ໂຈະສາຍຟ້າແລບ ຊື້ຫາຍຜ່ານແອັບດີໃຈນຳຄົນຂາຍເລກ

ໂຈະສາຍຟ້າແລບ ຊື້ຫາຍຜ່ານແອັບດີໃຈນຳຄົນຂາຍເລກ

16th July 2021 0 By Education

ການຊື້ຫວຍຜ່ານແອັບຫາກໍ່ລອງກົດບໍ່ທັນຂ້າມວັນກໍ່ຍົກເລີກແລ້ວ ໃຜຍັງບໍ່ລອງຄົງພາດໂອກາດ ຫຼັງຈາກທີ່ກະຊວງການເງິນໄດ້ອອກເອກະສານສັ່ງໂຈະ ການຈຳໜ່າຍຫວຍພັດທະນາ ທີ່ບໍ່ໄດ້ຮັບອະນຸຍາດ! ສະບັບເລກທີ 0612/ຫພນ ລົງວັນທີ 16 ກໍລະກົດ 2021.


ໃນເອກະສານດັ່ງກ່າວໄດ້ສັ່ງໃຫ້ຢຸດເຊົາຊ່ອງທາງການຈຳໜ່າຍຫວຍພັດທະນາ ທີ່ບໍ່ໄດ້ຮັບອະນຸຍາດ ຈາກກະຊວງການເງິນ.
ມີເນື້ອໃນສຳຄັນດັ່ງນີ້:


ບໍລິສັດ ລັດວິສາຫະກິດ ຫວຍພັດທະນາລາວ ແຈ້ງມາຍັງທ່ານໃຫ້ຊາບວ່າ: ຜ່ານການຕິດຕາມກວດກາ ການເຄື່ອນໄຫວຂອງຕົວແທນ ໄດ້ພົບເຫັນການຈຳຫນ່າຍຫວຍ ຜ່ານແອັປພິເຄຊັ່ນ U-Money ແລະ BCEL-One ແລະ ຊ່ອງທາງອື່ນໆ ທີ່ຍັງບໍ່ໄດ້ຮັບອະນຸຍາດຈາກກະຊວງການເງິນ ກໍ່ຄືບໍລິສັດ ລັດວິສາຫະກິດ ຫວຍພັດທະນາລາວ ຕາມລະບຽບການ ແລະ ບໍ່ປະຕິບັດຕາມສັນຍາຮ່ວມກັນໃນປີ 2021 (ມາດຕາ 7) ອັນກໍ່ໃຫ້ເກີດຄວາມບໍ່ສະຫງົບ ໃນບັນດາຕົວແທນຈຳໜ່າຍດ້ວຍກັນ, ເກີດຫາງສຽງທາງສັງຄົມອອນລາຍ.


ສະນັ້ນ, ເພື່ອຫຼີກລ້ຽງບໍ່ໃຫ້ເກີດບັນຫາຂໍ້ຂັດແຍ່ງຫຼາຍຂື້ນຕື່ມອີກ ບໍລິສັດລັດວິສາຫະກິດ ຫວຍພັດທະນາລາວ ມີຄວາມຈຳເປັນແຈ້ງໃຫ້ຕົວແທນຈຳໜ່າຍ ຢຸດເຊົາການຂາຍຜ່ານທາງຊ່ອງທາງດັ່ງກ່າວ ທີ່ບໍ່ໄດ້ຮັບອະນຸຍາດຈາກກະຊວງການເງິນ ອອກຄັ້ງວັນທີ 16 ກໍລະກົດ 2021 ເປັນຕົ້ນໄປ.