ລະມາມວຸ້ນ ປະກາດຫາຜູ້ໄປເຮັດບຸນໃສ່ບາດວານນີ້ໃຫ້ໄປເກັບຕົວຢ່າງກວດຫາເຊື້ອ

ລະມາມວຸ້ນ ປະກາດຫາຜູ້ໄປເຮັດບຸນໃສ່ບາດວານນີ້ໃຫ້ໄປເກັບຕົວຢ່າງກວດຫາເຊື້ອ

24th July 2021 0 By Education

ແຂວງເຊກອງ ເຈົ້າເມືອງລະມາມມີຄຳສັ່ງດ່ວນ ເຖິງ44 ບ້ານທົ່ວເມືອງ ໃຫ້ເຂັ້ມງວດຕໍ່ການປະຕິບັດມາດຕະການປ້ອງກັນ ແລະ ຄວບຄຸມການແຜ່ລະບາດຂອງພະຍາດໂຄວິດ-19 ໂດຍອີງຕາມ ແຈ້ງການຂອງຄະນະສະເພາະກິດຂັ້ນແຂວງ ສະບັບເລກທີ 162/ສທຂ.ຄປຄຂ, ລົງວັນທີ 24/7/2021 ແມ່ນມີຈຸດທີ່ສ່ຽງທີ່ຈຸຕິດເຊື້ອໃນຊຸມຊົນ.

ດັ່ງນັ້ນ, ທ່ານເຈົ້າເມືອງຈິ່ງອອກຄໍາສັ່ງດັ່ງນີ້: 1. ກໍານົດເອົາບ້ານໂພນ ເປັນບ້ານທີ່ມີຄວາມສ່ຽງສູງທີ່ສຸດ, ຫ້າມບຸກຄົນພາຍໃນ ແລະ ພາຍນອກເດີນທາງເຂົ້າອອກບ້ານ ໃນໄລຍະທີ່ມີເຈົ້າຫນ້າທີ່ສະເພາະກິດປ້ອງກັນ ແລະ ຄວບຄຸມການແຜ່ລະບາດຂອງພະຍາດໂຄວິດ-19 ລົງເກັບຕົວຢ່າງຊອກຫາຜູ້ຕິດເຊື້ອພາຍໃນບ້ານ.

2. ສໍາລັບບຸກຄົນໃດ ທີ່ໄດ້ໄປຮ່ວມໃສ່ບາດຢູ່ວັດບ້ານໂພນ ໃນວັນບຸນເຂົ້າພັນສາ ວັນທີ 24/7/2021 ໃຫ້ຮີບຮ້ອນແຈ້ງລາຍຊື່ ຕົນເອງໃຫ້ອົງການປົກຄອງບ້ານຂອງຕົນ ເພື່ອສັງລວມ ແລະ ລາຍງານໃຫ້ຄະນະສະເພາະກິດຂັ້ນ ເມືອງ, ພ້ອມທັງກັກໂຕເອງຢູ່ເຮືອນ ບໍ່ໃຫ້ອອກໄປສໍາພັດກັບບຸກຄົນອື່ນ ໃນໄລຍະ 7 ວັນ ເພື່ອລໍຖ້າເຈົ້າຫນ້າທີ່ສະເພາະກິດໄປເກັບເອົາຕົວຢ່າງ ເພື່ອຊອກຫາເຊື້ອພະຍາດໂຄວິດ-19.

3. ສໍາລັບບ້ານໂພນ ໃຫ້ປິດຮ້ານອາຫານ, ຮ້ານກິນດື່ມ, ຮ້ານເສີມສວຍ, ຮ້ານຕັດຜົມ, ສັງວຽນໄກ່ຕີ, ຮ້ານສະນຸກ
ເກີ ແລະ ສະຖານທີ່ອື່ນ ທີ່ມີການເຕົ້າໂຮມຈໍານວນຄົນຫຼາຍ. ສໍາລັບຮ້ານ ຂາຍຍົກ-ຂາຍຍ່ອຍ, ຕະຫຼາດສົດ ໃຫ້ ເປີດໄດ້ປົກກະຕິ ແຕ່ຕ້ອງ ໃສ່ຜ້າອັດປາກ-ອັດດັງ ຮັກສາໄລຍະຫ່າງ 1 ແມັດຂື້ນໄປ ແລະ ລ້າງມືດ້ວຍສະບູ ຫຼື ເຈວລ້າງມື ຢ່າງຄັກແນ່.

ໄປພ້ອມກັນນີ້ ຫ້າມຈັດງານງານໂຮມຊຸມຫນຸມງານລ້ຽງສ້າງສັນທຸກຮູບແບບ, ຍົກເວັນ ງານສົບ-ງານສົ່ງສະການແມ່ນອະນຸຍາດຈັດສະເພາະໃນຄອບຄົວ ແລະ ຍາດຕິພີ່ນ້ອງ ແຕ່ຕ້ອງປະຕິບັດຕາມມາດ ຕະການປ້ອງກັນຢ່າງເຂັ້ມງວດ.