ການອອກແຮງງານລວມທີ່ໜ້າເອົາເປັນແບບຢ່າງ

ການອອກແຮງງານລວມທີ່ໜ້າເອົາເປັນແບບຢ່າງ

26th February 2020 0 By Education

ຫຼາຍຄົນເບິ່ງຄືກັນບໍເວລາເຫັນພາບການອອກແຮງງານລວມແລ້ວມີແຕ່ຄົນເຮັດຈົບໆງາມໆ ຍິງໃສ່ຂັດຊູ ຊາຍໃສ່ຂັດມັນ ຈັບຖົງຢາງຍ່າງເລາະພໍເປັນພິທີ ບາດມາເບິ່ງເມືອງອາດສະພອນເພິ່ນ ຫົວໜ້າລູກນ້ອງ ປະຊາຊົນພ້ອມກັນລົງເຮັດບ່ອນເບົາໃຊ້ຄົນ ບ່ອນໜັກໃຊ້ກົນຈັກ ເຮັດແລ້ວໃຫ້ເຫັນການປ່ຽນແປງທີ່ຊັດເຈນ! ແອັດຊື່ນໃຈນຳຜູ້ໃຫຍ່ທີ່ນຳພາແບບນີ້ຄວນສົ່ງເສີມໃຫ້ໃຫຍ່ຂຶ້ນໄປອີກ ແລະທີ່ສຳຄັນຕ້ອງເຮັດເປັນປະຈຳ ບໍ່ຄວນໃຫ້ເປັນເນື່ອງໃນໂອກາດໃດໜຶ່ງເທົ່ານັ້ນ ຖ້າເຮັດໄດ້ບ້ານເມືອງເຮົາຈະເລີນໄວແນ່ນອນ.

ເຊິ່ງໃນວັນທີ 21 ກຸມພາ 2020 ນີ້ ບັນດາທ່ານການນຳຂອງເມືອງອາດສະພອນ ໄດ້ນໍາພາພະນັກງານຫ້ອງການອ້ອມຂ້າງເມືອງ ຕະຫຼອດຮອດ ນ້ອງນັກຮຽນ ແລະ ພໍ່ແມ່ປະຊາຊົນໃນເຂດເທດສະບານເມືອງ ສ້າງຂະບວນການອອກແຮງງານລວມ ເພື່ອເປັນການຄຳນັບຮັບຕ້ອນ ກອງປະຊຸມໃຫຍ່ ຄັ້ງທີ VI ຂອງເມືອງ ທີ່ຈະໄຂຂື້ນໃນມໍ່ໆນີ້, ການອອກແຮງງານໃນຄັ້ງນີ້ ແມ່ນໄດ້ມີການອະນາໄມຕາມເສັ້ນທາງໃຫຍ່ ແລະທາງຊອຍທົ່ວເຂດເທສະບານ, ສຳນັກງານອົງການ, ເດີ່ນກິລາ ແລະຕະຫຼາດ ເພື່ອໃຫ້ທົ່ວເທສະບານສະອາດງາມຕາ.

.

ພ້ອມນີ້ ຍັງໄດ້ມີການຕິດປ້າຍຄຳຂວັນກອງປະຊຸມ ແລະ ປະດັບສຳນັກງານຫ້ອງການດ້ວຍທຸງຊາດ ທຸງທິວ ເພື່ອໃຫ້ມີຄວາມຈົບງາມເປັນລະບຽບ ພ້ອມນີ້ ຍັງໄດ້ມີການສ້ອມແປງເສັ້ນທາງ ສາມເສັ້ນໃນເທສະບານ ໂດຍການເກດ ແລະປັບຮູບທາງ ເພື່ອໃຫ້ເສັ້ນທາງສັນຈອນໄປມາສະດວກ, ໃນການສ້ອມແປງເສັ້ນທາງແມ່ນໄດ້ຮັບການຊ່ວຍເຫຼືອທັງພາຫະນະ ແລະແຮງງານ ຈາກບໍລິສັດຄູນໄຊ ກໍ່ສ້າງໂດຍບໍ່ໄດ້ຄິດມູນຄ່າ.

.

ພາບ ແລະຂ່າວ
ສົມຈິດ ແກ້ວສີຖາທິລາດ