້່ເປັນຕາຢ້ານແທ້ ໂຄວິດສາຍພັນອິນເດຍແຜ່ໄປແລ້ວ 60 ປະເທດ

້່ເປັນຕາຢ້ານແທ້ ໂຄວິດສາຍພັນອິນເດຍແຜ່ໄປແລ້ວ 60 ປະເທດ

28th May 2021 0 By Education

ພະຍາດອັກເສບປອດໂຄວິດ-19 ທີ່ລະບາດໄປທົ່ວໂລກນະປະຈຸບັນນີ້ແມ່ນໄດ້ກາຍພັນຈາກເລີ່ມຕົ້ນໄປໝົດແລ້ວ ເຊິ່ງສາຍພັນທີ່ຄົນທັງຫຼາຍຢ້ານທີ່ສຸດໃນຂະນະນີ້ແມ່ນສາຍພັນອິນເດຍ ທີ່ປິດຊີບເຫຍື່ອໂຄວິດໄປຈຳນວນບໍ່ໜ້ອຍໃນແຕ່ລະວັນຈົນຕົກມາຢູ່ອັນດັບ2 ຂອງໂລກໄປແລ້ວ, ຮອງລົງມາແມ່ນສາຍພັນອາຟຣິກາລ້ວນມີອາການຮຸນແຮງເປັນທີ່ສຸດ.

ຕາມ​ຂ່າວ​ຈາກ ​ເຈ​ນີວາ, ວັນ​ທີ26​ພຶດສະພາ​ນີ້ ອົງການ​ອະນາ​ໄມ​ໂລກ ​ແຈ້ງ​ໃຫ້​ຮູ້ວ່າ: ​ເຊື້ອ​ພະຍາດ​ໂຄ​ວິດ-19 B.1.617 ສາຍ​ພັນ ທີ່​ພົບ​ໃນ​ອິນ​ເດຍ ​ເປັນ​ແຫ່ງ​ທຳ​ອິດ ພວມ​ແຜ່​ລະບາດ​ໄປແລ້ວ 60​ ປະ​ເທດໃນ​ທົ່ວ​ໂລກ ​ເຮັດ​ໃຫ້​ມີຜູ້​ຕິດ​ເຊື້ອ​ ລາຍ​ໃໝ່ 4,1ລ້ານ​ຄົນ ​ເສຍ​ຊີວິດ ​ເພີ່ມ​ຂຶ້ນ 84.000ຄົນ ຫລຸດ​ລົງ14% ​ແລະ 2%ຕາມ​ລຳດັບ ​ເມື່ອ​ທຽບ​ໃສ່​ກັບ​ ອາທິດ​ ກ່ອນ​ໜ້າ​ນີ້. ​

ສະຫະພາບ ເອີຣົບ(ອີ​ຢູ)​ເປັນ​ພາກ​ພື້ນ ທີ່​ມີ​ຜູ້​ຕິດ​ເຊື້ອ​ ລາຍ​ໃໝ່​ ​ແລະ ​ເສຍ​ຊີວິດ ຫລຸດ​ລົງ​ ຫລາຍ​ທີ່​ສຸດ ຕາມ​ມາ​ດ້ວຍ ອາຊີ​ ຕາ​ເວັນ​ອອກ​ ສ່ຽງ​ໃຕ້ ຂະນະ​ທີ່ ພາກ​ພື້ນ​ອື່ນໆ ຕົວ​ເລກ ​ບໍ່​ຫລຸດ​ລົງ 5ປະ​ເທດ ທີ່​ມີ​ຜູ້​ຕິດ​ເຊື້ອ​ ລາຍ​ໃໝ່ ​ໃນ​ໄລຍະ 7ວັນ ​ທີ່​ຜ່ານ​ມາ​ເປັນຕົ້ນ ອິນ​ເດຍ, ບຣາຊິວ, ອາເຈນຕີນ່າ, ອາ​ເມ​ລິ​ກາ ​ແລະ ​ໂກ​ໂລມ​ເບຍ.

ສຳລັບ ​ເຊື້ອ​ພະຍາດ ​ໂຄ​ວິດ-19 ​ໄດ້​ກາຍພັນ 4ສາຍ​ພັນ ຮຸນ​ແຮງ ປະກອບ​ດ້ວຍ ສາຍ​ພັນ B.1.1.7 ທີ່​ພົບ​ໃນ​ອັງກິດ ​ເປັນ​ແຫ່ງ​ທຳ​ອິດ ລະບາດ​ແລ້ວ149​ປະ​ເທດໃນນັ້ນລວມທັງ ສປປ ລາວເຮົາ, ສາຍ​ພັນ ອາ​ຟຣິກາ​ໃຕ້ B.1.351ລະບາດ 102ປະ​ເທດ , ສາຍ​ພັນ​ ບຣາຊິນ P.1 ລະບາດ​ ໃນ 59 ​ປະ​ເທດ ​ແລະ ສາຍ​ພັນ​ ອິນ​ເດຍ B.1.617. ຍັງບໍ່ເປັນທີ່ແນ່ນອນວ່າໂຄວິດ-19 ຈະຢຸດສ່ຳນີ້ຫຼື ຍັງຈະມີການກາຍພັນໄປອີກຫຼາຍປານໃດ.

ຈະເວົ້າໄປແລ້ວໂຄວິດສາຍພັນອິນເດຍແມ່ນເຊື້ອທີ່ຢູ່ໃກ້ພວກເຮົາທີ່ສຸດ ແລະມີການລະບາດຢູ່ປະເທດໄທເປັນທີ່ຮຽບຮ້ອຍແລ້ວ ຈິ່ງບໍ່ຄວນປະໝາດຕໍ່ໂຄວິດອີກຕໍ່ໄປເຖິງວ່າຄົນຈຳນວນໜຶ່ງຈະສັກວັກຊິນໄປແລ້ວກໍ່ຕາມ.