ສຶກສາອົບຮົມ ພ້ອມໃຫ້ໄປຂໍຂະມາຫຼັງໄປຖ່າຍຮູບບໍ່ເໝາະສົມຢູ່ວັດພູ

ສຶກສາອົບຮົມ ພ້ອມໃຫ້ໄປຂໍຂະມາຫຼັງໄປຖ່າຍຮູບບໍ່ເໝາະສົມຢູ່ວັດພູ

24th July 2021 0 By Education

ວັດພູເປັນບູຮານສະຖານທີ່ປະຊາຊົນຊາວລາວ ໂດຍສະເພາະຊາວແຂວງຈຳປາສັກໃຫ້ການເຄົາລົບບູຊາ ແລະເປັນສະຖານທີ່ທ່ອງທ່ຽວທີ່ໂດດເດັ່ນຂອງປະເທດ ຈິ່ງມີຄົນຈຳນວນຫຼາຍໄປຢ້ຽມຢາມຖ່າຍຮູບໄວ້ເປັນທິລະນຶກ ແຕ່ນັ້ນບໍ່ສຳຄັນ ສຳຄັນທີ່ວ່າເມື່ອໄປຮອດສະຖານທີ່ສຳຄັນການເຄົາລົບເຈົ້າຖິ່ນ ແລະສະຖານທີ່ ເປັນສິ່ງທີ່ສົມຄວນ ແຕ່ເມື່ອເຮັດຜິດພາດປັບສະໄໝນີ້ໂຊຊຽວມາແຮງກໍ່ຈະຖືກທົວລົງຢ່າງແນ່ນອນ.

ຄືດັ່ງທ້າວ ສົມຄິດ ສິມພະວົງ ຄັ້ງໜຶ່່ງທີ່ໄດ້ໄປທ່ຽວວັດພູກໍ່ຄາດວ່າຈະສ້າງຄວາມແຕກຕ່າງໂຊໝູ່ແຕ່ຜິດຕໍ່ກົດລະບຽບມໍລະດົກ ແຖມໜຶ່ງຂໍ້ຄືຜິດຕໍ່ຮີດຄອງປະເພນີບ້ານເມືອງ.


ໃນຕອນບ່າຍຂອງວັນທີ 23 ກໍລະກົດ​ 2021​ ນີ້,​ ອົງການປົກຄອງເມືອງຈຳປາສັກ ໄດ້ນຳພາ ທ້າວ ສົມຄິດ ສິມພະວົງ​ ອາຍຸ 17 ປີ ອາຊີບ ນັກຮຽນ,​ປະຈຸບັນຢູ່ບ້ານຂອນແກ່ນເມືອງຈຳປາສັກ ແຂວງຈຳປາສັກ ເຂົ້າມາຈະມາ ຄາລະວະ ຕໍ່ໜ້າຜາສີນຫີນວັດພູຈຳປາສັກມໍລະດົກໂລກແຫ່ງທີ2 ຂອງສປປລາວ ພາຍຫຼັງຜູ້ກຽ່ວໄດ້ກະທຳຜິດ,ຕໍ່ກົດໜາຍ ແລະ ຮີດຄອງປະເພນີ, ທີໄດ້ສ້າງຄວາມເສື່ອມເສຍທາງດ້ານວັດທະນະທຳຮີດຄອງປະເພນີຂອງລາວ ແລະຜິດຕໍ່ກົດລະບຽບຂອງມໍລະດົກ, ໂດຍຜູ້ກ່ຽວ ໄດ້ໄປລັກຖ່າຍຮູບພາບທີໂປເປືອຍອະນາຈານ ບໍ່ເໝາະສົມໃນສະຖານທີ່ມໍລະດົກໂລກວັດພູຈຳປາສັກ ໃນຄັ້ງວັນທີ 28 /5/2021 ທີ່ຜ່ານມາແລ້ວນຳໄປໂຄສະນາຜ່ານສື່ອອນລາຍ.

ຕໍ່ການກະທຳຂອງຜູ້ກຽວ ອົງການປົກຄອງເມືອງຈຳປາສັກ ຈີ່ງໄດ້ນຳເອົາຜູ້ກ່ຽວມາສືກສາອົບຮົມ ເພື່ອໃຫ້ຜູ້ກ່ຽວມີຈີດສຳນືກ ຮູ້ຜິດຮູ້ຖືກ ຮູ້ອັນໃດເໜາະສົມ ບໍເໜາະສົມຄິດກ່ອນຈີງເຮັດ ​ ພາຍຫຼັງຜູ້ກ່ຽວໄດ້ຮັບສືກສາອົບຮົບອົງການປົກຄອງເມືອງຈຳປາສັກຈີ່ງໄດ້ນຳເອົາທ້າວ ສົມຄິດ ສິມພະວົງ ມາຂໍຂະມາ ຄາລະວະ ຕໍ່ໜ້າຜາສາດຫີນວັດພູຈຳປາສັກ ມໍລະດົກໂລກແຫ່ງທີ2 ຂອງສປປລາວ ໂດຍມີ ທ່ານ ພອນພິລົມ ພິຈິດ ກຳມະການ​ພັກ​ເມືອງ​ຫົວໜ້າ​ຫ້ອງການ ​ຖະແຫຼງຂ່າວ​-ວັດທະນະທຳ ແລະ ທ່ອງທຽ່ວ​ເມືອງຈຳປາສັກ, ທ່ານ ອຳພົນ​ ແສງພະຈັນ​ ຫົວໜ້າຫ້ອງການມໍລະດົກໂລກວັດພູຈໍປາສັກ,ແລະ ພ້ອມດ້ອຍພະນັກງານ ແລະ ນາຍບ້ານ ພໍ່-ແມ່ ຍາດພິນອ້ງຂອງຜູ້ກຽ່ວເຂົ້າຮວ່ມ.