ແບບ​ນີ້​ຕ້ອງ​ຫາ​ມາ​ປູກ​ໄວ້ ດອກ​ອັນ​ຊັນ ທັງ​ເຄືອ​ຮາກ ໃບ ມີ​ຊັບ​ພະ​ຄຸນຫຼາຍ​ອີ່ຫຼີ່

ແບບ​ນີ້​ຕ້ອງ​ຫາ​ມາ​ປູກ​ໄວ້ ດອກ​ອັນ​ຊັນ ທັງ​ເຄືອ​ຮາກ ໃບ ມີ​ຊັບ​ພະ​ຄຸນຫຼາຍ​ອີ່ຫຼີ່

11th July 2021 0 By Entertain

ທ່ານຮູ້ບໍວ່າ ເຄືອອັນຊັນ ເປັນຢາສະໝຸນໄພປະຈຳບ້ານຄວນມີໄວ້ ແລະ ປູກເປັນດອກໄມ້ປະດັບແຄມບ້ານ, ມີສານຈຳພວກແອນໂທໄຊຢານີນ ທີ່ມີຄຸນສົມບັດເພີ່ມການໄຫຼວຽນພາຍໃນຫຼອດເລືອດ, ຊື່ງສານດັ່ງກ່າວສາມາດພົບເຫັນໄດ້ໃນໝາກໄມ້ ຫຼື ດອກໄມ້ທີ່ມີສີຟ້າ ສີແດງ ຫຼື ສີມ່ວງ, ໂດຍພືດຈະສ້າງສານນີ້ຂື້ນມາເພື່ອປ້ອງກັນດອກ ຫຼື ໝາກຈາກອັນຕະລາຍຂອງແສງແດດ ແລະ ໂລກພືດຕ່າງໆ.”

ຄຸນປະໂຫຍດຮາກເຄືອອັນຊັນ ນຳມາປຸງເປັນຢາຂັບຖ່າຍ ແລະ ຢາລະບາຍໄດ້ດີ, ແກ້ອາການເຈັບແຂ້ວ ແລະ ເຮັດໃຫ້ແຂ້ວແຂງແຮງ ໂດຍການເອົາຮາກຂອງຕົ້ນອັນຊັນມາຖູທີ່ແຂ້ວ,

ຊ່ວຍເພີ່ມປະສິດທິພາບໃນການເບີ່ງເຫັນໄດ້ດີຂື້ນ ໂດຍການເອົາຮາກຂອງຕົ້ນດອກອັນຊັນໄປຝົນໄສ່ກັບນໍ້າບໍລິສຸດ ກອງໃຫ້ສະອາດ ແລ້ວເອົາມາຢອດຕາ;

ຄຸນປະໂຫຍດຂອງໃບເຄືອອັນຊັນ ຊ່ວຍເປັນຢາຂັບຖ່າຍໃຫ້ສະດອກດີ, ຊ່ວຍບຳລຸງສາຍຕາ ແລະ ແກ້ອາການຕາປຽກໄດ້;
ຄຸນປະໂຫຍດຂອງດອກເຄືອອັນຊັນ ຊ່ວຍເສີມສ້າງພູມຕ້ານທານໃຫ້ຮ່າງກາຍ ແລະ ເພີ່ມພະລັງເຮັດໃຫ້ຮ່າງກາຍມີຄວາມແຂງແຮງຂື້ນ, ສານຕ້ານອະນຸມູນອິດສະຫຼະໃນດອກອັນຊັນ ສາມາດຊ່ວຍໃນການສະລໍຄວາມແກ່ ແລະ ລີ້ວຮອຍຕາມໄບໜ້າຜີວໜັງ,

ຊ່ວຍບຳລຸງສະໝອງ, ຊ່ວຍລົດຄວາມສ່ຽງຂອງການເກີດໂລກຫົວໃຈ ແລະ ພາວະຫຼອດເລືອດຫົວໃຈຕີບ, ຊ່ວຍລົດຄວາມສ່ຽງການເກີດໂລກມະເຮັງ, ຊ່ວຍລົດລະດັບນໍ້າຕານໃນເລືອດໃນຜູ່ປ່ວຍທີ່ເປັນໂລກເບົາຫວານ,

ຊ່ວຍຂັບລ້າງສານພິດ ແລະ ຂັບຂອງເສັຍອອກຈາກຮ່າງກາຍ, ຊ່ວຍແກ້ອາການເປັນບວມຂອງຮ່າງກາຍ, ຊ່ວຍປ້ອງກັນ ແລະ ບັນເທົາອາການມືນຊາຕາມນີ້ວມືນີ້ວຕີນ, ຊ່ວຍບຳລຸງຮາກເສັ້ນຜົມ ແລະ ເຮັດໃຫ້ເສັ້ນຜົມດົກມັນເງົາງາມ;
ວິທີການປຸງນໍ້າດື່ມສະໝຸນໄພດອກອັນຊັນ:

1 ວີທີການງ່າຍໆ ແມ່ນເອົາດອກອັນຊັນສົດ ຫຼື ດອກແຫ້ງມາໄສ່ນໍ້າຮ້ອນດື່ມຕາມສະບາຍສະຕາຍຂອງໄຜມັນ,
2 ສ່ວນປະກອບການປຸງແຕ່ງນໍ້າດອກອັນຊັນເປັນກິດຈະລັກສະນະລວມມີ: ດອກອັນຊັນໜືາງກຳມື, ຕົ້ນເຕີຍຫອມໜື່ງຕົ້ນນ້ອຍ, ນໍ້າເຜີ້ງສົດທຳມະຊາດໜື່ງບ່ວງແກວ, ເກືອຢິບໜື່ງ, ນໍ້າຕານພໍປະມານ ແລະ ໝາກນາວໜື່ງໜ່ວຍ,

3 ນຳດອກອັນຊັນ ແລະ ເຕີຍຫອມມາຕົ້ມພ້ອມກັນໃນນໍ້າຈົນຟົດເດືອດປະມານ 15 ນາທີ ແລ້ວປົງລົງ, ຕອງເອົາພຽງແຕ່ນໍ້າ ແລ້ວໄສ່ສ່ວນປະກອບຕ່າງໆທີ່ກ່າວມາຕາມຂ້າງເທີງຕາມລົດຊາດທີ່ຕົນມັກ ແລ້ວສາມາດເປັນເຄື່ອງດື່ມເຢັນໆດ້ວຍນໍ້າກ້ອນໄດ້ທັນທີໄດ້ທຸກສະພາບການທຸກງານ.

ຈາກ: Sourioudong Sundara