ນັກທ່ອງທ່ຽວກຸ່ມນີ້ໂຊກດີສຸດໆ ໄດ້ເຫັນປາໂລມາເປັນຝຸງນັບຮ້ອຍໆໂຕ

ນັກທ່ອງທ່ຽວກຸ່ມນີ້ໂຊກດີສຸດໆ ໄດ້ເຫັນປາໂລມາເປັນຝຸງນັບຮ້ອຍໆໂຕ

27th June 2021 0 By Education

ທີ່ລັດຄາລີຟໍເນຍ ສະຫະລັດອາເມລິກາເຮືອ Ocean Explorer ທີ່ນຳພາຄະນະທົວລ່ອງຊົມຄວາມສວຍງາມຂອງທ້ອງທະເລ ບາງເອີນໄດ້ພົບເຫັນໃຸງປາໂລມາຈຳນວນຫຼາຍກຳລັງລອຍລ່ອງຢ່າງມ່ວນຊື່ນຕາມທິດທາງດຽວກັນກັບທາງທີ່ເຮືອໄປ.

ປາໂລມາຈຳນວນດັ່ງກ່າວ ຄາດວ່າຈະມີຫຼາຍເຖິງ 400 ໂຕ ຢູ່ນອກຊາຍຝັ່ງນິວພອດບິດ ພວກມັນລອຍກັນເປັນຝຸງແຂ່ງກັນກັບເຮືອທົວລຳນັ້ນ ເຊິ່ງສ້າງຄວາມປະທັບໃຈແກ່ບັນດານັກທ່ອງທ່ຽວເປັນທີ່ສຸດຖືວ່າຊື້ທົວບໍ່ເສຍຖ້ຽວອີຫຼີຊຸດນີ້.

ເຊິ່ງການພົບຝຸງປາດັ່ງກ່າວມີທັງໂຕນ້ອຍ ແລະໂຕໃຫຍ່ລອຍຄູ່ກັນຄາດວ່າຈະເປັນແມ່ລູກກັນ

ຕາມການສຶກສາພຶດຕິກຳຂອງໜ່ວຍງານທີ່ກ່ຽວຂ້ອງໃຫ້ຮູ້ວ່າ ຝຸງໂລມາໜ້າຈະແຕກຕື່ນ ແລະໜີມາຈາກການໄລ່ລ່າຂອງນັກລ່າປາ ຫຼື ກຳລັງລອຍນ້ຳຕາມຝຸງປາທີ່ເປັນອາຫານຂອງພວກມັນ.

ຝຸງໂລມາດັ່ງກ່າວນັ້ນ ເຮືອນັກທ່ອງທ່ຽວພົບໃນວັນທີ 18 ມິຖຸນາ 2021 ຜ່ານມານີ້ເອງ