ສະຖານະການໜ້າເປັນຫ່ວງ ຕິດໂຄວິດຫຼາຍສຸດກໍ່ມື້ນີ້ 256 ຄົນ

ສະຖານະການໜ້າເປັນຫ່ວງ ຕິດໂຄວິດຫຼາຍສຸດກໍ່ມື້ນີ້ 256 ຄົນ

22nd July 2021 0 By Education

ນັບແຕ່ເດືອນມີນາ 2020 ທີ່ລາວເຮົາເລີ່ມພົບຜູ້ຕິດເຊື້ອໂຄວິດ-19  ເຊິ່ງໄລຍະນັ້ນຍັງແມ່ນສາຍພັນດັ້ງເດີມມີການລະບາດໃນຊຸມຊົນ ແຕ່ກໍ່ສາມາດຄວບຄຸມໄດ້ ປະຊາຊົນທຸກຄົນປອດໄພບໍ່ເຖິງຊີວິດຈົນມາຮອດຕົ້ນປີ 2020 ປະເທດລາວເຮົາຍັງມີຜູ້ຕິດເຊື້ອພຽງ 58 ກໍລະນີເທົ່ານັ້ນ.

ແນວໃດກໍ່ຕາມນັບແຕ່ຕົ້ນເດືອນເມສາ 2021 ແມ່ນຢູ່ປະເທດເຮົາໄດ້ມີການກລະບາດຮອບສອງໃນສາຍພັນອັງກິດອັນໄດ້ເຮັດໃຫ້ມີຜູ້ຕິດເຊື້ອຈຳນວນຫຼາຍຮອດມື້ນີ້ 22 ກໍລະກົດ 2021 ມີຜູ້ຕິດເຫຼືອຫຼາຍເຖິງ 4.119 ຄົນ ໃນນັ້ນເສຍຊີວິດແລ້ວ 5 ກໍລະນີ.

ຕາມການຖະແຫຼງຂ່າວມື້ນີ້ຂອງຄະນະສະເພາະກິດໃຫ້ຮູ້ວ່າ: ສະພາບການຕິດເຊື້ອຢູ່ລາວ ໃນຊຸມຊົນຫຼຸດລົງ ແຕ່ແຮງງານ ແລະບຸກຄົນທີ່ເດີນທາງເຂົ້າປະເທດຈຳນວນຫຼວງຫຼາຍເຮັດໃຫ້ຈຳນວນຜູ້ຕິດເຊື້ອເພີ່ມຂຶ້ນຢ່າງວ່ອງໄວມື້ນີ້ພົບ 256ຄົນ ຖືເປັນຕົວເລກຜູ້ຕິດເຊື້ອສູງສຸດບໍ່ເຄີຍມີມາກ່ອນໃນໄລຍະຜ່ານມາ ເຊິ່ງຕອນນີ້ມີເຖິງ 1.603 ຄົນ ທີ່ຍັງປິ່ນປົວຢູ່ຕາມໂຮງໝໍແຫ່ງຕ່າງໆ.

ໃນກຸ່ມຜຸ້ຕິດເຊື້ອໃໝ່ມື້ນີ້ແມ່ນຢັ່ງຢາຍ 5 ແຂວງດັ່ງນີ້ ຢູ່ນະຄອນຫຼວງວຽງຈັນ 13 ຄົນ, ຄຳມ່ວນ 14 ຄົນ, ສະຫວັນນະເຂດ 128 ຄົນ, ສາລະວັນ 18 ຄົນ, ຈຳປາສັກ 85 ຄົນ ໃນນັ້ນນຳເຂົ້າ 83 ແລະຕິດພາຍໃນຈາກຜູ້ສຳຜັດໃກ້ຊິດຈຳນວນ 2 ຄົນ.

 

ນອກນີ້ ເພື່ອຄວາມປອດໄພ ເຈົ້າໜ້າທີ່ສະເພາະກິດ ຍັງໃຫ້ທີມແພດໝໍໄປເກັບຕົວຢ່າງຄືນຢູ່ຕາມບັນດາບ້ານແດງຢູ່ນະຄອນຫຼວງອີກ 3 ບ້ານ ເພື່ອມາກວດຄືນ ແຕ່ທັງລົບອອກຜົນເປັນລົບ.

ທ່ານ ດຣ ນາງ ພອນປະເສີດ ໄຊມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ອະທິບາຍວ່າ ສຳລັບສອງຜູ້ຕິດເຊື້ອພາຍໃນຂອງແຂວງຈຳປາສັກ ແມ່ນເປັນຜູ້ສຳຜັດໃກ້ຊິດ ໃນກຸ່ມແພດຢູ່ດ່ານວັງເຕົ່າທີ່ເຮັດໜ້າທີ່ເກັບຕົວຢ່າງນຳແຮງງານທີ່ເດີນທາງເຂົ້າມາ ແລະ ພວກເພິ່ນໄດ້ເຂົ້າຈຳກັດບໍລິເວນຕາມລະບຽບການແລ້ວ.