ຈົນ​ເປັນ​ຂ່າວ​ດັງ ຫຼົງ​ປ່າມາ​ເກັບ​ເຫັດຢູ່ລາວ ແລ້ວ​ໄດ້​ສັກ​ວັກ​ຊີນ ສຸດ​ທ້າຍ​ບໍ່​ແມ່ນ​ເດີ້​ບໍ່​ໄດ້​ສັກ

ຈົນ​ເປັນ​ຂ່າວ​ດັງ ຫຼົງ​ປ່າມາ​ເກັບ​ເຫັດຢູ່ລາວ ແລ້ວ​ໄດ້​ສັກ​ວັກ​ຊີນ ສຸດ​ທ້າຍ​ບໍ່​ແມ່ນ​ເດີ້​ບໍ່​ໄດ້​ສັກ

3rd August 2021 0 By Entertain

ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ແຂວງຈໍາປາສັກໄດ້ລາຍງານໃຫ້ຮູ້ວ່າ:

.

ຈາກກໍລະນີທີ່ສື່ສັງຄົມ ອອນລາຍ ແລະ ສື່ບາງສໍານັກຂອງໄທໄດ້ລາຍງານ ຫຼື ອອກຂ່າວທີ່ວ່າມີພົນລະເມືອງ 7 ຄົນ ທີ່ເປັນຄົນສັນຊາດໄທ ປະຊາຊົນຢູ່ແຂວງອຸບົນລາດຊະທານີ ຣາຊະອານາຈັກໄທໄດ້ເຂົ້າປ່າເພື່ອຊອກເຄື່ອງປ່າຂອງດົງຢູ່ບໍລິເວນຊາຍແດນລາວ-ໄທ ແລະ ໄດ້ພາກັນຫຼົງປ່າເຂົ້າມາດິນແດນລາວ ຢູ່ ແຂວງຈໍາປາສັກ ເມື່ອວັນທີ 1 ສິງຫາ 2021 ທີ່ຜ່ານມານັ້ນແມ່ນມີມູນຄວາມຈິງ.

ປັດຈຸບັນນີ້ພວກກ່ຽວທັງໝົດໄດ້ຖືກນໍາຕົວໄປຢູ່ສູນຈໍາກັດບໍລິເວນຊົ່ວຄາວຫຼັກ 21 ແຂວງຈໍາປາສັກ ຕາມມາດຕະການປ້ອງກັນ ແລະ ສະກັດກັ້ນການແຜ່ລະບາດ ຂອງພະຍາດໂຄວິດ-19 ຂອງ ສປປ ລາວ ແລະ ເຈົ້າໜ້າທີ່ຝ່າຍ ລາວກໍາລັງດໍາເນີນການເຈລະຈາກັບເຈົ້າໜ້າ ທີ່ໄທເພື່ອສົ່ງພວກ ກ່ຽວກັບຄືນປະເທດແບບຖືກກົດໝາຍ ແລະ ປະຕິບັດຕາມສົນທິ ສັນຍາລະຫວ່າງສອງປະເທດລາວ-ໄທ.

ຄະນະສະເພາະກິດໄດ້ລາຍງານ ໃຫ້ຮູ້ຕື່ມອີກວ່າ: ສະເພາະກໍລະນີ ທີ່ບາງສໍານັກສື່ຂອງໄທໄດ້ລາຍງານວ່າ 7 ຄົນໄທທີ່ຫຼົງເຂົ້າມາແຂວງ ຈໍາປາສັກໄດ້ຮັບການສັກຢາວັກຊິນຕ້ານພະຍາດໂຄວິດ-19 ຈາກລາວຮຽບຮ້ອຍແລ້ວນັ້ນ ນັ້ນແມ່ນບໍ່ມີມູນຄວາມຈິງ.

ຂ່າວ: ໂທລະພາບແຫ່ງຊາດລາວ/ວຽງຈັນທາຍ