ພໍ່ຕູ້ບຸນມາ ຜູ້ຕິດເຊື້ອໂຄວິດ-19 ຂາຍເຄື່ອງຢູ່ຫຼັງກະຊວງພະລັງງານ ແລະ ບໍ່ແຮ່ ເສຍຊີວິດແລ້ວ

ພໍ່ຕູ້ບຸນມາ ຜູ້ຕິດເຊື້ອໂຄວິດ-19 ຂາຍເຄື່ອງຢູ່ຫຼັງກະຊວງພະລັງງານ ແລະ ບໍ່ແຮ່ ເສຍຊີວິດແລ້ວ

28th May 2021 0 By Education

ຂ່າວເສົ້າສຸດສະເທືອນໃຈອີກຂ່າວທີ່ເກີດຂຶ້ນ ຍ້ອນພະຍາດໂຄວິດ-19 ເມື່ອຄະນະສະເພາະກິດ ຖະແຫຼງຂ່າວ ລາຍງານມີຜູ້ຕິດເຊື້ອໂຄວິດ-19 ເສຍຊີວິດເພີ່ມອີກ 1ຄົນ.

ຄະນະສະເພາະກິດປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ຖະແຫຼງຂ່າວປະຈໍາວັນທີ 28 ພຶດສະພາ 2021 ໂດຍ ດຣ ນາງລັດສະໝີ ວົງຄໍາຊາວ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໃຫ້ຮູ້ວ່າ ພົບຜູ້ຕິດເຊື້ອໂຄວີດ-19 ເພີ່ມອີກ 10ກໍລະນີ.

ໃນຈໍານວນຜູ້ຕິດເຊື້ອໃໝ່ 10 ກໍລະນີນັ້ນ ຢູ່ນະຄອນຫຼວງວຽງຈັນ 7, ສະຫວັນນະເຂດ 1ຄົນ, ຈໍາປາສັກ 1ຄົນ ແລະ ຫຼວງນໍ້າທາ 1ຄົນ. ທັ້ງນີ້ ຜູ້ຜູ້ເສຍຊີວິດເພີ່ມອີກ 1 ຄົນ ເຮັດໃຫ້ຜູ້ເສບຊີວິດສະສົມເປັນ 3ຄົນ.

ທັ້ງນີ້ ສໍາລັບຜູ້ເສຍຊີວິດນັ້ນ ທ່ານ ດຣ ນາງ ລັດສະໝີ ວົງຄໍາຊາວ ເຜີຍຂໍ້ມູນໄວ້ວ່າ: ຜູ້ເສຍຊີວິດເປັນເພດຊາຍ ອາຍຸ 74ປີ ປັດຈຸບັນຢູ່ບ້ານຝາຍ ເມືອງ ໄຊເສດຖາ ນະຄອນຫຼວງວຽງຈັນ; ຜູ້ກ່ຽວໄດ້ເຂົ້າມາປິ່ນປົວຢູ່ໂຮງໝໍ ເມື່ອວັນທີ 11 ພຶດສະພາ 2021 ດ້ວຍການ ອັກເສບລະບົບຫາຍໃຈຮຸນແຮງ.

ຜູ້ກ່ຽວມີປະຫວັດເປັນຄວາມດັນເລືອດສູງ ແລະ ມີພະຍາດເບົາຫວານ ເຊິ່ງໄລຍະຜ່ານມາບໍ່ໄດ້ຮັບການດູແລຢ່າງຖືກຕ້ອງ. ແນວໃດກໍ່ຕາມ ເນື່ອງຈາກ ຜູ້ກ່ຽວ ອາການຊຸດໂຊມລົງເລື້ອຍໆ, ມາຮອດ ເວລາ 6 ໂມງເຊົ້າ ຂອງວັນທີ 28 ພຶດສະພາ 2021 ຜູ້ກ່ຽວໄດ້ເສຍຊີວິດລົງ.

ແນວໃດກໍ່ຕາມ ກ່ອນໜ້ານີ້ບໍ່ດົນ ໃນຊ່ວງຕົ້ນເດືອນພຶດສະພາ ພໍ່ຕູ້ບຸນມາ ເປັນບຸກຄົນໃນຂ່າວທີ່ຕິດເຊື້ອໂຄວິດ-19 ຈາກການສໍາຜັດກັບລູກຄ້າ ເນື່ອງຈາກເຮືອນພໍ່ຕູ້ຂາຍເຄື່ອງ ແລະ ເປັນຂ່າວແຈ້ງໃຫ້ພະນັກງານກະຊວງພະລັງງານ ແລະ ບໍ່ແຮ່ ໄປກວດຫາເຊື້ອໂຄວິດ-19 ເນື່ອງຈາກຮ້ານຂາຍເຄື່ອງພໍ່ຕູ້ແມ່ນຢູ່ທາງຫຼັງກະຊວງນີ້.