ກັບ​ມາ​ອີກ​ຄ້ງ ເອ ສຸພະວັນ ຕຸລາຄົມ ໃນ​ການ​ປະ​ກວດ Miss Teen Laos 2021

ກັບ​ມາ​ອີກ​ຄ້ງ ເອ ສຸພະວັນ ຕຸລາຄົມ ໃນ​ການ​ປະ​ກວດ Miss Teen Laos 2021

2nd July 2021 0 By Entertain

ແນະນຳ ອີກໜຶ່ງສາວງາມ ຖືວ່າເປັນທີ່ຈັບຕາກັບສາວຄົນນີ້ MLT06 ເອ ສຸພະວັນ ຕຸລາຄົມ ໜຶ່ງໃນ 25 ຄົນສຸດທ້າຍໃນການປະກວດ Miss Teen Laos 2021
ເອ ສຸພະວັນ ຕຸລາຄົມ ອາຍຸ 18 ປີ ນ້ຳຫນັກ 49kg ລວງສູງ 165cm

ຮຽນຢູ່ຊັ້ນມ.7 ໂຮງຮຽນ ມັດທະຍົມສົມບູນ ຮຸ່ງເຮືອງ ເຊິ່ງເອໄດ້ເຄີຍຮ່ວມປະກວດ Miss Teen Laos 2019 ສາມາດຜ່ານເຂົ້າຮອບ 20 ຄົນເທົ່ານັ້ນ ແລະ ປີນີ້ມາໃໝ່ ເພາະເວທີປະກວດນາງງາມຄືຄວາມຝັນ

.

ເອໄດ້ກ່າວວ່າ “ມີຄວາມຝັນມາຕັ້ງແຕ່ນ້ອຍຄື ເອຢາກເປັນນາງງາມທີ່ມີຊື່ສຽງ
ເອມີຄວາມສຸກທຸກຄັ້ງທີ່ໄດ້ຍ່າງຢູ່ເວທີ ມັນບໍ່ໄດ້ເປັນພຽງການໃສ່ຊຸດງາມໆ ຫຼື ແຕ່ງໜ້າງາມ ໃຫ້ຄົນໄດ້ເບິ່ງ ມັນຍັງສະແດງໃຫ້ເຫັນເຖິງຄວາມງາມຈາກພາຍໃນອັນເຕັມດ້ວຍຄວາມຮູ້ຄວາມສາມາດ ແລະ ສາມາດເປັນຕົວແທນ, ເປັນແບບຢ່າງທີ່ດີໃຫ້ແມ່ຍິງດ້ວຍກັນ ເຊິ່ງມັນເປັນຄວາມຝັນຂອງແມ່ຍິງຫຼາຍໆຄົນ ແລະ ເອຈະເຮັດມັນໃຫ້ໄດ້ ເພາະເອເຊື່ອວ່າຄວາມອົດທົນພະຍາຍາມ ຈະເປັນຂົວໄຕ່ໃຫ້ເອປະສົບຜົນສຳເລັດໃນອະນາຄົດ.

ຜົນງານຜ່ານມາ: ລາງວັນຊະນະເລີດອັນດັບ 1 ຈາກເວທີ Miss TKK supermodel 2020, ເດີນແບບໃຫ້ ເພັດພະໄທ Jewelry Exclusive 2020, ງານເດີນແບບ ຮ່ວມປັນຮັກ Better Together Fashion Show 2020, ງານວາງສະແດງສິນຄ້າຫັດຖະກຳລາວ OTOP ທີ່ວຽງຈັນເຊັນເຕີ.

.

ນັກສິລະປະການຟ້ອນ ຕາງໜ້າເມືອງສີໂຄດຕະບອງ ແຂ່ງຂັນລະດັບນະຄອນຫຼວງວຽງຈັນ ຈາກ 9 ຕົວເມືອງ ຂອງນັກຮຽນຊັ້ນມັດທະຍົມຕອນປາຍ ສາມາດຄອງແຊ້ມ 4 ສະໄໝ.


ເປັນ 1 ໃນນັກສະແດງສິລະປະຂອງທີມງານ ແສງຈຳປາ

ນັກກີລາ ບານບ້ວງ ແລະ ບານສົ່ງ ຂອງໂຮງຮຽນ ມສ ຮຸ່ງເຮືອງ.

ຕິດຕາມຜົນງານໄດ້ທີ່: F.B: Aey Souphavanh Toulakhome & Miss Teen Laos 2021