ເມກາມາສົມກຽດ ຍົນໃຫຍ່ລົງວັດໄຕສົ່ງນ້ຳໃຈຊ່ວຍລາວຕ້ານໂຄວິດ

ເມກາມາສົມກຽດ ຍົນໃຫຍ່ລົງວັດໄຕສົ່ງນ້ຳໃຈຊ່ວຍລາວຕ້ານໂຄວິດ

22nd June 2021 0 By Education

ອາເມລິກາມາທັ້ງທີຈັດໜັກຈັດເຕັມ  ສົ່ງຍົນແອຟອດ C-17 “Globemaster III” ຂົນເຄື່ອງຊ່ວຍເຫຼືອລົງສະໜາມບິນວັດໄຕຢ່າງສົມກຽດປະເທດມະຫາອຳນາດ ໂດຍການຕ້ອນຮັບເຄື່ອງຂອງທ່ານທູດ ປີເຕີ ພ້ອມກັບເຈົ້າໜ້າທີ່ຂອງ U.S. Department of Defense ຫຼື DoD ໄດ້ມອບເຄື່ອງຊ່ວຍເຫຼືອໂຄວິດ-19 ໃຫ້ແກ່ກະຊວງສາທາລະນະສຸກ.

ທ່ານ ທູດ ປີເຕີ ເຮມ໋ອນ ເອກອັກຄະລັດຖະທູດສະຫະລັດອາເມລິການປະຈຳລາວ ໄດ້ກ່າວວ່າ:  ຂ້າພະເຈົ້າມີຄວາມພູມໃຈທີ່ໄດ້ມອບເຄື່ອງຊ່ວຍເຫຼືອເພີ່ມເຕີມ ເພື່ອອຳນວຍຄວາມສະດວກໃນການກວດ ໂຄວິດ-19 ທົ່ວ ສປປ ລາວ. ເຄື່ອງທີ່ມອບໃນມື້ນີ້ແມ່ນໜຶ່ງໃນການຊ່ວຍເຫຼືອຍາວນານຂອງສະຫະລັດອາເມລິກາໃນການເປັນຄູ່ຮ່ວມງານກັບ ສປປ ລາວ ໃນການເສີມສ້າງຄວາມອາດສາມາດວຽກງານສາທາລະນະສຸກ, ລວມໄປເຖິງການຕ້ານການລະບາດຂອງພະຍາດໂຄວິດ-19.

ນີ້ແມ່ນໜຶ່ງໃນການຊ່ວຍເຫຼືອຂອງສະຫະລັດອາເມລິກາໂດຍຜ່ານ U.S. Department of Defense (DoD) ໂດຍສະເພາະແມ່ນ Defense POW / MIA Accounting Agency.

ເຄື່ອງຊ່ວຍເຫຼືອໂຄວິດ 19 ຄັ້ງນີ້ມີມູນຄ່າ 71,000 ໂດລາ ໄດ້ມາຮອດສະໜາມບິນສາກົນວັດໄຕ ໃນຕອນເຊົ້າວັນທີ 22 ມິຖຸນາ 2021 ໂດຍຍົນແອຟອດ C-17 “Globemaster III”

ເຖິງວ່າປະເທດຂອງເພິ່ນຍັງລະບາດໜັກ ແຕ່ນ້ຳໃຈມິດຕະພາບເພື່ອຄວາມສຳພັນລະຫວ່າງປະເທດບໍ່ໄດ້ຂາດ ຂອບໃຈທີ່ສົ່ງມາ

ເຄື່ອງຊ່ວຍເຫຼືອດັ່ງກ່າວນີ້ເປັນເຄື່ອງສຳລັບເກັບຕົວຢ່າງ COVID-19  ໂດຍສະເພາະແມ່ນເຄື່ອງມື ນ້ຳຢາສຳລັບໃຊ້ຢູ່ໃນຫ້ອງທົດລອງ ແລະ ອຸປະກອນເພື່ອກວດຫາເຊື້ອພະຍາດ COVID-19 ຈຳນວນ 200 ກ່ອງ.