ເປັນແນວໃດ ນີ້ຄືລົດໄຟຟ້າແຫ່ງອານາຄົດໃນລາວ Future of Electric Vehicle in Laos

ເປັນແນວໃດ ນີ້ຄືລົດໄຟຟ້າແຫ່ງອານາຄົດໃນລາວ Future of Electric Vehicle in Laos

16th July 2021 0 By Entertain

ໃນຕອນເຊົ້າຂອງວັນທີ 8 ກໍລະກົດ 2021, ທາງບໍລິສັດ Jaguar & Land Rover Laos, EV Lao, ECCIL ແລະ RMA Lao ໄດ້ຮ່ວມມືຈັດງານເສວະນາກ່ຽວກັບລົດໄຟຟ້າ ພາຍໃຕ້ຫົວຂໍ້ “Future of Electric Vehicle in Laos” ຫຼື “ລົດໄຟຟ້າແຫ່ງອະນາຄົດໃນລາວ” ຢູ່ທີ່ ໂຮງແຮມ Clown Plaza Vientiane.


ພາຍໃນງານໄດ້ຮັບກຽດກ່າວເປີດງານສຳມະນາໂດຍ ທ່ານ ປອ.ດາວວົງ ພອນແກ້ວ ລັດຖະມົນຕີກະຊວງພະລັງງານແລະບໍ່ແຮ່ ແລະ ທ່ານ Wayne McIntosh ຜູ້ຈັດການທົ່ວໄປບໍລິສັດ RMA Automotive.

.

ນອກຈາກນີ້ຍັງມີແຂກຜູ້ມີກຽດຈາກຫຼາຍພາກສ່ວນບໍ່ວ່າຈະເປັນ: ທ່ານ H.E John Pearson (ເອກອັກຄະລັດຖະທູດປະຈຳລາວ), ທ່ານ ຈັນໂທ ມິລັດຕະນະເເພງ (ຫົວໜ້າສະຖາບັນ ສົ່ງເສີມພະລັງງານທົດແທນ, ກະຊວງພະລັງງານ ແລະ ບໍ່ແຮ່), ທ່ານ ຄຳອາທິເດດ ມະນີຄຳ (ຮອງຫົວຫນ້າພະແນກຄຸ້ມຄອງພາຫະນະແລະກົນຈັກ, ກະຊວງໂຍທາທິການ ແລະຂົນສົ່ງ), ທ່ານ ບຸນເລີດ ຫຼວງປະເສີດ (ປະທານບໍລິສັດ EV Lao ແລະ ຄະນະບໍລິຫານສະພາການຄ້າ), ທ່ານ Christophe Assicot (ຕົວແທນ GGGI ປະຈຳປະເທດລາວ), ທ່ານ ວິບູນ ສິດທິມໍລະດາ (ອຳນວຍການບໍລິສັດ XangLao Engineering & Construction) ທີ່ໄດ້ເຂົ້າຮ່ວມບັນລະຍາຍ.

.

ໂດຍຫົວຂໍ້ໃນການເສວະນາໄດ້ມີການເວົ້າເຖິງຄຸນປະໂຫຍດຫຼັກ 3 ຢ່າງຕໍ່ສິ່ງແວດລ້ອມຂອງລົດໄຟຟ້າ:
1 ການປ່ອຍກາສ CO2 ທີ່ເປັນສູນ.
2 ການຫຼຸດຜ່ອນຄວາມຕ້ອງການເຊື້ອໄຟຈາກຟອສຊີວ (ນ້ຳມັນ).
3 ການຊ່ວຍປັບປຸງຄຸນະພາບອາກາດ.

.

ນອກຈາກນີ້ ພາຍໃນງານຍັງໄດ້ມີການຈັດວາງສະແດງລົດໄຟຟ້າຈາກ Jaguar ເຊິ່ງຄາດວ່າລົດທີ່ນຳມາສະແດງນັ້ນອາດຈະເປັນ Jaguar I-Pace ເຊິ່ງເປັນລົດໄຟຟ້າຄັນຫຼ້າສຸດທີ່ທາງ Jaguar ໄດ້ຜະລິດ.

.

ຮຽບຮຽງໂດຍ: ເຊັນໄປ, Lao X