ສ້າງສະຖິຕິໃໝ່ອີກແລ້ວ ຕິດໂຄວິດນີ້

ສ້າງສະຖິຕິໃໝ່ອີກແລ້ວ ຕິດໂຄວິດນີ້

18th August 2021 0 By Education

ອີກແລ້ວພີ່ນ້ອງເອີຍ ຕົວເລກສູງຂຶ້ນເລື້ອຍໆ ມື້ນີ້ 381 ຄົນເປັນຍອດສູງສຸດນັບແຕ່ເຄີຍມີການລະບາດຂອງພະຍາດໂຄວິດ-19 ໃນ ສປປ ລາວ.

ຕາມການຖະແຫຼງຂອງຄະນະສະເພາະກິດໃນວັນທີ 18 ສິງຫາ 2021 ນີ້ ແຈ້ງໃຫ້ຮູ້ວ່າ ໃນວັນທີ 17 ສິງຫາ ທົ່ວປະເທດໄດ້ເກັບຕົວຢ່າງມາກວດທັງໝົດ  2.600 ກວ່າຕົວຢ່າງ ແລະ ພົບເຊື້ອ 381 ຄົນ ໃນນັ້ນຕິດໃນຊຸມຊົນຫຼາຍເຖິງ 48 ຄົນ.

ສຳລັບການຕິດເຊື້ອໃນຊຸມຊົນແມ່ນພົບຫຼາຍທີ່ສຸດໃນແຂວງສະຫວັນນະເຂດ ມີຫຼາຍເຖິງ 44 ກໍລະນີ, ຄຳມ່ວນ 2 ຄົນ, ແຂວງ ບໍ່ແກ້ວ ແລະນະຄອນຫຼວງແຂວງ ແລະ 1 ກໍລະນີ.

ນອກຈາກນັ້ນແມ່ນກໍລະນີນຳເຂົ້າ ນະຄອນຫຼວງວຽງຈັນ 33 ຄົນ, ບໍລິຄຳໄຊ 1, ຄຳມ່ວນ 148 ຄົນ, ສະຫວັນນະເຂດ 108 ຄົນ, ຈຳປາສັກ 45 ຄົນ ແລະສາລະວັນ 1 ຄົນ.

ເຮັດໃຫ້ຕົວເລກຜູ້ຕິດເຊື້ອໃນປະເທດເຮົາມາຮອດມື້ນີ້ເພີ່ມເປັນ 11.029 ຄົນ ເສຍຊີວິດແລ້ວ 9 ຄົນ.