ໂຄວິດແສນໂຫດຮ້າຍ ໃຜຈະຮູ້ວ່ານັ້ນຄືຄັ້ງສຸດທ້າຍ

ໂຄວິດແສນໂຫດຮ້າຍ ໃຜຈະຮູ້ວ່ານັ້ນຄືຄັ້ງສຸດທ້າຍ

4th August 2021 0 By Education

ເປັນເລືື່ອງລາວທີ່ເສົ້າໃຈຫຼາຍ ກັບໜຸ່ມກູ້ໄພປະເທດເພື່ອນບ້ານທີ່ຕົນອາສາເປັນຜູ້ຮັບໄປສົ່ງຜູ້ປ່ວຍໂຄວິດ ແລະວັນໜຶ່ງກໍ່ມາຮອດຄອບຄົວໂຕເອງ ຜູ້ເປັນແມ່ຕ້ອງໄປປິ່ນປົວ ລາວເອງດ້ວຍຄວາມກະຕັນຍູໄດ້ກົ້ມກາບແມ່ກ່ອນຮັບຕົວແມ່ໄປສົ່ງຢູ່ໂຮງໝໍພາກສະໜາມ.

ແລະໃຜຈະຄິດວ່າການກົ້ມກາບໃນຄັ້ງນັ້ນຈະເປັນຄັ້ງສຸດທ້າຍທີ່ໄດ້ເຮັດໜ້າທີ່ລູກຜູ້ກະຕັນຍູ ມັນບີບຫົວໃຈເຫຼືອເກີນ…..ແມ່ໄປແລ້ວໜຸ່ມກູ້ໄພກໍ່ລໍວັນລໍຄືນຫວັງວ່າບໍ່ດົນແມ່ຈະກັບມາ ແຕ່ແລ້ວແມ່ໄດ້ຈາກໄປຕະຫຼອດການບໍ່ກັບມາອີກເລີຍ…ເພາະພະຍາດອັນແສນໂຫດຮ້າຍໂຄວິດ-19.

ຂ່າວບອກວ່ານັບແຕ່ມີໂຄວິດລະບາດແຮງໃນໄທ ໜຸ່ມກູ້ໄພຄົນນີ້ທຸກວັນແມ່ນໄດ້ຂັບລົດໄປຮັບຜູ້ປ່ວຍບໍ່ຮູ້ຈຳນວນເທົ່າໃດ ຫຼັງຈາກັບມາກໍ່ນັ່ງຮັບສາຍຢູ່ວໍ ທຸ່ມເທເຮັດໃຫ້ຊ່ວຍສັງຄົມ ແຕ່ມາວັນໜຶ່ງລາວຕ້ອງໄປຮັບແມ່ໂຕເອງໄປສົ່ງໂຮງໝໍ.

ມັນເໝືອນກັບເປັນລາງບອກເຫດກ່ອນແມ່ໄປໜຸ່ມກູ້ໄພຕ້ອງກົ້ມກາບແມ່ດ້ວຍຄວາມຮັກກະຕັນຍູ ແລະກໍ່ກາຍເປັນການກາບຄັ້ງສຸດທ້າຍໃນຊີວິດຂອງລູກຄົນໜຶ່ງທີ່ມີຕໍ່ແມ່ຜູ້ໃຫ້ກຳເນີດ ຂໍໃຫ້ໄປດີເດີ້ແມ່….ສະແດງຄວາມເສຍໃຈນຳຫຼາຍ.