ຕາອິຕົນ! ແມ່ເຖົ້າໄວ90ປີ ຊາວເບວຢຽມ ຕິດໂຄວິດ-19 2ສາຍພັນໃນຮ່າງກາຍ ເກີນຮັບໄຫວຕອນນີ້ເສຍຊີວິດແລ້ວ

ຕາອິຕົນ! ແມ່ເຖົ້າໄວ90ປີ ຊາວເບວຢຽມ ຕິດໂຄວິດ-19 2ສາຍພັນໃນຮ່າງກາຍ ເກີນຮັບໄຫວຕອນນີ້ເສຍຊີວິດແລ້ວ

13th July 2021 0 By Education

ປະເທດເບວຢຽມ ພົບຜູ້ຕິດເຊື້ອໂຄວິດ-19 ໄວ 90ປີ ເສຍຊີວິດຈາກການຕິດເຊື້ອໂຄວິດ-19 ກາຍພັນທັງອາລຟາ ແລະ ເບຕາພ້ອມກັນ ໂດຍຍິງຊະລາລາຍນີ້ເສຍຊີວິດເມື່ອເດືອນມີນາຜ່ານມາ ແລະ ຜູ້ກ່ຽວຍັງບໍ່ເຄີຍໄດ້ຮັບວັກຊີນໃດໆທັງສິ້ນ.

ໂດຍຜູ້ກ່ຽວອາໄສຢູ່ພຽງລໍາພັງທີ່ສູນດູແລຜູ້ສູງອາຍຸ ຈົນພົບວ່າຕິດເຊື້ອເມື່ອເດືອນມີນາ ແລະ ເຂົ້າຮັບການປິ່ນປົວທີ່ໂຮງ ໂດຍລະຫວ່າງການປິ່ນປົວນັ້ນລະດັບອົກຊີແຊນຂອງຜູ້ກ່ຽວຍັງດີ ແລະ ອາການຊົງໂຕມາໂດຍຕະຫຼອດ ກະທັ້ງດຂົ້າປິ່ນປົວໃນໂຮງໝໍໄດ້ 5ມື້ ຜູ້ກ່ຽວກໍ່ເສຍຊີວິດ.

ຫຼັງການເສຍຊີວິດ ເຈົ້າໜ້າທີ່ການແພດໄດ້ກວດສອບເພື່ອຫາຕົວແປການຕິດເຊື້ອ ຈຶ່ງພົບວ່າຍິງຊະລາຜູ້ນີ້ ມີທັງເຊື້ອອາລຟາທີ່ພົບໃນອັງກິດ ແລະ ເຊື້ອເບຕາ ທີ່ພົບໃນອາຟຣິກາໃຕ້ ພ້ອມກັນໃນຮ່າງກາຍ ໂດຍແພດຕັ້ງຂໍ້ສົງໄສວ່າການຕິດເຊື້ອໂຄວິດຂອງເພິ່ນ ໜ້າຈະໄດ້ຮັບເຊື້ອມາ 2ຄົນ ສອດຄ່ອງກັບສາຍພັນທີ່ເບວຢຽມກໍາລັງປະເຊີນໃນຊ່ວງເວລາດັ່ງກ່າວ ແຕ່ຍັງບໍ່ຮູ້ແນ່ຊັດວ່າຍິງຄົນນີ້ຕິດເຊື້ອມາຈາກໃສ.

ເຊິ່ງຍິງຊະລາຄົນນີ້ ນັບເປັນກໍລະນີທໍາອິດທີ່ມີຫຼັກຖານຢືນຢັນເຖິງການຕິດເຊື້ອພ້ອມກັນທັ້ງ 2ສາຍພັນໃນຄັ້ງດຽວ ເຊິ່ງແມ້ຈະພົບໄດ້ຍາກ ແຕ່ກໍ່ມີໂອກາດທີ່ຈະເກີດຂຶ້ນໄດ້ ໂດຍຈະມີການນໍາກໍລະນີຂອງງຜູ້ກ່ຽວເຂົ້າຫາລືໃນເວທີປະຊຸມວິຊາການນາໆຊາດ ກ່ຽວກັບໂລກຕິດຕໍ່ ແລະ ຈຸນລະຊີວະວິທະຍາພາກພື້ນເອີຣົບຂອງປີນີ້.