ມື້ນີ້ເລກອອກ 59 ຕັດສິນ ພ້ອມພັກພວກປັບໃໝສູງສຸດ 52 ລ້ານ

ມື້ນີ້ເລກອອກ 59 ຕັດສິນ ພ້ອມພັກພວກປັບໃໝສູງສຸດ 52 ລ້ານ

15th July 2021 0 By Education

Lao National Radio ໄດ້ລາຍງານວ່າ: ຕອນເຊົ້າວັນທີ 15 ກໍລະກົດ 2021 ສານປະຊາຊົນນະຄອນຫລວງວຽງ ຈັນ ໄດ້ພິຈາລະນາຄະດີຂອງ ນາງ ມອນມີນາ ສຸດທິດາ ຫລື ຕິນ່າ ຜູ້ຕິດເຊື້ອພະຍາດໂຄວິດ-19 ກໍລະນີທີ 59 ຢູ່ລາວ ແລະ ຜູ້ກ່ຽວຂ້ອງອີກ 5 ຄົນ

ການກະທໍາຂອງພວກຈໍາເລີຍທັງ 6 ຄົນ ເປັນການກະທໍາຜິດໂດຍເຈດຕະນາ, ເພາະພວກກ່ຽວຮູ້ດີວ່າພະຍາດໂຄວິດ-19 ກໍາລັງລະບາດຢ່າງຮຸນແຮງໄປຫຼາຍປະເທດທົ່ວໂລກນັບແຕ່ປີ 2019 ເປັນຕົ້ນມາ
ດັ່ງນັ້ນ ສານປະຊາຊົນນະຄອນຫລວງວຽງຈັນ ຈິ່ງພິຈາລະນາຕັດອິດສະ ພາບພວກກ່ຽວ ຄື:

ນາງ ພາວະດີ ວິພາກອນ ຫຼື ຕຸກຕິກ ຈຳຄຸກ 5 ປີ 1 ເດືອນ 15 ວັນ, ພ້ອມປັບໄໝເງິນ 52.500.000 ກີບ.

ນາງ ມອນມີນາ ສຸດທິດາ ຫຼື ຕີນ່າ ຈໍາຄຸກ 3 ປີ 7 ເດືອນ 15 ວັນ, ພ້ອມປັບໄໝເງິນ 27.500.000 ກີບ.

ທ້າວ ພານ ໄຊຍະລາດ ຈໍາຄຸກ 1 ປີ 6 ເດືອນ, ພ້ອມປັບໄໝເງິນ 25.000.000 ກີບ.
ທ້າວ ພູໃສ ສີສະຫວັນ ຈໍາຄຸກ 3 ປີ 7 ເດືອນ, 15 ວັນ, ພ້ອມປັບໄໝເງິນ 27.500.000 ກີບ.

ນາງ ສອນນາລີ ດວງສະຫວັດ ຫຼື ນີນ່າ ແລະ ທ້າວ ສົມປະສົງ ສຸລິຍະວົງສາ ຫຼື ຫໍາ ຈໍາຄຸກຜູ້ລະ 1 ປີ 7 ເດືອນ, 15 ວັນ, ພ້ອມປັບໄໝເງິນຜູ້ລະ 25.000.000 ກີບ.