ປະສົມເປັດລ້າງຫ້ອງນ້ຳ ຫຼວງພີ່ເກືອບໄປໂຮງໝໍບໍທັນ

ປະສົມເປັດລ້າງຫ້ອງນ້ຳ ຫຼວງພີ່ເກືອບໄປໂຮງໝໍບໍທັນ

11th June 2021 0 By Education

ຫຼວງພີ່ຊາວໄທໂພສເຕືອນສະຕິສັງຄົມຫຼັງຕົນໄດ້ຄິດສູດປະສົມນ້ຳຢາລ້າງຫ້ອງນ້ຳຂຶ້ນມາ ຫວັງໃຫ້ລ້າງສະອາດໝົດຈົດແຕ່ກັບກາຍເປັນຜົນຮ້າຍ ຫາຍໃຈບໍ່ອອກຈົນຕ້ອງຫາມກັນສູ່ຫ້ອງມໍລະສຸມ ເອົາເຄື່ອງຊ່ວຍຫາຍໃຈກອບກູ້ຊີວິດ.

ຂ່າວການປະສົມນ້ຳຢາລ້າງຫ້ອງນ້ຳດັ່ງກ່າວເກີດຂຶ້ນເມື່ອວັນທີ 5 ມິຖຸນາຜ່ານມາ ໂດຍແຕ່ເກືອບເຫຼວງພີ່ອົງໜຶ່ງໄດ້ນຳເອົານ້ຳຢາສອງຊະນິດທີ່ມີລິດ ແລະກົດຮຸນແຮງໄປປະສົມເຂົ້າກັນ ເພື່ອຈະຖືຫ້ອງນ້ຳແຕ່ເກືອບເອົາຊີວິດບໍ່ລອດ.

ໃນຂໍ້ຄວາມລະບຸວ່າ ຂໍຝາກຄວາມຜິດພາດຄັ້ງນີ້ເປັນອຸທາຫອນ ຂອງມີປະໂຫຍດສອງຢ່າງເມື່ອເອົາມາລວມກັນອາດບໍ່ມີປະໂຫຍດ ແຕ່ຈະໃຫ້ໂທດຜູ້ໃຊ້ໄດ້ ເອົາປະສົບການມາແບ່ງປັນຢ່າພາກັນເຮັດແບບນີ້ເດັດຂາດ.

ຫຼວງພີ່ເລົ່າວ່າ ມື້ນັ້ນຕົນຢາກຈະລ້າງຫ້ອງນ້ຳ ຈິ່ງນ້ຳເອົາເປັດ(ນ້ຳຢາລ້າງຫ້ອງນ້ຳ)ມາຖອກລວມກັນກັບໄຮເຕີຊັກຜ້າຂາວ ເພາະຄິດວ່າ ຂະໜາດອັນດຽວປະສິດທິພາບຍັງດີຢ້ຽມສອງອັນລວມກັນຕ້ອງຄັກແນ່ນອນພື້ນຈະສະອາດຂຶ້ນ.

ແຕ່ຄິດຜິດເມື່ອເທລວມກັນແລ້ວແປບດຽວນ້ຳຢານັ້ນເລີ່ມມີກິ່ນຮຸນແຮງຂຶ້ນເລື້ອຍໆ ໂຕເອງກໍຄິດວ່າບໍເປັນຫຍັງຍັງສູບດົມເຂົ້າໄປບໍພໍຄາງຮູ້ສຶກແໜ້ນໜ້າເອີກຫາຍໃຈບໍ່ອອກເລີ່ມເມື່ອຍວິນຫົວປວດຮາກເວົ້າບໍ່ໄດ້ບໍ່ມີສຽງອອກມາຈາກຮູຄໍ.

ເມື່ອເຫັນທ່າບໍດີຕົນຮີບອອກມາຈາກຫ້ອງນ້ຳພະຍາຍາມຍ່າງໄປຫາບ່ອນທີ່ມີອາກາດຖ່າຍເທ ແລະນັ່ງພັກຜ່ອນບຶດໜຶ່ງແລ້ວຕົ້ມນ້ຳມາດື່ມຄິດວ່າຄົງຊ່ວຍໄດ້ ແຕ່ເປັນການຄິດຜິດ ອາການແໜ້ນໜ້າເອີກເພີ່ມຂຶ້ນເລື້ອຍໆຫາຍໃຈຫອບ ຟັງໂຕເອງບໍ່ໄຫວແລ້ວຈິ່ງຮີບເອີ້ນລົດມາຮັບໄປໂຮງໝໍ.

ເມື່ອໄປເຖິງໂຮງໝໍ ນຳເຂົ້າຫ້ອງສຸກເສີນກວດຄື້ນຫົວໃຈ ອັນຕະຊາວເຈາະເລືອດ ແລະເອັກສະເຣ ໃຫ້ຢາພ້ອມ ແລະ ໝໍບອກໃຫ້ນອນລໍຖ້າອາການອີກຈັກໜ້ອຍ ຫຼັງຈາກນັ້ນກວດຄື້ນຫົວໃຈທຸກໆ 1 ຊົ່ວໂມງ ຈົນກວ່າອາການຈະດີຂຶ້ນ.

ເຊິ່ງໝໍບອກວ່າການເອົາສອງຢ່າງນີ້ມາລວມກັນນັ້ນມັນເຮັດໃຫ້ເກີດສານພິດຮ້າຍແຮງຂຶ້ນມາ ຫາກສູດດົມເຂົ້າໄປດົນກວ່ານີ້ອາດບໍ່ສາມາດຊ່ວຍຊີວິດໄດ້ທັນ ຫຼວງພີ່ຈິ່ງນຳມາເປັນອຸທາຫອນໃຫ້ທຸກຄົນຢ່າເອົາເປັນແບບຢ່າງ ແລະຢ່າຫາແນວແປກມາເຮັດເດັດຂາດອັນຕະລາຍເຖິງຊີວິດແທ້ໆ.