ຈຳປາສັກໜັກໜ່ວງຜູ້ຕິດເຊື້ອເພີ່ມເປັນ 1000 ກວ່າຄົນ

ຈຳປາສັກໜັກໜ່ວງຜູ້ຕິດເຊື້ອເພີ່ມເປັນ 1000 ກວ່າຄົນ

18th July 2021 0 By Education

ຄືດັ່ງທີ່ໄດ້ມີລາຍງານຂ່າວຢ່າງຕໍ່ເນື່ອງກ່ຽວກັບແຂວງຈຳປາສັກ  ແມ່ນມີແຮງງານເຂົ້າມາຫຼາຍສົມຄວນໃນແຕ່ລະວັນ ເນື່ອງຈາກເປັນເມືອງໜ້າດ່ານ ແລະມີປະຊາກອນໄປເຮັດວຽກຢູ່ໄທເປັນຈຳນວນຫຼາຍ ຕາມຄະນະສະເພາະກິດຂັ້ນສູນກາງລະບຸກ່ອນໜ້ານີ້ແຮງງານທີ່ກັບມາແມ່ນ 15% ຕິອເຊື້ອໂຄວິດ-19  ນັ້ນຈິ່ງເຮັດໃຫ້ຍອດສະສົມຂອງແຂວງຈຳປາສັກເພີ່ມຂຶ້ນຢ່າງໄວວາ ທະລຸ 1000 ກວ່າກໍລະນີແລ້ວມາຮອດມື້ນີ້.

ອີງຕາມການຖະແຫລງຂ່າວຂອງຄະນະສະເພາະກິດໃນແຂວງຈຳປາສັກປະຈຳວັນທີ 18 ກໍລະກົດ 2021 ໃຫ້ຮູ້ວ່າ ມາຮອດມື້ນີ້ ທົ່ວແຂວງຈຳປາສັກແມ່ນມີຜູ້ຕິດເຊື້ອສະສົມ 1.048 ຄົນ ໃນນັ້ນປິ່ນປົວຫາຍດີແລ້ວ 416 ຄົນ ຍັງນອນປົວຢູ່ໂຮງໝໍຕອນນີ້ 632 ຄົນ ຕິດພາຍໃນ ມີເຈົ້າໜ້າທີ່ສູນ 4 ຄົນ ແລະແພດໝໍທີ່ເກັບຕົວຢ່າງນຳແຮງງານຈຳນວນ 4 ຄົນ.

ເຊິ່ງຈຳນວນຜູ້ຕິດເຊື້ອຍັງມີທ່າອ່ຽງເພີ່ມຂຶ້ື້ນຢ່າງຕໍ່ເນື່ອງ ເນື່ອງຈາກແຮງງານທີ່ກັບມາຍັງມີທຸກໆວັນ ແລະບໍ່ຮູ້ຈະໝົດເມື່ອໃດ ສະນັ້ນສິ່ງທີ່ແຂວງຈຳປາສັກຕ້ອງຮີບຮ້ອນຈັດການຄືເພີ່ມໂຮງໝໍພາກສະໜາມ ເພື່ອຮອງຮັບຜູ້ປ່ວຍທີ່ມີອາການເບົາບາງ ແຕ່ບັນຫາຂາດຫຼາຍປັດໄຈທີ່ຈຳເປັນເປັນຕົ້ນນ້ຳ ແລະໄຟຟ້າ.

ທາງຄະນະສະເພາະແຂວງຈຳປາສັກຍັງຮຽກຮ້ອງມາຍັງທຸກພາກສ່ວນໃຫ້ເອົາໃຈໃສ່ມາດຕະການປ້ອງກັນຕົນເອງໂດຍການໃສ່ຜ້າອັດປາກອັດດັງ,  ລ້າງມືເລື້ອຍໆເພື່ອຂ້າເຊື້ອ ພ້ອມນີ້ຂໍໃຫ້ໂຈະທຸກວົງການຊຸມແຊວເພາະຈະເຮັດໃຫ້ມີການຕິດເຊື້ອເພີ່ມຂຶ້ນ.

ໂຮງໝໍພາກສະໜາມທີ່ຕ້ອງໃຊ້

ເອົາໃຈຊ່ວຍທຸກຄົນ ຂໍໃຫ້ປອດໄພໂດຍໄວ