ລາຍລະອຽດເພີ່ມເຕີມ! ການຮັບສະໝັກຄົນລາວເຮັດວຽກໃນໂຄງການເສັ້ນທາງລົດໄຟລາວ-ຈີນ

ລາຍລະອຽດເພີ່ມເຕີມ! ການຮັບສະໝັກຄົນລາວເຮັດວຽກໃນໂຄງການເສັ້ນທາງລົດໄຟລາວ-ຈີນ

28th February 2020 0 By Education

ໂຄງການທາງລົດໄຟລາວ-ຈີນ ເປັນໂຄງການເຊື່ອມຈອດຍຸດທະສາດລະຫວ່າງ ຂໍ້ລິເລີ່ມ “ໜື່ງແລວ ໜື່ງເສັ້ນທາງ” ຂອງ ສປ ຈີນ ແລະ ນະໂຍບາຍຂອງ ສປປ ລາວ “ຫັນປະເທດທີ່ບໍ່ມີທາງອອກສູ່ທະເລ ໃຫ້ເປັນປະເທດເຊື່ອມຈອດທະເລ”, ເສັ້ນທາງລົດໄຟລາວ-ຈີນ ເປັນເສັ້ນທາງລົດໄຟລະບົບລາງມາດຕະຖານສາກົນແລ່ນດ້ວຍໄຟຟ້າ ແຫ່ງທຳອິດຂອງອາຊຽນ.

ການເປີດດຳເນີນການຂອງເສັ້ນທາງລົດໄຟລາວ-ຈີນ ຈະເປັນການຍົກສູງລະດັບການຄົມມະນາຄົມທີ່ຫຍຸ້ງຍາກຂອງ “ປະເທດທີ່ບໍ່ມີທາງອອກສູ່ທະເລ ພຽງໜື່ງດຽວໃນອາຊຽນ”, ເປີດສະພາບການຄົມມະນາຄົມໃໝ່ ທີ່ມີຄວາມສາມາດການຂົນສົ່ງສູງ, ຕົ້ນທຶນຕໍ່າ, ລະບົບຄົມມະນາຄົມມະຫາຊົນ, ເລັ່ງລັດຄວາມຄືບໜ້າການຂະຫຍາຍຕົວເມືອງ, ຊຸກຍູ້ທ່າແຮງຊັບພະຍາກອນກໍ່ຄື ການທ່ອງທ່ຽວ, ທີ່ດິນ, ນ້ຳ, ບໍ່ແຮ່ ແລະ ອື່ນໆ, ໃຫ້ກາຍເປັນທ່າແຮງເສດຖະກິດຢ່າງມີປະສິດທິຜົນ,ເຂົ້າສູ່ສະໄໝໃໝ່ທີ່ທາງລົດໄຟຊຸກຍູ້ການພັດທະນາເສດຖະກິດແຫ່ງຊາດ.

ປັດຈຸບັນແມ່ນມີຄວາມຕ້ອງການຮັບສະໝັກຄົນລາວຜູ້ມີຄວາມສາມາດຈຳນວນຫຼາຍ ເຂົ້າຮ່ວມງານຝຶກອົບຮົມ ລາຍລະອຽດດັ່ງນີ້: ການຝຶກອົບຮົມຄົນລາວ ຕຳແໜ່ງວິຊາທາງລົດໄຟເພື່ອຮັບໃຊ້ຊ່ວງການດໍາເນີນການ ລົດໄຟແບ່ງອອກເປັນ 3 ຊຸດ, ໃນຄັ້ງນີ້ປະກາດຮັບສະໝັກຊຸດທີ 1 ສະມາຊິກຄອບຄົວທີ່ໄດ້ຮັບຜົນກະທົບດ້ານການເວນຄືນ, ການຍົກຍ້າຍ, ການຍົກຍ້າຍແລວທາງ ແລະ ອື່ນໆ ຕາມເສັ້ນທາງລົດໄຟລາວ-ຈີນ ຈະໄດ້ຮັບບຸລິມະສິດໃນການເຂົ້າຝຶກອົບຮົມ.

