ຍັບຂຶ້ນທຸກວັນ ສະຕິເດີ້ທຸກຄົນ, ຂໍຮ້ອງແຮງງານມາຕາມລະບຽບຄົນທາງໃນສຽວ

ຍັບຂຶ້ນທຸກວັນ ສະຕິເດີ້ທຸກຄົນ, ຂໍຮ້ອງແຮງງານມາຕາມລະບຽບຄົນທາງໃນສຽວ

24th July 2021 0 By Education

ສ້າງສະຖິຕິສູງສຸດຮອບໃໝ່ເກືອບ 300 ຄົນໃນວັນດຽວ ທັງໝົດແມ່ນກໍລະນີນຳເຂົ້າ ເຫັນແບບນີແລ້ວຫົວເຂົ່າຫຼ່ອຍນຳແພດໝໍເລີຍ ແຕ່ຈັ່ງໃດກໍ່ສູ້ໆໄປນຳກັນເພາະພະຍາດບໍ່ໄດ້ເກີດແຕ່ບ້ານເຮົາດຽວນີ້ເປັນທົ່ວໂລກ ຕ້ອງຍອມຮັບໃນຊາຕາກຳ.


ຕາມການລາຍງານຂອງຄະນະສະເພາະກິດມື້ນີ້ ຜົນກາບກວດວິເຄາະປະຈຳວັນທີ 23 ກໍລະກົດ ພົບຜົນເປັນບວກທັງໝົດ 278 ກໍລະນີ ໃນນີ້ ຢູ່ນະຄອນຫຼວງວຽງຈັນ 4 ຄົນ, ບໍລິຄຳໄຊ 9 ຄົນ, ຄຳມ່ວນ 5 ຄົນ, ສະຫວັນນະເຂດ 198 ຄົນ, ສາລະວັນ 9 ຄົນ ແລະ ຈຳປາສັກ 53 ຄົນ ມັງໝົດແມ່ນເປັນກໍລະນີນຳເຂົ້າ.

ເຮັດໃຫ້ຕົວເລກຜູ້ຕິດເຊື້ອໂຄວິດຢູ່ ສປປ ລາວ ເພີ່ມເປັນ 4.620 ຄົນ ເສຍຊີວິດສະສົມ 5 ຄົນ. ໄລຍະນີ້ແມ່ນພວກເຮົາຍິ່ງມີຄວາມສ່ຽງສູງຂຶ້ນ ເນື່ອງຈາກເຊື້ອທີ່ເຂົ້າມານຳແຮງງານີ່ກັບຄືນປະເທດມີທັງສາຍພັນເດວຕ້າ ແລະອານຟ້າ.

ຄະນະສະເພາະກິດເຕືອນວ່າສາຍພັນເດວຕ້ານັ້ນ ຕິດໄດ້ງ່າຍ, ໄວ ແລະ ຝັງໃນຮ່າງກາຍຍາວນານ ເກັ່ງຕໍ່ການລົບຫຼີກການກວດ ທີ່ອັນຕະລາຍສຸດແມ່ນຜູ້ທີ່ມີພະຍາດປະຈຳຕົວ ຖ້າຕິດແລ້ວອາການຈະຮຸນແຮງ ແລະສ່ຽງຕໍ່ຊີວິດກວ່າຄົນທົ່ວໄປ.