ທາງລົດໄຟລາວ-ຈີນ ແມ່ນໜຶ່ງຫົນທາງການສ້າງເງິນເພີ່ມລາຍຮັບໃຫ້ແກ່ປະເທດເຮົາ

ທາງລົດໄຟລາວ-ຈີນ ແມ່ນໜຶ່ງຫົນທາງການສ້າງເງິນເພີ່ມລາຍຮັບໃຫ້ແກ່ປະເທດເຮົາ

29th July 2021 0 By Education

ເມື່ອເວົ້າເຖິງໂຄງການທາງລົດໄຟລາວ-ຈີນ ຫຼາຍຄົນຍັງບໍທັນຄິດຫຍັງກໍວ່າ ໂອ້ຍບໍຫວັງດອກນັ້ນຄົນລາວບໍໄດ້ແອ້ມ ເຮັດມາເພື່ອຈີນ ແລ້ວມີໃຜແນ່ທີ່ເຫັນໂຄງການດີໆແບບນີ້ແລ້ວຈະຄິດຫາຜົນປະໂຫຍດກັບມັນ? ທ່ານໃດເຄີຍສຶກສາການສົ່ງອອກນຳເຂົ້າຂອງປະເທດເຮົາໃນທຸກວັນນີ້ ຖ້າຍັງແອັດບອກໃຫ້ຄ່າວໆ ໄທເປັນປະເທດທີ່ເຮົານຳເຂົ້າຫຼາຍເປັນອັນດັບ1 ສ່ວນຈີນເປັນປະເທດທີ່ຮັບຊື້ຈາກເຮົາຫຼາຍເປັນນຳເບີ1 ແລະເຮົາຍັງຈະມີໂອກາດຫຼາຍຂຶ້ນເມື່ອໂຄງການທາງລົດໄຟນີ້ສຳເລັດ.

ໃຫ້ເຊື່ອວ່າ ທາງລົດໄຟລາວ-ຈີນຈະນຳພາປະຊາຊົນສອງຊາດລາວ-ຈີນໄປສູ່ອະນາຄົດທີ່ສົດໃສກວ່າເກົ່າ ແຕ່ຈະເຮັດໄດ້ຫຼາຍຫຼືໜ້ອຍສ່ຳໃດນັ້ນຂຶ້ນຢູ່ກັບພູມປັນຍາຂອງປະຊາຊົນລາວເຮົາເອງວ່າມີສັກກາຍະພາບພຽງໃດ ທີ່ແນ່ນອນຈີນເປັນຕະຫຼາດໃຫຍ່ອັນດັບຕົ້ນໆຂອງໂລກມີປະຊາກອນຈຳນວນຫຼາຍ ຄວາມຕ້ອງການບໍລິໂພກສູງ ຖ້າເຮົາດຸໝັ່ນອະນາຄົດໄກແນ່ນອນ.

ສຳລັບການກໍ່ສ້າງມາເດືອນພຶດສະພາປີນີ້, ສະຖານີລົດໄຟກາສີຕາມທາງລົດໄຟລາວ-ຈີນໄດ້ສຳເລັດການຕົບແຕ່ງພາຍນອກກ່ອນໝູ່ຖ້າທຽບໃສ່ບັນດາສະຖານີທີ່ຢູ່ຕາມທາງລົດໄຟນັບບໍ່ເຕັນຫານະຄອນຫຼວງວຽງ ຈັນ. ວັນທີ 24 ມິຖຸນາເດືອນແລ້ວນີ້, ຈີນ ແລະ ລາວໄດ້ສ້າງຕັ້ງສູນການເຊື່ອມຈອດທາງລົດໄຟແມ່ນ້ຳລ້ານຊ້າງ-ແມ່ນ້ຳຂອງ “ໜຶ່ງແລວໜຶ່ງເສັ້ນທາງ”. ວັນທີ 23 ກໍລະ ກົດນີ້, ສະຖານີລົດໄຟໂພນໂຮງຕາມທາງລົດໄຟລາວ-ຈີນໄດ້ສຳເລັດການຕົບແຕ່ງພາຍໃນແລະພາຍນອກກ່ອນໝູ່ໃນ 10 ສະຖານີລົດໄຟທີ່ຈະເປີດພ້ອມກັນ.

ແລະ ວັນທີ 24 ກໍລະກົດນີ້, ສະຖານີຈ່າຍໄຟຟ້າແຫ່ງທຳອິດໃນໂຄງການສະໜອງໄຟຟ້າໃຫ້ກັບທາງລົດໄຟລາວ-ຈີນຕອນໃນປະເທດລາວໄດ້ສຳເລັດການທົດລອງສົ່ງໄຟຟ້າແລ້ວ ເຊິ່ງຈະເປັນການຮັບ ປະກັນດ້ານພະລັງງານໄຟຟ້າໃຫ້ແກ່ການແລ່ນລົດໄຟລາວ-ຈີນ.

ໂຄງການທາງລົດໄຟລາວ-ຈີນໄດ້ເລີ່ມລົງມືກໍ່ສ້າງທາງລົດໄຟລາວ-ຈີນໃນປີ 2016 ເປັນຕົ້ນມາ ຮອດມື້ນີ້ເວົ້າໄດ້ວ່າເປັນໂຄ້ງສຸດທ້າຍຂອງການກໍ່ສ້າງແລ້ວ ນັບຖອຍຫຼັງອີກພຽງ 4 ເດືອນເຮົາກໍ່ຈະໄດ້ຂີ່ລົດໄຟຂຶ້ນເໜືອໄປຈົນຮອດເມືອງຈີນພຸ້ນລະ.

ເຊິ່ງເສັ້ນທາງສາຍນີ້ນອກຈາກຈະຊ່ວຍໃຫ້ບັນດາແຂວງພາກເໜືອເດີນທາງ ລວມທັງສົ່ງສິນຄ້າມານະຄອນຫຼວງໄດ້ໄວ້ຂຶ້ນໃນຕົ້ນທຶນທີ່ຖືກລົງແລ້ວຍັງຈະຊ່ວຍສ້າງລາຍຮັບອີກຫຼາຍໃນອະນາຄົດ ຖ້າຫາກວ່າພວກເຮົາເບິ່ງເຫັນກຳລັງຊື້ຂອງຝ່າຍຈີນ ແລະສາມາດຕອບສະໜອງໄດ້.

ສຳລັບເສັ່ນທາງລົດໄຟລາວ-ຈີນແຕ່ບໍ່ເຕັນ-ຊາຍແດນລາວ-ຈີນມາຮອດນະຄອນຫຼວງວຽງຈັນໃນໄລຍະທາງ 400 ກວ່າກິໂລແມັດ ມີທັງໝົດ 11 ສະຖານີ ແລະ ຈະເປີດບໍລິການ 10 ສະຖານີກ່ອນ.