ນໍ້າຕາໄຫຼຕາມ! ຍິງປ່ວຍໜັກນອນຕິດຕຽງ ຜົວຖິ້ມປະໜີຫາຍບໍ່ເຫັນສົ້ນ ເຫຼືອພຽງເນນນ້ອຍລູກຊາຍເພິ່ນເບິ່ງແຍງ

ນໍ້າຕາໄຫຼຕາມ! ຍິງປ່ວຍໜັກນອນຕິດຕຽງ ຜົວຖິ້ມປະໜີຫາຍບໍ່ເຫັນສົ້ນ ເຫຼືອພຽງເນນນ້ອຍລູກຊາຍເພິ່ນເບິ່ງແຍງ

5th July 2021 0 By Education

ເປັນອີກເລື່ອງລາວທີ່ສ້າງຄວາມສະເທືອນໃຈບໍ່ໜ້ອຍ ສໍາລັບເລື່ອງລາວຂອງແມ່ຍິງຄົນໜຶ່ງປ່ວຍໜັກດ້ວຍຫຼາຍພະຍາດບຽດບຽນ ຊໍ້າຮ້າຍຜົວໜີປະ ເຫຼືອພຽງລູກຊາຍຫຼ້າທີ່ໄປບວດເນນໄດ້ກັບມາເບິ່ງແຍງດູແລ.

ໂດຍເລື່ອງນີ້ ໄດ້ນໍາມາເຜີຍແຜ່ໄວ້ໃນສື່ສັງຄົມອອນລາຍ ໃຫ້ຮູ້ວ່າ: ຂໍອະນຸຍາດບັນດາທ່ານຜູ້ໃຈບຸນທັງຫລາຍເດີ, ໄດ້ເຫັນສະພາບ ແລະ ຮູ້ອາການແລ້ວອົດສົງສານບໍ່ໄດ້. ຄົນເຈັບຊື່ ນາງ ຕຽງກອນ ອາຍຸ 31 ປີ ຢູ່ບ້ານ ກະໂສມ ເມືອງ ສາມັກຄີໄຊ ແຂວງ ອັດຕະປື ປ່ວຍເປັນພະຍາດ ເບົາຫວານ, ຄໍກິນເລືອດ ແລະ ກະເພາະລໍາໄສ້ ປິ່ນປົວມາຫລາຍປີ ມາຮອດປັດຈຸບັນອາການຊຸດໜັກ ເຂົ້າມາຫ້ອງມໍລະສຸມ ຕອນບ່າຍວັນທີ 2 ກໍລະກົດ 2021.

ຜົວຂອງ ນ ຕຽງກອນ ທີ່ເຄີຍຢູ່ນໍາກັນ ກໍ່ໜີປະໄປທາງອື່ນ, ເງິນຄໍາ ແລະ ຊັບທີ່ມີກໍ່ໄດ້ຂາຍມາປິ່ນປົວຈົນໝົດ; ແຕ່ຍັງມີຄວາມໂຊກດີທີ່ມີ ລູກຊາຍຄີງໆທີ່ແສນກະຕັນຍູທີ່ບວດເປັນເນນ(ຊື່ເນນ  ທິດປອນ ອາຍຸ 11 ປີ) ທີ່ຢູ່ຄຽງຂ້າງເບິ່ງອາການແມ່ຢ່າງບໍ່ຫ່າງ ທັງລົງໄປເອົາຢາ, ປ້ອນເຂົ້າ ປ້ອນນໍ້າ ແລະ ເບິ່ງແຍງດູແລແມ່.

ສະພາບ ນ. ຕຽງກອນ ໃນປັດຈຸບັນນີ້ແມ່ນຫຍຸ້ງຍາກຫລາຍ ທ່ານໃດມີຢາດີຂໍໃຫ້ຊ່ວຍແນະນໍາແດ່ ຫລື ທ່ານໃດມີຈິດໃຈເມດຕາຢາກຊ່ວຍເຫລືອຄ່າຍຸກຢາກໍ່ມາທີ່ຫ້ອງ ມໍລະສຸມ ໂຮງໝໍແຂວງອັດຕະປື ຫລືໂທຫາ ນ້ອງສາວຂອງລາວໄດ້ (ຊື່ ຈັນ) ເບີໂທ 020 9220 6640 ສ່ວນເລກບັນຊີທະນາຄານ ແມ່ນບໍ່ມີ.