ປີນີ້ແສນໂຫດ ຮ່າງໄຮ້ວິນຍານຈຳນວນຫຼາຍໄຫຼຕາມແມ່ນ້ຳຄົງຄາຈົນບໍ່ຮູ້ວ່າໃຜເປັນໃຜ

ປີນີ້ແສນໂຫດ ຮ່າງໄຮ້ວິນຍານຈຳນວນຫຼາຍໄຫຼຕາມແມ່ນ້ຳຄົງຄາຈົນບໍ່ຮູ້ວ່າໃຜເປັນໃຜ

30th June 2021 0 By Education

ອິນເດຍເປັນປະເທດທີ່ໄດ້ຮັບຜົນກະທົບຫຼາຍພໍສົມຄວນຈາກພະຍາດໂຄວິດ-19 ຖືເປັນອັນດັບສອງຂອງໂລກຮອງຈາກສະຫະລັດອາເມລິກາ ເຊິ່ງເຮັດໃຫ້ມີຜູ້ເສຍຊີວິດຈຳນວນຫຼວງຫຼາຍ ເນື່ອງຈາກປະຊາກອນຈຳນວນຫຼາຍບໍ່ສາມາດຄຸມກັນໄດ້ ເມື່ອຄັ້ງໜຶ່ງປະກາດລັອກດາວເມືອງຫຼວງ ເຮັດໃຫ້ຄົນພາກັນໜີອືກກະທຶກ ແລະນັ້ນເປັນໜຶ່ງໃນສະນວນຂອງການນຳເອົາເຊື້ອພະຍາດກະຈາຍລົງສູ່ຊຸມຊົນຢ່າງຫຼີກລ່ຽງບໍໄດ້.

ຕາມຂ່າວຫຼ້າສຸດໃຫ້ຮູ້ວ່າ ຕາມແມ່ນ້ຳຄົງຄາ ແມ່ນ້ຳສັກສິດແມ່ນພະພຸດທະສາສະໜາ ທຸກວັນນີ້ກັບມາຮ່າງທີ່ໄຮ້ວິນຍານລອຍມາແຕ່ໃສບໍ່ຮູ້ຈຳນວນຫຼາຍຢັ່ງຢາຍກັນທົ່ວ ເປັນເລື່ອງທີ່ໜ້າເຫັນໃຈຄົນທີ່ຈາກໄປ ແລະຜູ້ຢູ່ເອງກໍ່ບໍຮູ້ວ່າຄົນຂອງຕົນໄປດີເຖິງສຸກຫຼືບໍ.

ຂ່າວລາຍງານວ່າ ຮ່າງທີ່ໄຮ້ວິນຍານໄຫຼລົງແມ່ນ້ຳຄົງຄາຮອບໃໝ່ນີ້ເນື່ອງຈາກເກີດມີຝົນຕົກໜັກເຮັດໃຫ້ເກີດນ້ຳຊຸຢ່າງແຮງ ນັ້ນເຮັດໃຫ້ຕະຫຼອດ 3 ອາທິດຜ່ານມາມີຮ່າງຂອງຜູ້ຈາກໄປກວ່າ 150 ຮ່າງໄຫລລົງມາຕາມກະແສນ້ຳ ເຊິ່ງຄາດວ່າບາງຈຳນວນອາດແມ່ນຜູ້ລ່ວງລັບໄປຍ້ອນໂຄວິດ.

ສຳລັບຮ່າງຜູ້ໄຮ້ຊີວິດເຫຼົ່ານັ້ນ ເຊື່ອວ່າຈະເປັນຜູ້ທີ່ເສຍແລ້ວຖືກນຳໄປຝັງຕື້ນໆ ຫຼື ບາງຄົນພຽງໃຊ້ຜ້າຢາງຫໍ່ແລ້ວເອົາໄປວາງໄວ້ ບາງຖືກຝັງໄວ້ໃນດອນຊາຍແຕ່ລະດູແລ້ງ ຫຼື ບາງຄົນບໍ່ມີເງິນທີ່ຖືກຢູ່ປະມານ 1 ລ້ານກີບ ແລ້ວຖືກນຳໄປຝັງຕາມແຄມແມ່ນ້ຳ ພໍຝົນມາດິນຫຼົມ ນ້ຳທັ່ງແຮງຮ່າງກໍ່ອອກມາໄຫຼຕາມກະແສນ້ຳຢ່າງຫຼີກລ່ຽງບໍໄດ້.

ຕໍ່ເຫດການທີເກີດຂຶ້ນ ເຈົ້າໜ້າທີ່ຕ້ອງລົງເກັບຮ່າງເຫຼົ່ານັ້ນຕາມຝັ່ງແມ່ນ້ຳຄົງຄາລວມ 150 ຮ່າງໃຮໍນຕະຫຼອດ 3 ອາທິດຜ່ານມາ ເຊິ່ງເປັນພຽງສ່ວນໜ້ອຍທີ່ພົບ ຂະນະທີ່ໂຕແມ່ນ້ຳຄົງຄາເອງຍາວເຖິງ 2.500 ກິໂລແມັດ ຍັງບໍຮູ້ຈະຫຼາຍປານໃດຈຳນວນທີ່ບໍ່ເຫັນ.