1 ເວລາການສະໝັກ: ແຈ້ງການປະກາດຮັບສະໝັກສະບັບນີ້ມີຜົນໄລຍະຍາວ, ແຕ່ກໍານົດເວລາສົ່ງເອກະສານສຳລັບຊຸດທີ 1 ແມ່ນ ເລີ່ມແຕ່ມື້ປະກາດສະບັບນີ້ ຫາ ວັນທີ 15 ມີນາ 2020.

2 ຕໍາແໜ່ງ ແລະ ຈໍານວນ ຮັບສະໝັກ: ຊຸດທີ 1 ຮັບສະໝັກປະມານ 300 ຄົນ, ສາມາດສະໝັກຫຼາຍຕໍາແໜ່ງ, ລາຍລະອຽດດັ່ງລຸ່ມນີ້: ຄົນຂັບລົດໄຟ, ຮັບຜິດຊອບຂັບຫົວຈັກລົດໄຟ; ຜູ້ຄຸມການເດີນລົດ ຮັບຜິດຊອບການຄຸ້ມຄອງບັນຊາການການເດີນລົດ; ຜູ້ສ້ອມແປງຫົວລົດໄຟ ຮັບຜິດຊອບການກວດກາ ແລະ ສ້ອມແປງ ຫົວລົດໄຟ, ຫົວລົດໄຟເຄື່ອນທີ່ດ່ວນ, ຕູ້ລົດໄຟ; ຊ່າງພື້ນຖານໂຄງລ່າງ ຮັບຜິດຊອບບຳລຸງຮັກສາເສັ້ນທາງ, ຂົວ, ອຸໂມງ, ອະນັດສັນຍານ, ໂທລະຄົມ, ລະບົບສື່ສານ, ລະບົບໄຟຟ້າ ແລະ ອື່ນໆ.

3 ດ້ານເງື່ອນໄຂ ແລະ ຂໍ້ກຳນົດ ຕ້ອງມີສຸຂະພາບແຂງແຮງ, ບໍ່ມີປະຫວັດກ່ຽວກັບເລື່ອງຜິດກົດໝາຍ, ມັກໃນວຽກງານຂົງເຂດລົດໄຟ; ມີຄວາມຊື່ສັດ ແລະ ເຊື່ອໃຈໄດ້, ມີຜົນການຮຽນທີ່ດີ, ຮູ້ວັດທະນາທຳອົງກອນລາວ ແລະ ຈີນ; ສັນຊາດລາວ, ອາຍຸບໍ່ໃຫ້ກາຍ 30 ປີ, ຫຼື ສໍາລັບຄົນທີ່ມີປະສົບການເຮັດວຽກໃນຂະແໜງການລົດໄຟແມ່ນບໍ່ໃຫ້ກາຍ 35 ປີ; ຈະພິຈາລະນາພິເສດສໍາລັບຜູ້ທີ່ມີພື້ນຖານພາສາຈີນ, ຮຽນຈົບຊັ້ນວິທະຍະໄລ (ຊັ້ນສູງ) ຂື້ນໄປ, ຈະພິຈາລະນາພິເສດວິຊາສະເພາະດ້ານ: ການຂົນສົ່ງ, ວິສະວະກຳລົດໄຟ, ວິສະວະກຳອຸດສາຫະກຳ, ການຂົນສົ່ງທາງລາງ, ອານັດສັນຍານສື່ສານ, ກົນຈັກໄຟຟ້າ, ວິສະວະກຳກົນຈັກ, ອອກແບບ ແລະ ຜະລິດກົນຈັກ, ວິສະກະກຳໄຟຟ້າ ແລະ ເຕັກໂນໂລຊີ, ວິສະວະກຳຂໍ້ມູນ, ສັນຍານ ແລະ ການຄວບຄຸມການຂົນສົ່ງທາງລາງ, ວິສະວະກຳສື່ສານ, ການຂົນສົ່ງ, ການຄຸ້ມຄອງການຂົນສົ່ງໂລຈິສຕິກ ແລະ ອື່ນໆ.

