ເງິນກໍ່ຕ້ອງການ ໂຄວິດກໍ່ຕ້ອງປ້ອງກັນຢ່າຝືນເພື່ອທຸກຄົນ

ເງິນກໍ່ຕ້ອງການ ໂຄວິດກໍ່ຕ້ອງປ້ອງກັນຢ່າຝືນເພື່ອທຸກຄົນ

5th August 2021 0 By Education

ຈັກຊິວ່າຈັ່ງໃດດີ ທຸກວັນນີ້ຄືຮູ້ກັນດີທຸກບ່ອນມີຄວາມສ່ຽງ ແລະສ່ຽງຕໍ່ສາຍພັນເດວຕ້າອີກເພາະມັນມາຮອດລາວ ມີຫຼາຍກໍລະນີແລ້ວ ສະນັ້ນບາງຢ່າງເຮົາຈິ່ງຄວນປ່ອຍວາງສັ່ງໃຈໃຫ້ຢຸດກ່ອນ ເງິນສຳຄັນສຸດແຕ່ຊີວິດສຳຄັນກວ່າ.

ຕາບໃດທີ່ຍັງມີຊີວິດເງິນຍັງສາມາດຫາໄດ້ ແຕ່ຖ້າຊີວິດວຸ້ນວາຍຈິດໃຈຈະຫາເງິນມັນຖອຍລົງ ແຖມເວົ້າຄຳວ່າເສຍດາຍບໍ່ເກີດຜົນດີຫຍັງຂຶ້ນມາ ດ້ວຍເຫດນີ້ຂັ້ນເທິງອອກກົດມາເຮົາຕ້ອງຍອມຮັບ ແລະປະຕິບັດຕາມ ເພາະເພິ່ນຫວັງດີເປັນຫ່ວງທຸກຄົນນັ້ນແລ ຢ່າເຮັດຄືຮ້ານອາຫານເຫຼົ່ານີ້.


ໃນຄືນວັນທີ 1 ສິງຫາ 2021, ເຈົ້າໜ້າທີ່ຕໍາຫຼວດພະແນກທ່ອງທ່ຽວ ຫ້ອງສັນຕິບານ ກອງບັນຊາການ ປກສ ນະຄອນຫຼວງວຽງຈັນ ນໍາໂດຍ ພັທ ອຸດອນ ຈັນທະວົງ ຮອງຫົວໜ້າຫ້ອງສັນຕິບານ ປກສ ນວ ໄດ້ສົມທົບກັບກອງພັນປ້ອງກັນເຄື່ອນທີ່ ແລະ ພາກສ່ວນທີ່ກ່ຽວຂ້ອງ ລົງກວດກາພົບເຫັນ ຮ້ານ ຊີຊີ ບຣາ ຢູ່ເຂດສາມແຍກຫຼັກ 1 ບ້ານຫາຍໂສກ ເມືອງຈັນທະບູລີ ແລະ ຮ້ານອາຫານ ດົງຫອຍ ຢູ່ເຂດເສັ້ນທາງຕັດໃໝ່ລະຫວ່າງ ບ້ານພະຂາວ ຫາ ບ້ານ ຄໍາຮຸ່ງ ເມືອງໄຊທານີ.


ທັງສອງຮ້ານແມ່ນເປີດໃຫ້ໃຊ້ບໍລິການເກີນໂມງທີ່ກໍານົດໄວ້ ( 22:00 ໂມງ ) ແລະ ບໍລິການເຄື່ອງດື່ມທີ່ມີທາດເຫຼົ້າ ໂດຍລະເມີດຕໍ່ແຈ້ງການເລກທີ 018/ສພກ.ນວ, ລົງວັນທີ 20 ກໍລະກົດ 2021 ວ່າດ້ວຍການເພີ່ມທະວີມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການແຜ່ລະ ບາດຂອງພະຍາດໂຄວິດ-19 ຢູ່ນະຄອນຫຼວງວຽງຈັນ.

Cr: ປກສ ນະຄອນຫລວງວຽງຈັນ