ບອກເລີຍຫາປາຍາມນີ້ກຳລັງໃຈດີ ມີເຈົ້າໜ້າທີ່ຕິດຕາມບໍ່ຫ່າງ

ບອກເລີຍຫາປາຍາມນີ້ກຳລັງໃຈດີ ມີເຈົ້າໜ້າທີ່ຕິດຕາມບໍ່ຫ່າງ

10th June 2021 0 By Education

ໄລຍະທີ່ທີ່ເລີ່ມເກີດກາະບາດຮອບສອງຂອງພະຍາດໂຄວິດ-19 ທຸກແຂວງ ແລະເມືອງທີ່ມີຊາຍແດນຕິດປະເທດໄທຕ້ອງເຂັ້ມງວດເປັນພິເສດບໍ່ໃຫ້ຊາວປະມົງອອກຫາປາທາງເຮືອເນື່ອງຈາກມັກມີການລັກລອບເຂົ້າມາລາວແບບຜິດກົດໝາຍອັນສ່ຽງຕໍ່ການນຳເຂົ້າເຊື້ອມາແຜ່ໃສ່ປະຊາຊົນ.

ແນວໃດກໍ່ຕາມພາຍຫຼັງລັດຖະບານໄດ້ມີນະໂຍບາຍຜ່ອນຜັນ ປະຊາຊົນສາມາດອອກຫາປາໄດ້ ເມືອງລະຄອນເພັງ, ແຂວງສາລະວັນ ເອົາໃຈໃສ່ເປັນພິເສດຕໍ່ການຄຸ້ມ ຄອງເຮືອຫາປາຂອງປະຊາຊົນຢູ່ຕາມລໍາແມ່ນໍ້າຂອງທີ່ເປັນຊາຍແດນຕິດກັບປະເທດໃກ້ຄຽງ ບໍ່ໃຫ້ກະທຳຜິດຕໍ່ລະບຽບການປ້ອງກັນພະຍາດໂຄວິດ-19.


ທ່ານ ໄຊຊະນະ ສີສະຫວັດ, ຮອງເຈົ້າເມືອງລະຄອນເພັງ ໃຫ້ສຳພາດວ່າ: ຄະນະສະເພາະກິດທີ່ກ່ຽວຂ້ອງຂອງເມືອງ ໄດ້ເອົໃຈໃສ່ຄຸ້ມຄອງການໃຊ້ເຮືອຫາປາຂອງປະຊາ ຊົນຕາມລໍາແມ່ນໍ້າຂອງຢ່າງເຂັ້ມງວດ ໂດຍມອບໃຫ້ກຳລັງປ້ອງກັນຊາດ-ປ້ອງກັນຄວາມສະຫງົບເມືອງ ຮ່ວມກັບອົງການປົກຄອງ 9 ບ້ານທີ່ຢູ່ລຽບຕາມລໍາແມ່ນນໍ້າຂອງທີ່ເປັນຊາຍແດນກັບປະເທດໃກ້ຄຽງ ແລະ ອະນຸຍາດໃຫ້ປະຊາຊົນໃຊ້ເຮືອຫາປາໃນແຕ່ລະວັນໄດ້ໃນໄລຍະເວລາ 7 ໂມງ00 – 17ໂມງ 00 ຫລັງຈາກນັ້ນໃຫ້ເອົາເຮືອມາໂຮມ ກັນໄວ້ເຊີ່ງມີທັງໝົດ 9 ຈຸດ (ບ້ານລະຈຸດ).

ສ່ວນອົງການປົກຄອງເມືອງ ໄດ້ສົ່ງໜ່ວຍງານທີ່ກ່ຽວຂ້ອງລົງໂຄສະນາເຜີຍແຜ່ກ່ຽວກັບຜົນຮ້າຍຂອງພະຍາດໂຄວິດ-19 ໃຫ້ປະ ຊາຊົນຢູ່ບັນດາບ້ານທີ່ຢູ່ລຽບຕາມຊາຍແດນໄດ້ຮັບຮູ້ ແລະ ແນະນຳລູກຫລານຂອງຕົນທີ່ໄປເຮັດວຽກຢູ່ປະເທດໃກ້ ຄຽງ ຖ້າຕ້ອງການເດີນທາງກັບບ້ານໃຫ້ເດີນທາງມາຢ່າງຖືກຕ້ອງຕາມລະບຽບການ.


ຮອງເຈົ້າເມືອງລະຄອນເພັງ ໃຫ້ຮູ້ຕື່ມວ່າ: ຜ່ານການຄຸ້ມຄອງການໃຊ້ເຮືອຫາປາຂອງປະຊາຊົນຢູ່ຕາມລໍາແມ່ນໍ້າຂອງທີ່ເປັນຊາຍແດນຕິດກັບປະເທດໃກ້ຄຽງ ກໍຄື ການປ້ອງກັນການລັກລອບເດີນທາງກັບຄືນປະເທດຂອງແຮງ ງານລາວຈາກປະເທດໃກ້ຄຽງ ເຫັນວ່າ ເມືອງລະຄອນເພັງບໍ່ພົບແຮງງານດັ່ງກ່າວລັກລອບເດີນທາງກັບຄືນປະເທດມາໄດ້ເກືອບສອງເດືອນແລ້ວ.

Cr: ບຸນຕຽງ ຈັນທະວົງ