ຮູ້ວ່າໂຕເປັນຜູ້ສ່ຽງຍັງລັກໜີເພື່ອ? ຄົນໃກ້ຊິດອາດໂຊກຮ້າຍຍ້ອນທ່ານໄດ້

ຮູ້ວ່າໂຕເປັນຜູ້ສ່ຽງຍັງລັກໜີເພື່ອ? ຄົນໃກ້ຊິດອາດໂຊກຮ້າຍຍ້ອນທ່ານໄດ້

16th June 2021 0 By Education

ຄະນະສະເພາະກິດ ແລະແພດໝໍແນະນຳມາຕະຫຼອດທຸກຄົນທີ່ໃກ້ຊິດ ຫຼື ໄດ້ສຳຜັດກັບຜູ້ຕິດເຊື້ອໂຄວິດ-19 ທີ່ໄດ້ຮັບການຢືນຢັນແລ້ວໃຫ້ປະຕິບັດຕົນຄື ເອົາໂຕເອງອອກຈາກເພື່ອນຝຸງ ຈຳກັດບໍລິເວນໂຕເອງຈົນຄົບ 14 ວັນຖ້າບໍມີຫຍັງຈີ່ງອອກໃຊ້ຊີວິດຕາມປົກກະຕິໄດ້ ແຕ່ກັບສອງລາຍທີ່ຕິດເຊື້ອໃໝ່ນີ້ພັດບໍເປັນແນວນັ້ນ ຖືກຈຳກັດບໍລິເວນຍັງລັກໜີເສີຍ ຈົນຮູ້ວ່າໂຕເອງບໍສະບາຍ(ສະແດງອາການແລ້ວ) ຈິ່ງເຂົ້າປະເກັບຕົວຢ່າງປະກົດວ່າເປັນບວກ.

ຕາມການຖະແຫຼງຂອງ ທ່ານ ດຣ. ນາງ ພອນປະເສີດ ໄຊຍະມຸງຄຸນ, ຕາງໜ້າໃຫ້ຄະນະສະເພາະກິດ ເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ-19 ລາຍງານ ສະພາບການລະບາດຂອງພະຍາດ COVID-19 ແລະ ການປະຕິບັດບາງມາດຕະການ ຢູ ່ ສປປ ລາວ ປະຈຳວັນທີ 16 ມິຖຸນາ 2021 ໃຫ້ຮູ້ວ່າ ຮອດປະຈຸບັນ ສປປ ລາວ ມີຜູ້ຕິດ ເຊື້ອສະສົມ ທັງໝົດ 2.033 ຄົນ (ໃໝ່ 8), ເສຍຊີວິດສະສົມ 03 ຄົນ (ໃໝ່ 00 ), ປິ່ນປົວດີທັງໝົດ 1.910 ຄົນ (ໃໝ່ 5 ຄົນ) ແລະຍັງມີຜູ້ທີ່ກຳລັງຕິດຕາມປິ່ນປົວທົ່ວປະເທດທັງໝົດ 120 ຄົນ ( ບໍມີຜູ້ອາການໜັກ).

ສຳລັບໃນວັນທີ 15 ມິຖຸນາ 2021 ທົ່ວປະເທດ ໄດ້ມີການເກັບຕົງຢ່າງມາກວດຊອກຫາເຊື້ອ COVID-19 ທັງໝົດ 1.824 ຕົວຢ່າງ ໃນນັ້ນກວດພົບຜູ້ຕິດເຊື້ອໃໝ່ 8 ກໍລະນີ )

ກ່ຽວກັບກໍລະນີຕິດເຊື້ອໃໝ່ 8 ຄົນ (ເປັນກໍລະນີຢັ້ງຢືນທີ 2026–2033) – ຄົນເຈັບຕິດເຊື້ອໃໝ່ຈາກນະຄອນຫຼວງ 6 ຄົນ (ຜູ້ສໍາຜັດໃກ້ຊິດກັບຜູ້ຕິດເຊື້ອເກົ່າທີ່ຕິດ ເຊື້ອໃນຊຸມຊົນ , ໃນນັ້ນ 2 ຄົນ ແມ່ນຜູ້ທີ ່ລັກ ອອກຈາກອາພັດເມັນອຸດົມພອນ ແລ້ວໄປກັກຕົວຢູ ່ ໂຮງແຮມ ມີອາການຈິ່ງເກັບຕົວຢ່າງມາກວດ) ສ່ວນ ແຂວງຈຳປາສັກມີ 2 ຄົນແມ່ນກໍລະນີນໍາເຂົ້າເຊິ່ງກວດພບົ ເຊື ້ອໃນແຮງງານ ລາວທີ່ກັບມາຈາກປະເທດໄທຖືກຕ້ອງຕາມກົດໝາຍກົດໝາຍ.

ໂຄວິດບໍ່ແມ່ນພະຍາດທຳມະດາ ແລະຜູ້ຕັ້ງໃຈແຜ່ເຊື້ອກໍ່ມີບາງຄົນໄດ້ຮັບໂທດຕາມກົດໝາຍແລ້ວ ພວກເຮົາທຸກຄົນທີ່ຍັງຢູ່ຕ້ອງເພີ່ມຄວາມລະມັດລະວັງ ແລະມີສະຕິຕໍ່ພະຍາດດັ່ງກ່າວ ຖ້າຫາກໂຕເອງເປັນກຸ່ມສ່ຽງແລ້ວບໍຮັກສາຍັງປະຕິບັດໂຕຄືປົກກະຕິທົ່ວໄປ ແມ່ນມີຄວາມສ່ຽງສູງທີ່ຄົນໃກ້ຊິດຈະຕິດເພີ່ມ ແລະໄປແຜ່ຕໍ່ໃຫ້ກັບຄົນນອກອື່ນໆທີ່ເຂົາບໍ່ຮູ້ຈັກຫຍັງແຕ່ຕ້ອງມາພົວພັນກັບຄົນທີ່ໃກ້ຊິດເຮົາ.