4 ສ່ວນຂັ້ນຕອນການສະໝັກ: ຜູ້ສະໝັກຈະຕ້ອງໄດ້ເຂົ້າໄປເວບໄຊ້ www.lcrc.ltd ເພື່ອໂຫຼດເອົາແບບຟອມສະໝັກ ຫຼື ສາມາດ ເຂົ້າໄປທີ່ເວັບໄຊ້ www.lcrc.ltd ເພື່ອເຂົ້າສະໝັກ ເຊິ່ງເລີ່ມເປີດໃນວັນທີ 27 ເດືອນ ກຸມພາ ປີ 2020, ປະກອບຂໍ້ມູນສ່ວນໂຕ ແລະ ອັບໂຫຼດເອກະສານທີ່ກ່ຽວຂ້ອງ, ຫຼື ສົ່ງແບບຟອມພ້ອມເອກະສານກ່ຽວຂ້ອງ ເຂົ້າມາທີອີເມວ hr@lcrc.ltd ຫຼື ສົ່ງສະບັບເຈ້ຍໄດ້ທີ່ບໍລິສັດທາງລົດໄຟລາວ-ຈີນ ຈໍາກັດ ຫ້ອງການຢູ່ທີ່ວຽງຈັນເຊັນເຕີ້ ຊັ້ນ 6, ຜູ້ສະໝັກທີ່ຢູ່ຕາມແລວທາງລົດໄຟ ສາມາດສົ່ງສະບັບເຈ້ຍໄດ້ທີ່ກອງບັນຊາການຫຼວງພະບາງ (ໂຮງແຮມຫາຍໂສກ ບ້ານພະບາດໃຕ້ ນະຄອນຫຼວງພະບາງ). ບໍລິສັດຈະກວດກາເອກະສານ ໂດຍຄັດເລືອກເອົາຕາມເງື່ອນໄຂຂອງແຕ່ລະຕໍາແໜ່ງ.

5 ດ້ານການສອບເສັງຂຽນ ແລະ ສຳພາດ ບົນພື້ນຖານຂອງການກວດກາເງື່ອນໄຂຂອງຜູ້ສະໝັກ, ບໍລິສັດທາງລົດໄຟລາວ-ຈີນ ຈໍາກັດ ຈະແຈ້ງຕໍ່ຜູ້ຜ່ານການຄັດເລືອກເພື່ອເຂົ້າຮ່ວມການສອບເສັງ ແລະ ສຳພາດ; ການຄັດເລືອກເອົາຜູ້ສະໝັກສຳລັບການຝຶກອົບຮົມ ບໍລິສັດຈະສະເໜີຜູ້ສະໝັກເພື່ອເຂົ້າຮ່ວມການຝຶກອົບຮົມວິຊາສະເພາະ ໂດຍອີງຕາມການປະເມີນຜົນດ້ານແນວຄິດ, ຜົນການສຶກສາ, ສຸຂະພາບ, ຜົນສອບເສັງຂຽນ ແລະ ຜົນການສຳພາດ .

