ກິນຖົ່ວລຽນຢ່າເຕີມເຄື່ອງດື່ມພວກນີ້ເດັດຂາດ

ກິນຖົ່ວລຽນຢ່າເຕີມເຄື່ອງດື່ມພວກນີ້ເດັດຂາດ

12th June 2021 0 By Education

ອັນຕະລາຍຫຼາຍຖົ່ວລຽນຂອງແຊບລາຄາແພງ ແຕ່ຕ້ອງກິນໃຫ້ເປັນ ບູຮານວ່າກິນໜ້ອຍເປັນຢາກິນຫຼາຍເປັນພະຍາດ ແຕ່ລາຍນີ້ໂຫດກວ່າພະຍາດ ຈຸກບາດດຽວຈົນເອົາບໍ່ທັນ ຫຼັງໜຸ່ມໃຫຍ່ກຳມະກອນຮ້ານແກ້ວກິນຖົ່ວລຽນຕາມດ້ວຍກາເຟ ແລະນ້ຳດື່ມຊູກຳລັງ.

ໜຸ່ມໃຫຍ່ຜູ້ໂຊກຮ້າຍຈາກໄປໃນໄວ 46 ປີ ຫຼັງຈາກທີ່ລາວໄດ້ກິນຖົ່ວລຽນ ແລະຕາມດ້ວຍກາເຟຕໍ່ໃສ່ນ້ຳດື່ມຊູກຳລັງ ຄວາມຫວັງຄືຢາກເພີ່ມພະລັງແຕ່ກັບກາຍເປັນຜູ້ໂຊກຮ້າຍຈາກໄປບໍ່ທັນລ່ຳລາແມ່ນແຕ່ຄົນທີ່ຮັກ.

ເຫດການດັ່ງກ່າວເກີດຂຶ້ນ ໃນເວລາ 11 ໂມງຂອງວັນທີ 11 ມິຖຸນາຜ່ານມາ ທີ່ຈັງຫວັດປະທຸມທານີ ປະເທດໄທ ທີ່ເກີດເຫດເມື່ອກູ້ໄພໄປເຖິງພົບແຕ່ນາຍຈ້າງສອງຄົນຢືນຂ້າງໆຄົນໝົດສະຕິຄົນໜຶ່ງເປັນເພດຊາຍ ຊາຍຊື່ຄືທ້າວກ້ອນແກ້ວ ນອນໃນສະພາບບໍ່ຮູ້ສຶກຕົວ ກູ້ໄພຮີບປະຖົມພະຍາບານ ປ້ຳຫົວໃຈ ແຕ່ຈາກການກວດຊີບພະຈອນແມ່ນສັນຍານອ່ອນລົງເລື້ອຍໆ ກູ້ໄພກໍ່ຊ່ວຍກັນກູ້ຊີວິດ ແຕ່ສຸດທ້າຍກໍ່ບໍ່ສາມາດຍື້ຊີວິດລາວໄວ້ໄດ້.

ຈາກການສອບຖາມນາຍຈ້າງໃຫ້ຮູ້ວ່າ ໃນມື້ເກີດເຫດຕົນພ້ອມຜູ້ເາຍຊີວິດ ແລະຫຼານຊາຍໄດ້ພາກັນອອກມາວຽກ ຜູ້ເຄາະຮ້າຍນັ່ງຢູ່ເລາະຫຼັງກໍ່ລົມກັນມາຕາມປົກກະຕິ ແຕ່ຢູ່ໆທ້າວອັງຄານມີທ່າທາງຄືຄົນແໜ້ນໜ້າເອີກຫາຍໃຈບໍ່ອອກ ພ້ອມບອກວ່າຢາກສະໝັກແຕ່ສະໝັກບໍ່ອອກ ແປບດຽວຕີນມືລາວເລີ່ມເກັງແລ້ວນີ້ງໄປ ຕົນເຫັນທ່າບໍ່ດີຈິ່ງຜ່ອນລົດຈອດໄວ້ຂ້າງທາງແລ້ວໂທແຈ້ງກູ້ໄພມາ ເພື່ອຊ່ວຍເຫຼືອເບື້ອງຕົ້ນກ່ອນພາໄປໂຮງໝໍ ແຕ່ບໍ່ທັນແລ້ວ.

ສ່ວນສາເຫດ ຮູ້ພຽງວ່າກ່ອນຈະມາເຮັດວຽກຜູ້ໂຊກຮ້າຍໄດ້ກິນຖົ່ວລຽນຈາກນັ້ນກໍ່ດື່ມກາເຟ ແລະເຄື່ອງດື່ງຊູກຳລັງໄປໜຶ່ງຂວດກ່ອນຈະມາຂຶ້ນລົດ ແລະເກີດອາການດັ່ງກ່າວ ເຊື່ອວ່າເປັນອາການຈຸກແໜ້ນໜ້າເອີກ ແລະຫາຍໃຈບໍ່ອອກ ຄົງມາຈາກຖົ່ວລຽນ ແລະນ້ຳດື່ມຊູກຳລັງພ້ອມກັບກາເຟ ເຮັດໃຫ້ລົມຕີຂຶ້ນສູ່ຊ່ວງເອີກ.