ລອງເລີຍ! ປູກເຫັດເຟືອງດ້ວຍຕົ້ນກ້ວຍ ປູກງ່າຍ ແຖມໄດ້ດອກໃຫຍ່

ລອງເລີຍ! ປູກເຫັດເຟືອງດ້ວຍຕົ້ນກ້ວຍ ປູກງ່າຍ ແຖມໄດ້ດອກໃຫຍ່

24th February 2020 0 By Education

ການເພາະປູກເຫັດເຟືອງບໍ່ແມ່ນເລື່ອງຍາກ ແລະ ບໍ່ຈໍາເປັນຕ້ອງລົງທຶນຫຼາຍສະເໝີໄປ ຫຼາຍຄົນຢາກເຮັດແຕ່ບໍ່ມີພື້ນທີ່, ບໍ່ມີວັດສະດຸໃນການເພາະປູກ ຈຶ່ງເຮັດໃຫ້ລົ້ມເລີກຄວາມຕັ້ງໃຈ, ມື້ນີ້ແອັດມິນຈະຂໍນໍາສະເໜີວິທີປູກເຫັດເຟືອງແບບງ່າຍໆ ໂດຍໃຊ້ວັດສະດຸທີ່ຫາໄດ້ຕາມທ້ອງຖິ່ນນັ້ນກໍ່ຄື ຕົ້ນກ້ວຍ ແລະ ວິທີນີ້ບໍ່ຕ້ອງໃຊ້ພື້ນທີ່ຫຼາຍ ບໍ່ຕ້ອງເຮັດໂຮງເຮືອນ ທີ່ສໍາຄັນໄດ້ເຫັດດອກໃຫຍ່ ເຮັດກິນເອງກໍ່ແຊບ ເຮັດຂາຍກໍ່ໄດ້ລາຄາດີນໍາອີກ.

ວັດຖຸທີ່ຕ້ອງກຽມ: ຕົ້ນກ້ວຍອ່ອນ ຫຼື ຜັກຕົບກໍ່ໄດ້; ແປ້ງເຂົ້າຈ້າວ ຫຼື ແປ້ງເຂົ້າໜຽວ; ຂີ້ງົວ; ເຟືອງເຂົ້າ; ນໍ້າຝົນ ຫຼື ນໍ້າທີ່ປາສະຈາກ ຄລໍຣີນ; ເຊື້ອເຫັດເຟືອງ; ກະຕ່າສໍາລັບເພາະປູກ; ຖົງຢາງດໍາ.

ວີທີການເຮັດ: ຂັ້ນຕອນທໍາອິດແກະເຊື້ອເຫັດອອກຈາກກ້ອນແລ້ວນໍາມາປະສົມໃສ່ກັບແປ້ງເຂົ້າຈ້າວ ຄົນໃຫ້ເຂົ້າເປັນເນື້ອດຽວກັນ; ຕໍ່ມາໃຫ້ຝານຕົ້ນກ້ວຍເປັນແວ່ນນ້ອຍໆແລ້ວປະໄວ້. ນໍາເຟືອງເຂົ້າໄປແຊ່ນໍ້າ ໂດຍໃຫ້ທຸກສ່ວນຈົມລົງໃນນໍ້າໃຫ້ປຽກຊຸ່ມດີ ແລ້ວນໍາມາໃສ່ກົ້ນກະຕ່າໂດຍໃຫ້ມີຄວາມໜາຈາກກົ້ນກະຕ່າຂຶ້ນມາປະມານ 4 ຫາ 5 ນິ້ວ

ຈາກນັ້ນ ໃສ່ຕົ້ນກ້ວຍອ່ອນທີ່ຝານກຽມໄວ້ລົງໄປແລ້ວໂຮຍຂີ້ງົວຕາມລົງໄປອີກຊັ້ນໜຶ່ງ. ໂດຍເວັ້ນຊ່ອງຫວ່າງໃຈກາງໄວ້ເລັກນ້ອຍ ແລ້ວໃສ່ເຊື້ອເຫັດເຟືອງລົງໃສ່ຊ່ອງທີ່ຈົ່ງໄວ້ ເຮັດຊ້ອນກັນແບບນີ້ປະມານປະມານ 3 ຫາ 4ຊັ້ນ ຈົນເຕັມກະຕ່າ ແລະ ຊັ້ນສຸດທ້າຍໃຫ້ປົກດ້ວຍເຫັດເຟືອງ ພ້ອມຫົດນໍ້າໃຫ້ຊຸ່ມ ຈາກນັ້ນນໍາກະຕ່າເພາະເຫັດດັ່ງກ່າວໄປວາງໄວ້ເທິງຕັ່ງຫຼືແລ້ວນໍາຖົງຢາງດໍາມະປົກໄວ້ອີກຄັ້ງ ເພື່ອຮັກສາຄວາມຊື້ນ ແລະ ປ້ອງກັນແສງ.

ເມື່ອເວລາຜ່ານໄປປະມານ 10ວັນ ເຫັດກໍ່ຈະເລີ່ມເຕີບໂຕອອກມາໃຫ້ເຫັນ ແລະ ສາມາດທະຍອຍເກັບເຫັດໄປບໍລິໂພກ ຫຼື ຂາຍໄດ້ເລີຍ.

ທີ່ມາ: Sanook.com