ຂອບໃຈເດີ້ ! ລັດຖະບານຢີ່ປຸ່ນ ຊ່ວຍເຫຼືອລ້າ 288.​211 ໂດລ້າສະຫະລັດ ສົ່ງເສີມການສຶກສາລາວ ແຂວງວຽງຈັນ

ຂອບໃຈເດີ້ ! ລັດຖະບານຢີ່ປຸ່ນ ຊ່ວຍເຫຼືອລ້າ 288.​211 ໂດລ້າສະຫະລັດ ສົ່ງເສີມການສຶກສາລາວ ແຂວງວຽງຈັນ

25th February 2020 0 By Entertain

ນັບວ່າເປັນຂ່າວດີທີ່ຊ່ວຍພັດທະນາການສຶກສາລາວໃຫ້ມີການພັດທະນາຍິ່ງໆຂຶ້ນ ລັດຖະບານຢີ່ປຸ່ນ ໄດ້ໃຫ້ການຊ່ວຍເຫຼືອລ້າ ມູນຄ່າ 288.​211 ໂດລ້າສະຫະລັດ ເພື່ອສະໜັບສະໜຸນການກໍ່ສ້າງຫ້ອງສະໝຸດໂຮງຮຽນ ແລະ ສົ່ງເສີມການສຶກສາຜ່ານການອ່ານ ທີ່ແຂວງວຽງຈັນ.

.

ໂດຍພິທີເຊັນສັນຍາໂຄງການຊ່ວຍເຫຼືອລ້າດັ່ງກ່າວ ແມ່ນໄດ້ຖືກຈັດຂື້ນທີ່ສະຖານທູດຍີ່ປຸ່ນປະຈຳ ສປປ ລາວ ໃນວັນທີ 25 ກຸມພາ 2020, ລະຫວ່າງ ທ່ານ ອິວາໂມໂຕະ ເຄອິຈິ, ອຸປະທູດຢີ່ປຸ່ນປະຈຳ ສປປ ລາວ ແລະ ທ່ານ ນາງ ສຸລະພີ ວີຣະວົງ, ຕົວແທນຈາກອົງການເດັກນ້ອຍລາວ (ALC),

ເປັນອົງການຈັດຕັ້ງທີ່ບໍ່ສັງກັດລັດຖະບານຢີ່ປຸ່ນ ແລະ ເປັນຜູ້ດຳເນີນໂຄງການດັ່ງກ່າວ.

ການຊ່ວຍເຫຼືອລ້າໃນຄັ້ງນີ້ ຈະໃຫ້ການສະໜັບສະໜຸນດ້ານການເງິນໃຫ້ແກ່ກິດຈະກຳໃນປີທີສອງຂອງໂຄງການທີ່ມີອາຍຸ 3 ປີ.

Cr: Embassy of Japan in Laos