ຕາອິຕົນ! ເກີດເຫດເສົ້າສຸດສະເທືອນໃຈ ຟ້າຜ່າປະຊາຊົນ ເສຍຊີວິດ 2ຄົນ ທີ່ຫົວພັນ

ຕາອິຕົນ! ເກີດເຫດເສົ້າສຸດສະເທືອນໃຈ ຟ້າຜ່າປະຊາຊົນ ເສຍຊີວິດ 2ຄົນ ທີ່ຫົວພັນ

9th June 2021 0 By Education

ດັ່ງທີ່ຫຼາຍທ່ານຮູ້ແລ້ວກ່ຽວກັບແຈ້ງເຕືອນຝົນຕົກຟ້າລົມ ຈາກກົມອຸຕຸນິຍົມ ແລະ ອຸທົກກະສາດ ພ້ອມຄໍາເຕືອນໃຫ້ທູກຄົນມີສະຕິລະວັງຕົວເຝົ້າລະວັງ ໄພທໍາມະຊາດທີ່ຈະເກີດຂຶ້ນຢູ່ຕະຫຼອດເວລາ.

ແຕ່ແນວໃດກໍ່ຕາມ ໃນທຸກຄັ້ງທີ່ມີຝົນຕົກຟ້າລົມ ແນ່ນອນວ່າາມັນຈະມາພ້ອມກັບຟ້າຮ້ອງຟ້າເຫຼື້ອມ ລວມໄປເຖິງເຫດການຟ້າຜ່າທີ່ມັກເກີດຂຶ້ນໃຫ້ເຮົາດຫັນຢູ່ຕະຫຼອດ ແລະ ຄັ້ງນີ້ກໍ່ເຊັ່ນກັນ ເກີດເຫດຟ້າຜ່າຢູ່ເມືອງຮ້ຽມ ແຂວງຫົວພັນ ແຕ່ມັນເສົ້າເຫຼືອເກີນ ເມື່ອມີຜູ້ເສຍຊີວິດຈາກເຫດການນີ້ເຖິງ 2ຄົນດ້ວຍກັນ.

ໂດຍເຫດ​ເສົ້າ​ສະຫຼົດໃຈ​ ຟ້າຜ່າ​ຍິງ​ 2​ ຄົນເສຍຊີວິດຄາທີ່ ແມ່ນເກີດຂຶ້ນໃນຂະນະທີ່ພວກເຂົາກຳລັງຢູ່ກ້ອງຕົ້ນໄມ້ເພື່ອຫຼົບຝົນ ເຊິ່ງເຫດເກີດທີ່ບ້ານນາກູດ ເມືອງຮ້ຽມ ແຂວງຫົວພັນ​ ເມື່ອເວລາປະມານ 13:45 ໂມງ ຂອງວັນທີ 5 ມິຖຸນາ 2021​ ຜ່ານມາ, ຖືເປັນຄະຕິເຕືອນໃຈໃຫ້​ທຸກຄົນ​ເວລາຝົນຕົກຟ້າຮ້ອງຢ່າໄປຢູ່ກ້ອງຕົ້ນໄມ້ໃຫຍ່ເດັດຂາດ.


ທັ້ງນີ້ ທ້າວ ທອນ ອາຍຸ 50​ ປີ ອາຊີບ ປະຊາຊົນ ປັດຈຸບັນຢູ່ບ້ານນາກູດ ເມືອງຮ້ຽມ ແຂວງຫົວພັນ​ ຜູ້ເປັນພໍ່ ແລະພໍ່ປູ່ປູ່ຂອງຜູ້ເສຍຊີວິດ ໄດ້ເລົ່າເລື່ອງເຫດການຟ້າຜ່າລູກໃພ້ ແລະ ລູກສາວ(2 ຄົນເສຍຊີວິດ), ນາຍບ້ານ ບ້ານນາກູດ ເມືອງຮ້ຽມ ແຂວງຫົວພັນ ໄດ້ຢືນຢັນວ່າ ເຫດການຟ້າຜ່າແມ່ນເກີດຂຶ້ນຈິງ ມີຄົນເສຍຊີວິດ 2 ຄົນ.

ຜູ້ເສຍຊີວິດຄົນທີ 1ຊື່ວ່າ ນາງ ບົວນັ້ນ ອາຍຸ 21 ປີ ອາຊີບ ປະຊາຊົນ ບ້ານນາກູດ; ຜູ້ທີ່ 2 ຊື່ ນາງ ໂມທອງ ອາຍຸ 17 ປີ ອາຊີບຮຽນ ມ7 ເຊິ່ງທັງສອງຄົນໄດ້ໄປຢູ່ກ້ອງຕົ້ນໄມ້ໃນເວລາຝົນຕົກ​ ໃນເວລານັ້ນໄດ້ມີຟ້າຜ່າຕົ້ນໄມ້ທີ່ຢູ່ຫາງຈາກພວກເຂົາທັງສອງປະມານ​ 36 ແມັດ ຕາມການສັນນິຖານວ່າ ມີແສງໄຟຈາກຈຸດທີ່ຟ້າຜ່າມາຟາດເອົາພວກເຂົາທັງສອງຈົນເສຍຊີວິດຄາທີ່.