ໂອນໍ! ລາວຖ້ວມແຕ່ຕ່າງປະເທດແລ້ງ ແມັກຊີໂກແລ້ງໜັກ ທະເລສາບໃຫຍ່ນໍ້າແຫ້ງເກືອບໝົດ

ໂອນໍ! ລາວຖ້ວມແຕ່ຕ່າງປະເທດແລ້ງ ແມັກຊີໂກແລ້ງໜັກ ທະເລສາບໃຫຍ່ນໍ້າແຫ້ງເກືອບໝົດ

15th June 2021 0 By Education

ໄພແລ້ງຖະຫຼົ່ມໜັກ ທະເລສາບອັນດັບ 2 ຂອງປະເທດແມັກຊີໂກ ນໍ້າແຫ້ງເກືອບໝົດ.

ທະເລສາບ Cuitzeo ທີ່ມີອາຍຸນັບພັນປີ ເຊິ່ງຖືວ່າໃຫຍ່ເປັນອັນດັບສອງໃນແມັກຊີໂກ ແລະ ຕັ້ງຢູ່ໃນລັດມີໂຊອາກັງ ອາດໃກ້ເປັນພຽງຕໍານານ ຫຼັງຈາກຝົນບໍ່ຕົກ ແລະ ການຕັດໄມ້ທໍາລາຍປ່າຢ່າງຮຸນແຮງ ການປ່ອຍນໍ້າເສຍຈາກ 15ເມືອງ ທີ່ຢູ່ອ້ອມຮອບເມືອງລົງທະເລສາບ.

ທະເລສາບດັ່ງກ່າວມີເນື້ອທີ່ 2ແສນໄລ່, ຮ່ອງທະເລເລິກ 9ແມັດ ແຕ່ສ່ວນຫຼາຍ 1ແມັດຄືເນື້ອທີ່ປົກກກະຕິ, ປະຊາກອນ 9ແສນຄົນບໍລິໂພກນໍ້າຈາກບ່ອນນີ້.

ໃນຍຸກປີ 1990 ເຄີຍຈັບປາໄດ້ຫຼາຍກວ່າ 5.000 ຕັນຕໍ່ປີປາ 15ສາຍພັນ ປັດຈຸບັນເຫຼືອເຫຼືອ 250ຕັນຕໍ່ປີ 6ສາຍພັນ ຫຼຸດລົງຢ່າງວ່ອງໄວ ທະເລສາບຖືກແບ່ງເພາະການສ້າງເຂື່ອນ ແລະ ເສັ້ນທາງ ເປັນການຕັດສິນໃຈທີ່ຜິດ ລວມທັ້ງການຕັດໄມ້ທໍາລາຍປ່າ ຝົນບໍ່ຕົກ ນໍ້າເລີ່ມແຫ້ງລົງ.

ທັ້ງນີ້, ປະຊາກອນທັ້ງໝົດເກືອບ 1ລ້ານຄົນ 15ເທສະບານຖິ້ມນໍ້າເສຍລົງທະເລສາບແຄມຝັ່ງທະເລສາບ ຖືກໃຊ້ເປັນຟາມໝູຈໍານວນຫຼາຍ.

ລວມທັ້ງຕັ້ງໂຮງງານມົນລະພິດຖືກປ່ອຍລົງທະເລສາບ ຈາກຂີ້ໝູ, ຂີ້ເຫຍື້ອ ເລີ່ມເຮັດໃຫ້ຮ່ອງນໍ້າຕື້ນເຂີນຂື້ນທຸກປີ ບໍ່ສາມາດກັກເກັບນໍ້າໄດ້ ລວມທັ້ງການເກີດມົນລະພິດຊາວປະມົງຕ້ອງຖິ້ມເຮືອ ຈາກການເສື່ອມໂຊມຂອງທະເລສາບ.

ທະເລສາບແຫ້ງແລ້ງ