ຄິວລົດສາຍໃຕ້ແຈ້ງໃໝ່! ເລື່ອງເປີດ-ປິດແລ່ນໂດຍສານ

ຄິວລົດສາຍໃຕ້ແຈ້ງໃໝ່! ເລື່ອງເປີດ-ປິດແລ່ນໂດຍສານ

5th June 2021 0 By Education

ເຊື່ອວ່າຫຼາຍຄົນຈະດີໃຈໄປແລ້ວ ສໍາລັບຂ່າວການເປີດເສັ້ນທາງ ໂດຍສານທັງທາງບົກ ແລະ ທາງອາກາດ ຕາມແຈ້ງການຈາກສໍານັກງານນາຍົກລັດຖະມົນຕີ ແຕ່ທັງນີ້ທັງນັ້ນ ຜູ້ຈະຂື້ນລົດໂດຍສານໄດ້ກໍ່ຕ້ອງຢູ່ໃນເງື່ອນໄຂທີ່ກໍານົດເທົ່ານັ້ນ ກໍ່ຄື ສັກວັກຊີນຄົບ 2ເຂັມ ເປັນເວລາ 1ເດືອນແລ້ວ.

ພາຍຫຼັງແຈ້ງການສະບັບກັ່ງກ່າວຖືກເຜີຍແຜ່ອອກໄປ ສະຖານີຂົນສົ່ງໂດຍສານສາຍໃຕເ ກໍ່ໄດ້ໂພສຂໍ້ຄວາມລົງເພຈຂອງສະຖານນີ ໂດຍລະບຸວ່າຈະມີການເປີດບໍລິການໄດ້ແລ້ວ ພ້ອມປະຕິບັດຕາມມາດຕະການທີ່ຄະນະສະເພາະກິດວາງອອກຢ່າງເຂັ້ມງວດ.

ແຕ່ແລ້ວ ວັນທີ 5 ມິຖຸນາ ເຊິ່ງເປັນມື້ທີ່ຄີວລົດຈະເປີດບໍລິການນັ້ນ ທາງເພຈດັ່ງກ່າວກໍ່ອອກມາໂພສຂໍ້ຄວາມຜ່ານເພຈຂອງສະຖານີຂົນສົ່ງໂດຍສານສາຍໃຕ້ອີກຄັ້ງ ວ່າຕ້ອງປິດບໍລິການຊົ່ວຄາບໄປແບບບໍ່ມີກໍານົດອີກຕື່ມກ່ອນ.

ໂພສດັ່ງກ່າວລະບຸວ່າ:  ອີງຕາມຄຳສັ່ງສະບັບເລກທີ 595 ລົງວັນທີ 4/6/2021 , ທີ່ອະນຸຍາດໃຫ້ສະເພາະ ຜູ້ໂດຍສານທີ່ສັກວັກຊີນ ຄົບ 2 ເຂັມ ເທົ່ານັ້ນທີ່ສາມາດເດີນທາງ ແຂວງ ຕໍ່ ແຂວງໄດ້. ອີງຕາມການການກວດກາຕົວຈີງໃນມື້ນີ້ເຫັນວ່າ ຜູ້ໂດຍສານສ່ວນໃຫ່ຍແມ່ນບໍ່ໄດ້ຮັບການສັກວັກຊີນຄົບຕາມແຈ້ງການທີ່ລະບຸໄວ້, ເຊີ່ງພາຍໃຕ້ ຂໍ້ກຳນົດດັ່ງກ່າວທາງຄິວລົດຂອງພວກເຮົາບໍ່ສາມາດເປີດດຳເນີນກິດຈະການໄດ້.


ສະນັ້ນ ທາງສະຖານີຈື່ງ ຂໍປິດບໍລິການຊົ່ວຄາວແບບບໍ່ມີກຳນົດໄປຕື່ມອີກ ຈົນກວ່າຈະມີການຜ່ອນຜັນ ມາດຕະການຕ່າງໆ ໃຫ້ຫລາຍກວ່ານີ້.

ສະນັ້ນຈື່ງຂໍແຈ້ງມາຍັງຜູ້ໂດຍສານທຸກໆທ່ານເພື່ອຊາບ ແລະ ຂໍອະໄພໃນຄວາມບໍ່ສະດວກມານະທີ່ນີ້ດ້ວຍ
ຫວັງຢ່າງຍີ່ງວ່າຈະໄດ້ເປີດຮັບໃຊ້ບໍລິການທຸກໆທ່ານໃນໄວໄວນີ້ ຂໍຂອບໃຈ