ມາຕາມນັດ ບັນຫາເລື່ອງໄຟຟ້າຫຼາຍອີຫຼີບໍນີ້

ມາຕາມນັດ ບັນຫາເລື່ອງໄຟຟ້າຫຼາຍອີຫຼີບໍນີ້

28th June 2021 0 By Education

ຖືວ່າເປັນການເປີດໂອກາດຮັບເອົາຄຳຮ້ອງທີ່ເປັນຈິງເປັນຈັງກ່ຽວກັບເລື່ອງໄຟຟ້າ ເຊິ່ງລັດວິສາຫະກິດໄຟຟ້າລາວຕ້ອງການຢາກແກ້ໄຂປະກົດການກຍໍ້ທໍ້ຕ່າງໆທີ່ເກີດຂຶ້ນໂດຍແທ້ຈີງ ເຊິ່ງມື້ນີ້ເປັນມື້ທຳອິດທີ່ເປີດຮັບເອົາຄຳຄິດເຫັນ ແລະມີປະຊາຊົນຜູ້ຊົມໃຊ້ເຂົ້າມາສອບຖາມຫຼາຍສົມຄວນ.

ປະຕິບັດຕາມສັນຍາໃນທຸກໆເລື່ອງນັບແຕ່ການແຕ່ງຕັ້ງຄະນະກຳມະການສອບສວນບັນຫາຂໍ້ຜິດພາດເລື່ອງກ່ຽວກັບບິນໄຟຟ້າທີ່ສູງຜິດປົກກະຕິ ທີ່ໄດ້ເປັນຂ່າວໃນສື່ສັງຄົມອອນລາຍ ແລະ ການເປີດຈຸດຮັບເອົາຄຳຄິດເຫັນຂອງຜູ້ຊົມໃຊ້ກ່ຽວກັບ ການບໍລິການໄຟຟ້າ, ການຄິດລາຄາໄຟ, ການຈົດເລກໝໍ້ນັບໄຟ, ການຂໍຕິດຕັ້ງໝໍ້ນັບໄຟໃໝ່, ການອອກບິນຄ່າໄຟ ແລະ ການເພີ່ມຂື້ນຂອງຄ່າໄຟຟ້າຂອງຜູ້ຊົມໃຊ້ໄຟ.

ໂດຍການເປີດຮັບຄຳຮ້ອງ ແກ້ໄຂຂໍ້ສົງໄສຂອງປະຊາຊົນ ດັ່ງກ່າວນັ້ນແມ່ນເລີ່ມເປີດໂຕະຮັບຄຳຄິດເຫັນ ໃນວັນທີ 28 ມີຖຸນາ 2021 ເປັນຕົ້ນໄປ ທີ່ ສໍານັກງານຝ່າຍລະບົບຈໍາໜ່າຍ ລັດວິສາຫະກິດໄຟຟ້າລາວ (ບ້ານໜອງບຶກ) ເມືອງສີໂຄດຕະບອງ ນະຄອນຫຼວງວຽງຈັນ, ເຊິ່ງມີປະຊາຊົນໃຫ້ຄວາມສົນໃຈ ເຂົ້າມາສອບຖາມເປັນຈຳນວນຫລາຍ.

ສຳລັບທ່ານທີ່ມີຂໍ້ສົງໄສໃນການບໍລິການ ແລະສະດວກ ທ່ານ ສາມາດເຂົ້າມາພົວພັນກັບຫນ່ວຍສະເພາະກິດໄດ້ ໃນໂມງລັດຖະການ ວັນຈັນ – ວັນສຸກ ເວລາ 08:00-18:00 ໂມງ.

ສ່ວນວັນເວລາປິດການຮັບຄວາມເຫັນຕອນນີ້ຍັງບໍມີເທື່ອ ຄວາມໝາຍຄືຜູ້ຊົມໃຊ້ໄຟຍັງສາມາດເຂົ້າໄປສອບຖາມໄດ້ຕໍເນື່ອງ ຈົນກວ່າບັນຫາຕ່າງໆຈະໄດ້ຮັບການແກ້ໄຂ.