ຈາກໄປອີກ 1 ເຫຍື່ອໂຄວິດ-19 ໃນລາວ…ສັນຍານເຕືອນທຸກຄົນບໍ່ຄວນລະເຫຼີງ ຕ້ອງປ້ອງກັນຕົນເອງ

ຈາກໄປອີກ 1 ເຫຍື່ອໂຄວິດ-19 ໃນລາວ…ສັນຍານເຕືອນທຸກຄົນບໍ່ຄວນລະເຫຼີງ ຕ້ອງປ້ອງກັນຕົນເອງ

17th July 2021 0 By Education

ອີງຕາມຂ່າວຈາກເພຈ​ ສະຖານີໂທລະພາບ​ ແຂວງສະຫວັນນະເຂດ​ ລາຍງານວ່າ ມາຮອດປັດຈຸບັນ ສປປ ລາວ ມີຜູ້ເສຍຊີວິດຍ້ອນພະຍາດໂຄວິດ-19 ລວມເປັນ 5 ຄົນ(ເພີ່ມມື້ນີ້ 1ຄົນ).

ໃນຕອນເຊົ້າຂອງວັນທີ​ 17 ກໍລະກົດ 2021​ ນີ້​ ຢູ່ແຂວງສະຫວັນນະເຂດ​ ມີຜູ້ຕິດເຊື້ອໂຄວິດ-19​ ເສຍຊີວິດ 1 ຄົນ​ ເປັນເພດຊາຍ ອາຍຸ 49 ປີ ໂດຍເຈົ້າໜ້າທີ່ສະເພາະກິດໄດ້ທຳການຊາປະນະກິດສົບແລ້ວ.

ຈາກຂໍ້ມູນຜູ້ເສຍຊີວິດ ແມ່ນຄົນ​ບ້ານໜອງບົວທ່າ,​ ເມືອງສອງຄອນ,​ ແຂວງສະຫວັນນະເຂດ​ ກັບມາຈາກປະເທດເພື່ອນບ້ານ ຕິດເຊື້ອໂຄວິດ​ ແລະ​ ເຂົ້າຮັບການປິ່ນປົວທີ່ໂຮງໝໍພາກສະໜາມຂອງແຂວງ ແລະ​ ເສຍຊີິວິດໃນເວລາຕໍ່ມາ.

ທັ້ງນີ້ເຟສບຸກຊື່ Junia Drummer ໄດ້ເຜີຍແຜ່ພາບພ້ອມຂໍ້ຄວາມກ່ຽວກັບຜູ້ເສຍຊີວິດໄວ້ວ່າ: ເສັດສິ້ນພາລະກິດມ້ຽນຄາບສົບຜູ້ເສຍຊີວິດຜູ້ທີ5 ໂຄວິດ-19 ທີ່ແຂວງສະຫວັນນະເຂດ.

ແນວໃດກໍ່ຕາມ ແອັດຂໍສະແດງຄວາມເສຍໃຈຕໍ່ກັບຄອບຄົວຜູ້ເສຍຊີວິດດ້ວຍ ແລະ ຂໍເປັນອີກກະບອກສຽງຮຽກຮ້ອງທຸກຄົນປ້ອງກັນຕົນເອງໃຫ້ຫ່າງໄກຈາກພະຍາດຮ້າຍນີ້ ແລະ ຫວັງວ່າປະເທດເຮົາຈະກ້າວຜ່ານວິກິດນີ້ ແລະ ປະເທດກັບມາສູ່ສະພາບປົກກະຕິໂດຍໄວ.