ສຸດທ້າຍແລ້ວ ບ້ານໂຕເອງເທົ່ານັ້ນທີ່ປອດໄພ ແລະອົບອຸ່ນ

ສຸດທ້າຍແລ້ວ ບ້ານໂຕເອງເທົ່ານັ້ນທີ່ປອດໄພ ແລະອົບອຸ່ນ

18th July 2021 0 By Education

ຫຼາຍຄົນທີ່ຍັງຢູ່ເມືອງລາວ ພໍມີຫຍັງໜ້ອຍໜຶ່ງດ່າແຕ່ລະັດຖະບານ ເປັນເພາະເພິ່ນຍັງບໍ່ອອກຈາກບ້ານ ບໍ່ໄດ້ເຫັນດ່ານແດນໄກ ບໍ່ເຄີຍທຸກຍາກລຳບາກເຖິງຂັ້ນຈະເອົາຕົວບໍລອດ ແລະລັດເຮົາເປັນຜູ້ຍື່ນມືຊ່ວຍ.

ແຕ່ຫຼາຍຄົນຄົງຮູ້ແລ້ວໂດຍສະເພາະຖ້າໄປຢູ່ບ້ານເພິ່ນເມືອງທ່ານ ບໍ່ວ່າແຕ່ດົນ 2-3 ເດືອນພໍໄດ້ໄປຮອດເຮືອນສະຖານທູດ ໄດ້ເຫັນຄົນລາວມາແຕ່ບ້ານກໍ່ປານໄດ້ຢູ່ກັບຄົນໃນຄອບຄົວດຽວກັນ.

ບໍ່ເຊື່ອກໍໃຫ້ເບິ່ງກໍລະນີຄົນລາວ ຕິດເຊື້ອໂຄວິດຢູ່ປະເທດໄທນີ້ເປັນຕົວຢ່າງ ເຈັບແສນທໍລະມານຮ້ອງໄຫ້ໂອ້ຍໂອຍໆ ບໍມີໃຜຍື່ນມືມານອກຈາກເບິ່ງກັນເອງ ແລະລັດຖະບານໃຫ້ການຊ່ວຍເຫຼືອພາກັບບ້ານເກີດປິ່ນປົວຕາມອາການ ຄວາມຫວັງຄືໃຫ້ປອດໄພຈາກພະຍາດຮ້າຍໂຄວິດ-19.

ແອັດເຫັນຄລິບແລ້ວໜ້າເຫັນໃຈສຸດໆ ບໍໄຫ້ນ້ຳຕາໄຫລມາເອງ ເຂົ້າໃຈຄວາມຮູ້ສືກ ຖ້າບໍທຸກຍາກແທ້ຄົງບໍ່ທົນລຳບາກໄປ ເປັນຄົນງານໃນຕ່າງແດນ ແຕ່ເມື່ອໄປແລ້ວບາດມີບັນຫາສຸຂະພາບຂຶ້ນມາກໍເປັນແບບນີ້ ເບິ່ງກັນເອງພຽງລຳພັງ ແລະກໍໂທດໃຜບໍໄດ້ເພາະລຳພັງຄົນໄທເອງເຂົາກໍ່ມີລົ້ນມືຮັບບໍໄຫວແລ້ວ.

ຜູ້ປ່ວຍທີ່ເປັນແຮງງານລາວຕິດໂຄວິດດັ່ງກ່າວແມ່ນຢູ່ກຸງເທບ ເຊິ່ງເປັນປະຊາຊົນບ້ານເຕົາຖ່ານ ເມືອງສອງຄອນ ແຂວງສະຫວັນນະເຂດ ຕາມຂ່າວລາຍງານວ່າ ແພດໝໍໄດ້ໄປຮັບມາແຕ່ໄທ ເພື່ອປິ່ນປົວຢູ່ບ້ານເກີດເມືອງນອງເປັນທີ່ຮຽບຮ້ອຍແລ້ວ ຫຼັງຈາກໝູ່ນຳກັນໄດ້ໄລຟສົດລົງໃນເຟສບຸກ ເພື່ອຂໍຄວາມຊ່ວຍເຫຼືອໃນວັນທີ 16 ກໍລະກົດຜ່ານມາ.