ນອກຈາກນີ້ ກໍ່ມີດ້ານອື່ນໆ ອີກເຊັ່ນ: ຜູ້ສະໝັກຈະໄດ້ຮັບການສະເໜີຊື່ໃຫ້ເຂົ້າຮ່ວມການຝຶກອົບຮົມ, ບໍລິສັດຈະຄັດເລືອກຕໍາແໜ່ງ ແລະ ເນື້ອໃນການຝຶກອົບຮົມ ໂດຍອີງຕາມພື້ນຖານການປະເມີນຜົນໂດຍລວມ; ບໍລິສັດຈະສົ່ງຜູ້ຖືກຄັດເລືອກໃຫ້ໄປຝຶກອົບຮົມຕົວຈິງ ຢູ່ຄຸນໝິງ, ສປ ຈີນ ເປັນເວລາ 12 ຫາ 18 ເດືອນ. ເນື້ອໃນການຝຶກອົບຮົມຫຼັກໆ ແມ່ນການຝຶກດ້ານພາສາ ແລະ ເຕັກນິກສະເພາະກ່ຽວກັບລົດໄຟ, ບໍລິສັດຈະເປັນຜູ້ຮັບຜິດຊອບຄ່າໃຊ້ຈ່າຍໃນການຝຶກອົບຮົມ, ບໍລິສັດຈະສະໜອງໂບນັສ ໃຫ້ແກ່ຜູ້ທີ່ມີຜົນການຝຶກອົບຮົມດີເດັ່ນ, ໃນໄລຍະການຝຶກອົບຮົມ

ໂດຍອີງຕາມແຜນການຝຶກອົບຮົມ ຈະໄດ້ຈັດສັນແຜນການພັກຮຽນຕາມຄວາມເໝາະສົມ, ຜູ້ເຂົ້າຮ່ວມການຝຶກອົບຮົມຈະຕ້ອງເຊັນສັນຍາການຝຶກອົບຮົມກັບບໍລິສັດທາງລົດໄຟລາວ-ຈີນ ຈຳກັດ. ພາຍຫຼັງທີ່ຜ່ານການຝຶກອົບຮົມແລ້ວ, ຜູ້ເຂົ້າຮ່ວມຈະຕ້ອງຜ່ານການປະເມີນຜົນ ແລະ ຜ່ານຂັ້ນຕອນການຄັດເລືອກພະນັກງານຂອງບໍລິສັດ ຈຶ່ງຈະໄດ້ເຊັນສັນຍາແຮງງານ ແລະ ຮັບການບັນຈຸເຂົ້າເປັນພະນັກງານຂອງບໍລິສັດທາງລົດໄຟລາວ-ຈີນ ຈຳກັດ ຢ່າງເປັນທາງການ. ບໍລິສັດ ຈະສະໜອງເງິນເດືອນ ແລະ ສະຫວັດດີການທີ່ດີ, ບ່ອນປະຈຳການໃນຊ່ວງດໍາເນີນການແມ່ນຢູ່ ນະຄອນຫຼວງວຽງຈັນ, ວັງວຽງ, ຫຼວງພະບາງ, ເມືອງໄຊ, ນາເຕີຍ, ບໍ່ເຕ່ນ ແລະ ບ່ອນອື່ນໆທີ່ມີລົດໄຟຜ່ານ

ສະຖານທີ່ສົ່ງເອກະສານທີ່ນະຄອນຫຼວງວຽງຈັນ: ຕຶກວຽງຈັນເຊີນເຕີ ຫ້ອງການ ຊັ້ນ 6, ເບີໂທຕິດຕໍ່ 021-229 965; 021-229 992 ສະຖານທີ່ສົ່ງເອກະສານ ຢູ່ນະຄອນຫຼວງພະບາງ: ກອງບັນຊາການ ບໍລິສັດທາງລົດໄຟລາວ-ຈີນ ທີ່ໂຮງແຮມຫາຍໂສກ ບ້ານພະບາດໃຕ້ ນະຄອນຫຼວງພະບາງ (ແຖວພະແນກການເງິນຫຼວງພະບາງ) ເບີໂທຕິດຕໍ່: 020-55750700, ອີເມວ: ຖ້າຫາກມີຄໍາຖາມ, ກະລຸນາສົ່ງອີເມວພ້ອມໃສ່ຫົວຂໍ້: ບັນຫາການຮັບສະໝັກງານໄດ້ທີ່: hr@lcrc.ltd

ເອກະສານຂັດຕິດ:http://www.lcrc.ltd/la/newsdetails.htm?newsid=228