້າເປັນແບບຢ່າງນຳໜ້າ ໃຊ້ລົດໄຟຟ້າເຕີມພະລັງງານທີ່ມີ

26th May 2021 0 By Education

້ນບ້ານເຮົາແຕ່ໃດມາແມ່ນນຳເຂົ້ານ້ຳມັນ 100% ບໍ່ມີກຳລັງການຜະລິດເລື່ອງນ້ຳມັນ ແຕ່ລາວເຮົາພັດມີພະລັງງານໄຟຟ້າຫຼາຍ ທັງມີຂາຍອອກສູ່ຕ່າງປະເທດອີກ ດັ່ງນັ້ນ, ການນຳໃຊ້ພາຫະນະຕ່າງໆທີ່ນຳໃຊ້ໄຟຟ້າເປັນພະລັງງານແມ່ນເໝາະສົມທີ່ສຸດ ແລະ ລັດວິສາຫະກິດໄຟຟ້າລາວ ແມ່ນໄດ້ເປັນແບບຢ່າງໃນການນຳໃຊ້ລົດໄຟຟ້າເຂົ້າໃນການບໍລິຫານກ່ອນໝູ່.


ໃນວັນທີ 25 ພຶດສະພາ 2021 ຢູ່ທີ່ຫ້ອງປະຊຸມຊັ້ນ 1. ສໍານັກງານໃຫຍ່ ຟຟລ ນະຄອນຫຼວງວຽງຈັນ ໄດ້ຈັດກອງປະຊຸມເພື່ອເຈລະຈາສັນຍາຈັດຊື້ລົດໄຟຟ້າຈຳນວນ 5 ຄັນ ໂດຍມີ ທ່ານ ຄູນ ບົວແພງພັນ ຮອງຜູ້ອໍານວຍໃຫຍ່ ຟຟລ ເຂົ້າຮ່ວມ. ລົດໄຟຟ້າ 4 ຄັນ ແມ່ນຈະນໍາໃຊ້ເຂົ້າໃນວຽກງານບໍລິຫານໃນສໍານັກງານໃຫຍ່ ແລະ ອີກ 1 ຄັນ ມອບໃຫ້ຝ່າຍຈຳໜ່າຍ (ນະຄອນຫຼວງ) ລົດດັ່ງກ່າວແມ່ນຈັດຊື້ນຳບໍລິສັດ GB mortor ລຸ້ນ MG EZS (SUV) ຈຳນວນ 02 ຄັນ ແລະ ບໍລິສັດ ໂມກ ຈຳກັດ ລຸ້ນ BYD E2 (SEDAN) ຈຳນວນ 03 ຄັນ.

ການຈັດຊື້ລົດໄຟຟ້າໃນຄັ້ງນີ້ ແມ່ນເປັນການລິເລີ່ມນໍາໃຊ້ລົດໄຟຟ້າໃຫ້ມີປະສິດຕິພາບສູງສຸດ ພ້ອມກັບເປັນການປະຊາສໍາພັນສົ່ງເສີມການນຳໃຊ້ລົດໄຟຟ້າ ໃຫ້ກັບ ພະນັກງານ-ລັດຖະກອນ, ທະຫານ, ຕໍາຫຼວດ ແລະ ປະຊາຊົນທົ່ວໄປໄດ້ຮັບຮູ້ ແລະ ເຂົ້າໃຈເຖິງຜົນປະໂຫຍດຂອງລົດໄຟຟ້າ.

ພ້ອມກັນນັ້ນ, ຍັງເປັນການສົ່ງເສີມໃຫ້ໝູນໃຊ້ທ່າແຮງດ້ານພະລັງງານໄຟຟ້າ ພາຍໃນປະເທດ ທີ່ມີຢູ່ຢ່າງມະຫາສານ. ການນໍາໃຊ້ລົດໄຟຟ້າ ແມ່ນບໍ່ມີມົນລະຜິດທາງອາກາດ, ເປັນຜົນດີຕໍ່ສິ່ງແວດລ້ອມ, ປະຊາຊົນມີສຸຂະພາບດີ ເປັນການສົ່ງເສີມການພັດທະນາແບບຍືນຍົງ ສີຂຽວ ແລະ ສອດຄ່ອງກັບແຜນຍຸດທະສາດຂອງ ສປປ ລາວ ຮອດປີ 2030 ກໍຄືຫຼຸດຜ່ອນການປ່ອຍມົນລະຜິດຈາກຍານພາຫະນະ. ການສະໜອງລົດຂອງບໍລິສັດຜູ້ສະໜອງ ຈະມອບລົດໃຫ້ ຟຟລ ພາຍໃນ 5 ມື້ ຫຼັງຈາກທີ່ທັງສອງຝ່າຍໄດ້ລົງນາມໃນສັນຍາຈັດຊື້, ຄາດວ່າຈະມອບລົດຢ່າງເປັນທາງການພາຍໃນຕົ້ນເດືອນມີຖຸນາ 2021 ນີ້.